ಸ್ಯಾಂಡಲ್ ವುಡ್ ಖ್ಯಾತ ನಟ, ಗಾಯಕ ವಸಿಷ್ಠ ಸಿಂಹ ಮತ್ತೊಂದು ಸಾಹಸಕ್ಕೆ ಮುಂದಾಗಿದ್ದಾರೆ. ಈಗಾಗಲೇ ನಟನಾಗಿ, ಗಾಯಕನಾಗಿ ಗುರುತಿಸಿ ಕೊಂಡಿರುವ ವಸಿಷ್ಠ ಸಿಂಹ ಇದೀಗ ಆಡಿಯೋ ಲೋಕಕ್ಕೆ ಬಂದು ತಮ್ಮದೆ ಒಂದು ಆಡಿಯೋ ಸಂಸ್ಥೆ ಸ್ಥಾಪಿಸಿದ್ದಾರೆ.
ವಸಿಷ್ಠ ಅವರಿಗೆ ನಟನೆ ಜೊತೆ ಗಾಯನ ಕೂಡ ತುಂಬಾ ಇಷ್ಟ. ಸಂಗೀತದ ಮೇಲಿನ ಆಸಕ್ತಿಯಿಂದನೇ ವಸಿಷ್ಠ ಆಡಿಯೋ ಸಂಸ್ಥೆಯನ್ನು ಲಾಂಚ್ ಮಾಡಿದ್ದಾರೆ.
ಆಡಿಯೋ ಲೇಬಲ್ ಗೆ ಆಡಿಯೋ ‘ಸಿಂಹ ಆಡಿಯೋ’ ಎಂದು ಹೆಸರಿಟ್ಟಿದ್ದಾರೆ. ವಸಿಷ್ಠ ಅವರ ಕನಸಿನ ಆಡಿಯೋ ಸಂಸ್ಥೆಯನ್ನು ಗೆಳೆಯ ಡಾಲಿ ಧನಂಜಯ್ ಮತ್ತು ನಾದಬ್ರಹ್ಮ ಹಂಸಲೇಖ ಲಾಂಚ್ ಮಾಡಿ ವಸಿಷ್ಠ ಅವರಿಗೆ ಶುಭಹಾರೈಸಿದ್ದಾರೆ. ಈ ಸಂಸ್ಥೆಯಿಂದ ಮೊದಲ ಆಡಿಯೋ ವಸಿಷ್ಠ ಅವರೇ ನಟನೆ ಮಾಡಿರುವ ‘ಕಾಲಚಕ್ರ’ ಸಿನಿಮಾದ ಹಾಡು ಬಿಡುಗಡೆಯಾಗುತ್ತಿದೆ. ಈ ಚಿತ್ರದ ನೀನೆ ಬೇಕು.. ಹಾಡು ಸಿಂಹ ಆಡಿಯೋ ಮೂಲಕ ಬಂದ ಮೊದಲ ಹಾಡಾಗಿದೆ.