Shivamogga: ಆಕ್ಸಿಡೆಂಟ್‌ ಆಗಿ ಸ್ನೇಹಿತ ಸಾವು! ಸುದ್ದಿ ಕೇಳಿ ಇನ್ನೋರ್ವ ಸ್ನೇಹಿತನಿಗೆ ಹೃದಯಾಘಾತ!!

ತನ್ನ ಗೆಳೆಯನ ಸಾವಿನ ಸುದ್ದಿ ಕೇಳಿ ವ್ಯಕ್ತಿಯೋರ್ವ ಸಾವನ್ನಪ್ಪಿರುವ ಘಟನೆಯೊಂದು ಶಿವಮೊಗ್ಗ ಜಿಲ್ಲೆಯ ಶಿಕಾರಿಪುರ ತಾಲೂಕಿನ ಪುಣೆದಹಳ್ಳಿ ಗ್ರಾಮದಲ್ಲಿ ನಡೆದಿದೆ.

ಈ ಘಟನೆ ನಿನ್ನೆ ತಡರಾತ್ರಿ ನಡೆದಿದೆ. ಆನಂದ್‌ (30) ಎಂಬಾತ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ್ದ. ತನ್ನ ಪ್ರಾಣಸ್ನೇಹಿತನ ಸಾವನ್ನಪ್ಪಿದ್ದ ವಿಷಯ ತಿಳಿಯುತ್ತಿದ್ದಂತೆಯೇ ಇನ್ನೋರ್ವ ಪ್ರಾಣ ಸ್ನೇಹಿತ ಸಾಗರ್‌ (22) ಎಂಬಾತ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾನೆ.

ಆನಂದ್‌ ಶಿಕಾರಿಪುರಕ್ಕೆ ತೆರಳುತ್ತಿದ್ದ ಸಂದರ್ಭದಲ್ಲಿ ಬೈಕ್‌-ಬೈಕ್‌ ನಡುವೆ ಅಪಘಾತ ಸಂಭವಿಸಿದೆ. ಅಪಘಾತದ ಭೀಕರತೆ ಹೇಗಿತ್ತೆಂದರೆ ಆನಂದ್‌ ಸ್ಥಳದಲ್ಲೇ ಸಾವನ್ನಪ್ಪಿದ್ದ. ಆತನ ಜೀವಕ್ಕೆ ಜೀವವಾಗಿದ್ದ ಆತನ ಗೆಳೆಯ ಸಾಗರ್‌ಗೆ ಈ ವಿಷಯ ತಿಳಿಸಲಾಗಿತ್ತು. ಈ ವಿಷಯ ಕೇಳಿ ಆಘಾತಕ್ಕೊಳಗಾದ ಸಾಗರ್‌ ಕೂಡಾ ಸಾವನ್ನಪ್ಪಿದ್ದಾನೆ.