ಮೇಕಪ್ ಎಂದರೆ ಯಾವ ಮಹಿಳೆಗೆ ಇಷ್ಟ ಇಲ್ಲ ಹೇಳಿ. ಆಧುನಿಕ ಜಗತ್ತಿನಲ್ಲಿ ಚರ್ಮವು ಸುಕ್ಕುಗಟ್ಟದಂತೆ ಮುಖವು ಕಾಂತಿಯುತವಾಗಿ ಹೊಳೆಯಲು ಇದ್ದ ಬದ್ಧ ಕ್ರೀಮ್ ಗಳನ್ನು ಉಪಯೋಗಿಸುವುದು, ವಯಸ್ಸಾಗದಂತೆ ಕಾಣಿಸಿಕೊಳ್ಳಲು ಹರ ಸಾಹಸ ಪಡುತ್ತಾರೆ.
ಆದರೆ ಮೇಕಪ್ ಮಾಡಿಕೊಂಡ ನಂತರ ಮುಖವನ್ನು ಸ್ವಚ್ಛಗೊಳಿಸಲೇ ಬೇಕು ಹೌದು ಆದರೆ ಚಳಿಗಾಲದಲ್ಲಿ ನೀರು ಬಹಳ ತಣ್ಣಗಿರುತ್ತದೆ ಇದರಿಂದಾಗಿ ನೀರಿನ ಸ್ಪರ್ಶ ಚಳಿಗೆ ಕಾರಣವಾಗುತ್ತದೆ, ಈ ಚಳಿಯಿಂದ ತಪ್ಪಿಸಿಕೊಳ್ಳಲು ಕೆಲವರು ಮೇಕಪ್ ತೆಗೆಯುವುದಿಲ್ಲ. ಇದು ಚರ್ಮದ ಸಮಸ್ಯೆಗಳಿಗೆ ಮುಖ್ಯ ಕಾರಣ ಆಗುತ್ತದೆ.
ಮೇಕಪ್ ಸಾಮಾನ್ಯವಾಗಿ ಅಡ್ಡಪರಿಣಾಮಗಳನ್ನು ಉಂಟು ಮಾಡುವ ಸಾಧ್ಯತೆಯಿದೆ. ಮುಖ್ಯವಾಗಿ ನೀರಿಲ್ಲದೆ ಮೇಕಪ್ ತೆಗೆಯಲು ಸಹ ಒಂದು ಮಾರ್ಗವಿದೆ. ಈ ಕೆಳಗಿನ ಟಿಪ್ಸ್ ಫಾಲೋ ಮಾಡುವುದರಿಂದ ನಿಮ್ಮ ಚರ್ಮವನ್ನು ನೀವು ಕಾಪಾಡಿಕೊಳ್ಳಬಹುದು.
ಮುಖ್ಯವಾಗಿ ಚಳಿಗಾಲದಲ್ಲಿ ಮೇಕಪ್ ತೆಗೆಯಲು ಸಲಹೆಗಳು :
- ಚಳಿಗಾಲದಲ್ಲಿ ಮೇಕಪ್ ತೆಗೆಯಲು ಹಾಲನ್ನು ಬಳಸುವುದು ಉತ್ತಮ. ಇದಕ್ಕಾಗಿ, ಒಂದು ಬಟ್ಟಲಿನಲ್ಲಿ ಎರಡು ಚಮಚ ಹಾಲು ತೆಗೆದುಕೊಳ್ಳಿ. ನಂತರ ಅದರಲ್ಲಿ ಹತ್ತಿ ಅಥವಾ ನ್ಯಾಪ್ಕಿನ್ ಅದ್ದಿ ಮುಖವನ್ನು ಸ್ವಚ್ಛಗೊಳಿಸಿ.
- ನೀವು ಗ್ಲಿಸರಿನ್ ಮತ್ತು ರೋಸ್ ವಾಟರ್ ಸಹಾಯವನ್ನು ತೆಗೆದುಕೊಳ್ಳಬಹುದು. ಮಾಡುವ ವಿಧಾನ :
- 1 ಕಪ್ ರೋಸ್ ವಾಟರ್ನಲ್ಲಿ ¼ ಕಪ್ ಅಲೋವೆರಾ ಜೆಲ್,
- 2 ಟೀ ಚಮಚ ಗ್ಲಿಸರಿನ್,
- 1 ಚಮಚ ಕ್ಯಾಸ್ಟೈಲ್ ಸೋಪ್ ಮಿಶ್ರಣ ಮಾಡಿ. ಈಗ ಈ ಮಿಶ್ರಣವನ್ನು ಹತ್ತಿಯ ಸಹಾಯದಿಂದ ಮುಖಕ್ಕೆ ಹಚ್ಚಿ ಮುಖ ತೊಳೆಯಿರಿ. ಹೀಗೆ ಮಾಡುವುದರಿಂದ ನಿಮ್ಮ ಮುಖವು ನೈಸರ್ಗಿಕವಾಗಿ ಹೊಳೆಯುತ್ತದೆ.
- ಅದಲ್ಲದೆ ಚಳಿಗಾಲದಲ್ಲಿ ಮೇಕಪ್ ತೆಗೆಯಲು ಸೌತೆಕಾಯಿಯನ್ನು ಸಹ ನೀವು ಬಳಸಬಹುದು. ಇದಕ್ಕಾಗಿ ಸೌತೆಕಾಯಿಯನ್ನು ಮ್ಯಾಶ್ ಮಾಡಿ. ಈಗ ಅದನ್ನು ಹಾಲು ಅಥವಾ ಆಲಿವ್ ಎಣ್ಣೆಯೊಂದಿಗೆ ಬೆರೆಸಿ ಮುಖಕ್ಕೆ ಮಸಾಜ್ ಮಾಡಿ. ಇದು ನಿಮ್ಮ ಮೇಕಪ್ ಅನ್ನು ಸುಲಭವಾಗಿ ತೆಗೆದುಹಾಕುತ್ತದೆ. ಅಲ್ಲದೆ, ಸೌತೆಕಾಯಿಯು ಉರಿಯೂತದ ಮತ್ತು ಹೈಡ್ರೇಟಿಂಗ್ ಅಂಶಗಳಿಂದ ಸಮೃದ್ಧವಾಗಿದೆ, ಇದು ಚರ್ಮದಲ್ಲಿ ತೇವಾಂಶವನ್ನು ಉಳಿಸಿಕೊಳ್ಳುವ ಮೂಲಕ ಹೊಳಪನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.
- ತೆಂಗಿನ ಎಣ್ಣೆಯು ನೈಸರ್ಗಿಕ ಚರ್ಮದ ಕ್ಲೆನ್ಸರ್ ಆಗಿರುವುದನ್ನು ಹೊರತುಪಡಿಸಿ, ಚರ್ಮಕ್ಕೆ ಅತ್ಯುತ್ತಮವಾದ ಆರ್ಧ್ರಕ ಏಜೆಂಟ್ ಎನ್ನಬಹುದು. ಹೀಗಿರುವಾಗ ಹತ್ತಿಯ ಸಹಾಯದಿಂದ ಮುಖಕ್ಕೆ ತೆಂಗಿನೆಣ್ಣೆ ಹಚ್ಚಿ ಮೇಕಪ್ ತೆಗೆಯಬಹುದು. ಆದರೆ ತೆಂಗಿನೆಣ್ಣೆಯಿಂದ ಮೇಕಪ್ ತೆಗೆದ ನಂತರ ಖಂಡಿತವಾಗಿ ಟವೆಲ್ ನಿಂದ ಮುಖ ಒರೆಸಿಕೊಳ್ಳಬೇಕು.
- ಬಾದಾಮಿ ಎಣ್ಣೆಯು ಚರ್ಮಕ್ಕೆ ನೈಸರ್ಗಿಕ ಮೇಕಪ್ ರಿಮೂವರ್ ಆಗಿಯೂ ಕೆಲಸ ಮಾಡುತ್ತದೆ. ಇದಕ್ಕಾಗಿ, 1 ಚಮಚ ಬಾದಾಮಿ ಎಣ್ಣೆಯನ್ನು 1 ಚಮಚ ಹಾಲಿನೊಂದಿಗೆ ಮಿಶ್ರಣ ಮಾಡಿ. ಈಗ ಈ ಮಿಶ್ರಣವನ್ನು ಹತ್ತಿಯ ಸಹಾಯದಿಂದ ಮುಖಕ್ಕೆ ಹಚ್ಚಿ ಮತ್ತು ಮೇಕಪ್ ತೆಗೆಯಿರಿ. ಇದು ನಿಮ್ಮ ತ್ವಚೆಯನ್ನು ಹೈಡ್ರೀಕರಿಸಿ ಚಳಿಗಾಲದಲ್ಲಿಯೂ ಹೊಳೆಯುವಂತೆ ಮಾಡುತ್ತದೆ.
ಈ ರೀತಿಯ ಸಲಹೆ ಮೂಲಕ ನೀವು ನಿಮ್ಮ ಮೇಕಪ್ ಅನ್ನು ಅಡ್ಡ ಪರಿಣಾಮ ಇಲ್ಲದೆ ತೆಗೆಯಬಹುದಾಗಿದೆ. ಮತ್ತು ಕಾಂತಿಯುತ ತ್ವಚೆಯನ್ನು ಉಳಿಸಿಕೊಳ್ಳಬಹುದಾಗಿದೆ.
