ಆಟೋರಿಕ್ಷಾ ಚಾಲಕನು ಚಿಲ್ಲರೆ ಕೊಡದೆ ವಂಚಿಸಿ ವೇಗವಾಗಿ ಓಡಿ ಹೋಗಲು ಪ್ರಯತ್ನಿಸಿದಾಗ 26 ವರ್ಷದ ವ್ಯಕ್ತಿ ಸಾವನ್ನಪ್ಪಿದ್ದ. ಈ ಕೇಸಿನಲ್ ಈಗ 43 ಲಕ್ಷ ದೊರೆತಿದೆ.
ಮುಂಬೈನ ಮೋಟಾರು ಅಪಘಾತದ ಹಕ್ಕುಗಳ ನ್ಯಾಯಮಂಡಳಿಯು ಆಟೋ ರಿಕ್ಷಾವನ್ನು ಹಿಂಬಾಲಿಸುವಾಗ ಸಾವನ್ನಪ್ಪಿದ 26 ವರ್ಷದ ಯುವಕನ ಕುಟುಂಬಕ್ಕೆ ರೂ 43 ಲಕ್ಷ ಪರಿಹಾರವನ್ನು ಘೋಷಿಸಿದೆ.
ಏನಿದು ಪ್ರಕರಣ?
ಜುಲೈ 23, 2016 ರಂದು, ಸುಮಾರು 1.30 AM ನಲ್ಲಿ, ೨೬ ವರ್ಷದ ಚೇತನ್ ಅಚಿರ್ನೇಕರ್ ಎಂಬ ಯುವಕ ಮುಂಬೈ ವಿಮಾನ ನಿಲ್ದಾಣದಿಂದ ಪೂರ್ವ ವಿಕ್ರೋಲಿಯಲ್ಲಿರುವ ತಮ್ಮ ನಿವಾಸಕ್ಕೆ ಆಟೋ ರಿಕ್ಷಾದಲ್ಲಿ ಹಿಂತಿರುಗುತ್ತಿದ್ದ. ಮನೆಗೆ ತಲುಪಿದ ಅಚಿರ್ನೇಕರ್ ಆಟೋ ರಿಕ್ಷಾ ಚಾಲಕನಿಗೆ 172 ರೂ. ಚಿಲ್ಲರೆ ಇಲ್ಲದ ಕಾರಣದಿಂದ 200 ರೂ. ಕೊಟ್ಟಿದ್ದಾನೆ. ಚಾಲಕ ಬಾಕಿ ಮೊತ್ತವನ್ನು ಹಿಂದಿರುಗಿಸಲು ನಿರಾಕರಿಸಿದ. ನಂತರ ಇಬ್ಬರ ಮದ್ಯೆ ವಾಗ್ವಾದ ನಡೆದಿತ್ತು. ಮತ್ತು ಹಣ ಪಾವತಿಸದೆ ವೇಗವಾಗಿ ರಿಕ್ಷಾ ಓಡಿಸಲು ಚಾಲಕ ಪ್ರಯತ್ನಿಸಿದ್ದಾನೆ. ತನಗೆ 28 ರೂಪಾಯಿ ಚಿಲ್ಲರೆ ಬರಬೇಕಾದ ಕಾರಣದಿಂದ ಆಟೋ ವನ್ನು ಚೇಸ್ ಮಾಡಿದ್ದಾನೆ ಆ ಯುವಕ. ಆ ಪರಿಣಾಮವಾಗಿ ವಾಹನವು ಯುವಕ ಅಚಿರ್ಣೇಕರ ಮೇಲೆ ಉರುಳಿಬಿದ್ದು ಅವರಿಗೆ ಮಾರಣಾಂತಿಕ ಗಾಯಗಳಾಗಿವೆ. ಅಪಘಾತದ ಸಮಯದಲ್ಲಿ ಸ್ಥಳದಲ್ಲಿದ್ದ ಅಚಿರ್ನೇಕರ್ ಅವರ ತಂದೆ ಗಾಬರಿಯಿಂದ ನೋಡುತ್ತಿದ್ದಾಗಲೇ ಆತ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.
ನಂತರ ವಿಕ್ರೋಲಿ ಪೊಲೀಸ್ ಠಾಣೆಗೆ ಪ್ರಕರಣ ದಾಖಲಿಸಲಾಗಿತ್ತು. ಕುಟುಂಬದ ಪ್ರಕಾರ, ಆಟೋ ರಿಕ್ಷಾ ಮಾಲೀಕ ಕಮಲೇಶ್ ಮಿಶ್ರಾ, ಅಂಧೇರಿಯ ಜೆಬಿ ನಗರದ ನಿವಾಸಿ, ಮತ್ತು ವಾಹನವನ್ನು ಫ್ಯೂಚರ್ ಜನರಲಿ ಇಂಡಿಯಾ ಇನ್ಶುರೆನ್ಸ್ ಕಂ ಲಿಮಿಟೆಡ್ನಲ್ಲಿ ವಿಮೆ ಮಾಡಿರುವುದರಿಂದ, ಇಬ್ಬರೂ ಜಂಟಿಯಾಗಿ ಪರಿಹಾರವನ್ನು ಪಾವತಿಸಲು ಹೊಣೆಗಾರರಾಗಿದ್ದಾರೆ.
ಏತನ್ಮಧ್ಯೆ, ಮರಣ ಪ್ರಮಾಣಪತ್ರ ಮತ್ತು ಮರಣೋತ್ತರ ಪರೀಕ್ಷೆಯ ವರದಿಯು ಅಪಘಾತದಲ್ಲಿ ಉಂಟಾದ ಗಾಯಗಳಿಂದ ಸಾವನ್ನಪ್ಪಿದ್ದಾನೆ ಎಂದು ಹೇಳುತ್ತದೆ ಎಂದು ನ್ಯಾಯಪೀಠ ಹೇಳಿದೆ. ಇದಲ್ಲದೆ, ಆಟೋ ರಿಕ್ಷಾ ಚಾಲಕ ದುಡುಕಿನ, ನಿರ್ಲಕ್ಷ್ಯ ಮತ್ತು ಅಪಘಾತಕ್ಕೆ ಕಾರಣ. ಆದ್ದರಿಂದ, ವಿಮಾದಾರ ಕಂಪನಿಯಲ್ಲಿ ವಾಹನವನ್ನು ವಿಮೆ ಮಾಡಿರುವುದರಿಂದ ಅಚಿರ್ನೇಕರ್ ಅವರ ಕುಟುಂಬವು ಪರಿಹಾರಕ್ಕೆ ಅರ್ಹವಾಗಿದೆ ಮತ್ತು ಅವರು ಅರ್ಜಿ ಸಲ್ಲಿಸಿದ ದಿನಾಂಕದಿಂದ ಅದು ಸಾಕಾರಗೊಳ್ಳುವವರೆಗೆ ವಾರ್ಷಿಕ 7.5% ಬಡ್ಡಿಗೆ ಅರ್ಹರಾಗಿದ್ದಾರೆ ಎಂದು ನ್ಯಾಯಪೀಠ ಹೇಳಿದೆ.