IPL-2024Virat kohli: ಹೊರಗಿನಿಂದ ಟೀಕೆ ಮಾಡುವುದು ಸುಲಭ : ಸ್ಟ್ರೈಕ್‌ರೇಟ್ ಕಾಮೆಂಟ್‌ಗಳಿಗೆ ಕೆಂಡದಂತಾದ ವಿರಾಟ್ ಕೊಹ್ಲಿ
IPL-2024Virat kohli: ಸತತ ಆರು ಸೋಲಿನ ಬಳಿಕ ರಾಯಲ್ ಚಾಲೆಂಜರ್ಸ್
ಬೆಂಗಳೂರು ತಂಡ ಐಪಿಎಲ್ 17ನೇ ಸೀಸನ್ ನಲ್ಲಿ ಪುಟಿದೆದ್ದಿದೆ. ಸತತ ಎರಡೂ ಪಂದ್ಯಗಳನ್ನು ಗೆದ್ದುಕೊಂಡಿದೆ. ಅಹಮದಾಬಾದ್‌ನಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಗುಜರಾತ್ ತಂಡ ಟೈಟಾನ್ಸ್ ವಿರುದ್ಧ ಒಂಬತ್ತು ವಿಕೆಟ್‌ಗಳ ಜಯ ಸಾಧಿಸಿತು. ಈ ಪಂದ್ಯದಲ್ಲಿ ಗುಜರಾತ್ ಮೊದಲು ಬ್ಯಾಟಿಂಗ್ ಮಾಡಿತು. ಸಾಯಿ ಸುದರ್ಶನ್ (49 ಎಸೆತಗಳಲ್ಲಿ ಔಟಾಗದೆ 841 ಮತ್ತು ಶಾರುಖ್ ಖಾನ್ (30 ಎಸೆತಗಳಲ್ಲಿ 58) ಅರ್ಧಶತಕ ಗಳಿಸಿ ನಿಗದಿತ 20 ಓವರ್‌ಗಳಲ್ಲಿ ಮೂರು ವಿಕೆಟ್‌ಗಳ -ನಷ್ಟಕ್ಕೆ 200 ರನ್ ಗಳಿಸಿದರು.
ಇದನ್ನೂ ಓದಿ: Slow Data Problem: ನಿಮ್ಮ ಫೋನ್‌ನಲ್ಲಿ ಇಂಟರ್ನೆಟ್ ನಿಧಾನವಾಗಿದೆಯೇ? : ಹಾಗಾದರೆ ಈ ಸೆಟ್ಟಿಂಗ್ಸ್ ಬದಲಾಯಿಸಿ ನೋಡಿ
ಬಳಿಕ ಗುರಿ ಬೆನ್ನತ್ತಿದ ಬೆಂಗಳೂರು 16 ಓವರ್ ಗಳಲ್ಲಿ ಕೇವಲ ಒಂದು ವಿಕೆಟ್ ಕಳೆದುಕೊಂಡು ಗೆಲುವಿನ ನಗೆ ಬೀರಿತು. ವಿಲ್ ಜಾಕ್ಸ್ 141 ಎಸೆತಗಳಲ್ಲಿ (100 ರನ್) ವಿಧ್ವಂಸಕ ಶತಕ ಬಾರಿಸಿದರು. ವಿರಾಟ್ ಕೊಹ್ಲಿ 144 ಎಸೆತಗಳಲ್ಲಿ 70 ರನ್) ಅದ್ಭುತ ಇನ್ನಿಂಗ್ಸ್ ಆಡಿದರು. ಏತನ್ಮಧ್ಯೆ, ಈ ಪಂದ್ಯದ ನಂತರ ವಿರಾಟ್ ತಮ್ಮ ಮೇಲೆ ಬರುತ್ತಿರುವ ಟೀಕೆಗಳಿಗೆ ತೀವ್ರವಾಗಿ ಪ್ರತಿಕ್ರಿಯಿಸಿದ್ದಾರೆ.
ಈ ಐಪಿಎಲ್ ಸೀಸನ್ ನಲ್ಲಿ ಕೊಹ್ಲಿ ರನ್ ಗಳ ಮಹಾಪೂರವನ್ನೇ ಹರಿಸುತ್ತಿದ್ದಾರೆ. ಪ್ರಸ್ತುತ ಈ ಋತುವಿನಲ್ಲಿ ಅಗ್ರ ಸ್ಕೋರರ್ ಆಗಿದ್ದಾರೆ. ಆದರೆ, ಅವರ ಸ್ಟೈಕ್ ರೇಟ್ ಕಡಿಮೆ ಇರುತ್ತದೆ ಎಂಬ ಕಾಮೆಂಟ್ ಗಳಿವೆ. ದಿಗ್ಗಜ ಆಟಗಾರ ಸುನಿಲ್ ಗವಾಸ್ಕರ್ ಜೊತೆಗೆ ಹಲವರು ಕೊಹ್ಲಿ ಸ್ಟೈಕ್ -ರೇಟ್ ಬಗ್ಗೆ ಕಮೆಂಟ್ ಮಾಡಿರುವುದು ಗೊತ್ತೇ ಇದೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ವಿರಾಟ್, ಸ್ಪಿನ್ ಬಾಲ್ಗಳನ್ನ ಸರಿಯಾಗಿ ಆಡಲು ಸಾಧ್ಯವಿಲ್ಲ, ಸ್ಟೈಕ್ ರೇಟ್ ಕಡಿಮೆ ಎಂದು ಕಾಮೆಂಟ್ ಮಾಡುವವರಿಗೆ ಆಟದ ಬಗ್ಗೆ ಹೆಚ್ಚು ತಿಳುವಳಿಕೆ ಇರಬೇಕು ಎಂದಿದ್ದಾರೆ.
ಹೊರಗೆ ಕುಳಿತು ಕಾಮೆಂಟ್ ಮಾಡುವವರಿಗೆ ಪಂದ್ಯದ ಪರಿಸ್ಥಿತಿಯ ಬಗ್ಗೆ ತಿಳಿದಿಲ್ಲ. ನಾನು ಕೇವಲ ಪಂದ್ಯ ಗೆಲ್ಲಲು ಆಡುತ್ತೇನೆ, ಅದಕ್ಕಾಗಿಯೇ 15 ವರ್ಷಗಳಿಂದ ತಂಡದಲ್ಲಿ ಆಡುತ್ತಿದ್ದೇನೆ ಎಂದು ಸ್ಟ್ರೈಕ್ ರೇಟ್ ಕುರಿತಾಗಿ ಕಾಮೆಂಟ್ ಮಾಡುವವರಿಗೆ ತಿರುಗೇಟು ನೀಡಿದ್ದಾರೆ.
