ಕೇಂದ್ರ ಸರಕಾರದ ಮಹತ್ವದ ಯೋಜನೆಯಲ್ಲಿ ಒಂದು ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆ. ಈ ಯೋಜನೆಯ ಸಂಪೂರ್ಣ ಲಾಭವನ್ನು ಕೋಟಿಗೂ ಹೆಚ್ಚು ರೈತರು ಪಡೆಯುತ್ತಿದ್ದಾರೆ. ರೈತರನ್ನು ಆರ್ಥಿಕವಾಗಿ ಸದೃಢರನ್ನಾಗಿಸಲು ಆರಂಭಿಸಿದ ಯೋಜನೆ ಇದಾಗಿದೆ.
ಈ ಯೋಜನೆಯಡಿ ಇದುವರೆಗೆ ಸರಕಾರ ರೈತರಿಗೆ 11 ಕಂತುಗಳಲ್ಲಿ ಎರಡು ಸಾವಿರ ರೂ. ಇದೀಗ ಸರ್ಕಾರ 12ನೇ ಕಂತನ್ನು ಅತಿ ಶೀಘ್ರದಲ್ಲಿ ಬಿಡುಗಡೆ ಮಾಡಲಿದೆ.
ಮನಿ ಕಂಟ್ರೋಲ್ನ ವರದಿಯ ಪ್ರಕಾರ, ಪಿಎಂ ಕಿಸಾನ್ ಯೋಜನೆಯ 12 ನೇ ಕಂತು ಈ ತಿಂಗಳ ಕೊನೆಯ ವಾರದಲ್ಲಿ ಅಥವಾ ಸೆಪ್ಟೆಂಬರ್ ಆರಂಭದಲ್ಲಿ ಬರಬಹುದು. ಆದರೆ, ಈ ಬಗ್ಗೆ ಸರ್ಕಾರ ಇನ್ನೂ ಯಾವುದೇ ಅಧಿಕೃತ ಘೋಷಣೆ ಮಾಡಿಲ್ಲ. 11ನೇ ಕಂತಿನ ಹಣವನ್ನು ಸರ್ಕಾರ ಮೇ 31ರಂದು ರೈತರ ಖಾತೆಗೆ ವರ್ಗಾಯಿಸಿದೆ. ಒಂದು ವರ್ಷದಲ್ಲಿ ಸರ್ಕಾರ ಈ ಯೋಜನೆಯಡಿ ರೈತರಿಗೆ ಮೂರು ಕಂತುಗಳಲ್ಲಿ ಆರು ಸಾವಿರ ರೂ. ಬರಲಿದೆ.
ದೇಶದ ಹಲವು ರೈತರ ಬ್ಯಾಂಕ್ ಖಾತೆಗೆ 11ನೇ ಕಂತಿನ ಹಣ ಬಂದಿಲ್ಲ. ಇದಕ್ಕೆ ಹಲವು ಕಾರಣಗಳಿದ್ದವು. ಆದರೀಗ ಎಲ್ಲ ದಾಖಲೆಗಳು ಸರಿಯಾಗಿರುವ ರೈತರು ಈಗ 12ನೇ ಕಂತಿನ ಜೊತೆಗೆ 11ನೇ ಕಂತಿನ ಹಣವನ್ನು ಪಡೆಯಬಹುದು. ಈ ಮೂಲಕ ಈ ಬಾರಿ ಸರ್ಕಾರ ಅವರ ಖಾತೆಗೆ 2 ಸಾವಿರ ರೂಪಾಯಿ ಬದಲು 4 ಸಾವಿರ ರೂಪಾಯಿ ಹಾಕಬಹುದು.
ಪಿಎಂ ಕಿಸಾನ್ ಯೋಜನೆಯಲ್ಲಿ ನೋಂದಾಯಿಸುವಾಗ, ಯಾವುದೇ ಮಾಹಿತಿಯನ್ನು ತುಂಬುವಲ್ಲಿ ತಪ್ಪು ಮಾಡಬಾರದು. ಈ ಕೆಳಗೆ ನೀಡಿರುವ ಕಾರಣಗಳಿಂದ ಕಂತು ನಿಲ್ಲಬಹುದು. ಬನ್ನಿ ಯಾವುದೆಲ್ಲ ಅದು ತಿಳಿಯೋಣ.
ಪಿಎಂ ಕಿಸಾನ್ ಯೋಜನೆಯಲ್ಲಿ ನೋಂದಾಯಿಸುವಾಗ,
ನಿಮ್ಮ ವಿಳಾಸ ಅಥವಾ ಬ್ಯಾಂಕ್ ಖಾತೆಯ ಮಾಹಿತಿಯನ್ನು ನೀಡುವುದು ತಪ್ಪಾಗಿರಬಹುದು. ಇದಲ್ಲದೇ ರಾಜ್ಯ ಸರಕಾರದಿಂದ ತಿದ್ದುಪಡಿ ಬಾಕಿ ಇದ್ದರೂ ಹಣ ಬರುವುದಿಲ್ಲ. ಇವುಗಳಲ್ಲದೆ, ಆಧಾರ್ ಸೀಡಿಂಗ್ ಇಲ್ಲದಿದ್ದರೆ, ಸಾರ್ವಜನಿಕ ಹಣಕಾಸು ನಿರ್ವಹಣಾ ವ್ಯವಸ್ಥೆ (ಪಿಎಫ್ಎಂಎಸ್) ದಾಖಲೆಗಳನ್ನು ಸ್ವೀಕರಿಸದಿದ್ದರೆ ಅಥವಾ ಬ್ಯಾಂಕ್ ಮೊತ್ತವು ಅಮಾನ್ಯವಾಗಿದ್ದರೆ ಹಣವು ಎನ್ಪಿಸಿಐನಲ್ಲಿ ಸಿಲುಕಿಕೊಳ್ಳಬಹುದು. ನೀವು ಭರ್ತಿ ಮಾಡಿದ ಮಾಹಿತಿಯು ಸರಿಯಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಪರಿಶೀಲಿಸಲು, ನೀವು ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯ ಅಧಿಕೃತ ವೆಬ್ಸೈಟ್ pmkisan.gov.in ಗೆ ಭೇಟಿ ನೀಡಬೇಕು.
