ಇತ್ತೀಚಿಗೆ ಲ್ಯಾಪ್ ಟಾಪ್ ಬೇಡಿಕೆ ಸಹ ಹೆಚ್ಚುತ್ತಿದೆ. ಎಲ್ಲವೂ ಈಗ ಆನ್ಲೈನ್ ಮಯ ಆಗಿರುವುದರಿಂದ ಜನರು ಆಧುನಿಕ ತಂತ್ರಜ್ಞಾನಗಳಿಗೆ ಹೆಚ್ಚಿನ ಒಲವು ತೋರಿಸುತ್ತಿದ್ದಾರೆ. ಸ್ಯಾಮ್ಸಂಗ್ ಇದೀಗ ಹೊಸ ಲ್ಯಾಪ್ಟಾಪ್ ಅನ್ನು ಮಾರುಕಟ್ಟೆಗೆ ಪರಿಚಯಿಸಲು ಸಜ್ಜಾಗಿದೆ. ಜನರ ಬೇಡಿಕೆಯಂತೆ ಇದೀಗ ಸ್ಯಾಮ್ಸಂಗ್ ಗ್ಯಾಲಕ್ಸಿ ಬುಕ್ 2 ಗೋ ಎಂಬ ಲ್ಯಾಪ್ಟಾಪ್ ಅನ್ನು ಕಂಪನಿ ಪರಿಚಯಿಸಿದೆ. ಇದು ಮಾರುಕಟ್ಟೆಯಲ್ಲಿ ಇತ್ತೀಚೆಗೆ ಬಿಡುಗಡೆಯಾಗಿರುವ ಗುಣಮಟ್ಟದ ಲ್ಯಾಪ್ಟಾಪ್ ಆಗಿದೆ.
ಸ್ಯಾಮ್ಸಂಗ್ ಗ್ಯಾಲಕ್ಸಿ ಬುಕ್ 2 ಗೋ ಡಿಸ್ಪ್ಲೇ ವಿಶೇಷತೆ :
- ಸ್ಯಾಮ್ಸಂಗ್ ಗ್ಯಾಲಕ್ಸಿ ಬುಕ್ 2 ಗೋ ಲ್ಯಾಪ್ಟಾಪ್ 14 ಇಂಚಿನ ಫುಲ್‌ ಹೆಚ್‌ಡಿ ಎಲ್ಸಿಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ಉನ್ನತ-ಕಾರ್ಯಕ್ಷಮತೆಯನ್ನು ಹೊಂದಿರು ಲ್ಯಾಪ್ಟಾಪ್ ಆಗಿದೆ. ಈ ಲ್ಯಾಪ್ಟಾಪ್ 15.5 ಮಿಮೀ ದಪ್ಪ ಮತ್ತು 1.44 ಕೆಜಿ ತೂಕವನ್ನು ಹೊಂದಿದ್ದು, ತೆಳುವಾದ ಮತ್ತು ಹಗುರವಾದ ಲ್ಯಾಪ್ಟಾಪ್ ಇದಾಗಿದೆ.
- ಸ್ಯಾಮ್ಸಂಗ್ ಕಂಪನಿಯ ಈ ಲ್ಯಾಪ್ಟಾಪ್ 180 ಡಿಗ್ರಿ ಹಿಂಜ್ ಅನ್ನು ಹೊಂದಿದೆ. ಇನ್ನು ಈ ಲ್ಯಾಪ್ಟಾಪ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 7c+ Gen 3 ಕಂಪ್ಯೂಟರ್ ಪ್ಲಾಟ್‌ಫಾರ್ಮ್ ಪ್ರೊಸೆಸರ್‌ನಲ್ಲಿ ಕಾರ್ಯ ನಿರ್ವಹಿಸಲಿದೆ. ಇದು ಗ್ಯಾಲಕ್ಸಿ ಬುಕ್ ಗೋ ನಲ್ಲಿರುವ ಸ್ನಾಪ್ಡ್ರಾಗನ್ 7c Gen 2 ಪ್ರೊಸೆಸರ್‌ಗಿಂತ 40% ವೇಗದ ಸಿಪಿಯು ಮತ್ತು 35% ಹೆಚ್ಚು ಗುಣಮಟ್ಟದ ಜಿಪಿಯು ಅನ್ನು ಒಳಗೊಂಡಿದೆ.
- ಸ್ಯಾಮ್ಸಂಗ್ ಗ್ಯಾಲಕ್ಸಿ ಬುಕ್ 2 ಗೋ ಲ್ಯಾಪ್ಟಾಪ್ 3,200MHz ಮತ್ತು NVMe SSD ಸ್ಟೋರೇಜ್‌ನಲ್ಲಿ LPDDR4X ರ್‍ಯಾಮ್ ಅನ್ನು ಬೆಂಬಲಿಸಲಿದೆ. ಲ್ಯಾಪ್ಟಾಪ್ ವೈಫೈ 6E ಮತ್ತು ಬ್ಲೂಟೂತ್ 5.2 ನೊಂದಿಗೆ ಸ್ಪೀಡ್‌ ವಾಯರ್‌ಲೆಸ್‌ ಕನೆಕ್ಟಿವಿಟಿ ಸಾಮರ್ಥ್ಯವನ್ನು ಹೊಂದಿರಲಿದೆ.
- ಸ್ಯಾಮ್ಸಂಗ್ ಗ್ಯಾಲಕ್ಸಿ ಬುಕ್ 2 ಗೋ ಲ್ಯಾಪ್ಟಾಪ್ ವಿಂಡೋಸ್ 11 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು ಗ್ಯಾಲಕ್ಸಿ ಬಡ್ಸ್ ಆಟೋ ಸ್ವಿಚ್, ವಿಂಡೋಸ್‌ಗೆ ಲಿಂಕ್, ಮಲ್ಟಿ ಕಂಟ್ರೋಲ್ (ಗ್ಯಾಲಕ್ಸಿ ಟ್ಯಾಬ್ಲೆಟ್), ಕ್ವಿಕ್ ಶೇರ್, ಸ್ಯಾಮ್ಸಂಗ್ ನೋಟ್ಸ್‌ ಮತ್ತು ಸೆಕೆಂಡ್‌ ಸ್ಕ್ರೀನ್‌ನಂತಹ ಗ್ಯಾಲಕ್ಸಿ ಎಕೋ ಸಿಸ್ಟಂ ಫೀಚರ್ಸ್‌ಗಳನ್ನು ಒಳಗೊಂಡಿದೆ. ಇದನ್ನು MIL-STD-810G ಸ್ಪೆಕ್‌ನೊಂದಿಗೆ ನಿರ್ಮಿಸಲಾಗಿದೆ. ಇದರಿಂದ ನಿಮ್ಮ ಲ್ಯಾಪ್ಟಾಪ್ ಹೆಚ್ಚು ಕಾಲ ಬಾಳಿಕೆ ಬರುವಂತೆ ಮಾಡಬಹುದು.
ಒಟ್ಟಾರೆ ಸ್ಯಾಮ್ಸಂಗ್ ಗ್ಯಾಲಕ್ಸಿ ಬುಕ್ 2 ಗೋ ಲ್ಯಾಪ್ಟಾಪ್ ಇದೇ 2023ರ ಜನವರಿ 20 ರಂದು ಸ್ಯಾಮ್ಸಂಗ್ನ ಅಧಿಕೃತ ವೆಬ್ಸೈಟ್ ಮೂಲಕ ಮಾರಾಟ ಪ್ರಾರಂಭವಾಗಲಿದೆ.ಆದರೆ ಈ ಲ್ಯಾಪ್ಟಾಪ್ನ ರ್‍ಯಾಮ್, ಸ್ಟೋರೇಜ್‌ ಆಯ್ಕೆ ಬಗ್ಗೆ ಮಾಹಿತಿಯನ್ನು ಇನ್ನೂ ಯಾವುದೇ ರೀತಿಯಲ್ಲಿ ಕಂಪನಿ ಬಹಿರಂಗ ಪಡಿಸಿಲ್ಲ. ಜೊತೆಗೆ ಈ ಸ್ಯಾಮ್ಸಂಗ್ ಗ್ಯಾಲಕ್ಸಿ ಬುಕ್ 2 ಗೋ ಲ್ಯಾಪ್ಟಾಪ್ನ ಬ್ಯಾಟರಿ ಸಾಮರ್ಥ್ಯದ ವಿವರ ಕೂಡ ಬಹಿರಂಗವಾಗಿಲ್ಲ.
