ಡಯಟಿಂಗ್ ನಲ್ಲಿ ರೊಟ್ಟಿ ತಿನ್ನುವುದು ಸೂಕ್ತವೇ? | ಈ ಕುರಿತು ಪೌಷ್ಟಿಕತಜ್ಞರು ಏನು ಹೇಳುತ್ತಾರೆ ಎಂಬುದು ಇಲ್ಲಿದೆ ನೋಡಿ..

ಫಿಟ್ಟಾಗಿ ಸಕ್ಕತ್ ಆಗಿ ಕಾಣಿಸಿಕೊಳ್ಳಬೇಕು ಎಂಬುದು ಪ್ರತಿಯೊಬ್ಬರ ಕನಸು. ಹೀಗಾಗಿ, ಒಳ್ಳೆಯ ಆಹಾರ ಸೇವಿಸುವ ಮೂಲಕ ದೇಹದ ಆರೋಗ್ಯ ಕಾಪಾಡುತ್ತಾರೆ. ಆದ್ರೆ, ಹೆಚ್ಚಿನವರಿಗೆ ಮೂಡೋ ಪ್ರಶ್ನೆ ಅಂದ್ರೆ, ಯಾವ ಆಹಾರ ತಿಂದ್ರೆ ಆರೋಗ್ಯಕ್ಕೆ ಉತ್ತಮ ಎಂಬುದು. ಅಂತದರಲ್ಲಿ ರೊಟ್ಟಿ ಕೂಡ ಒಂದು..

ಹೌದು. ಡಯಟಿಂಗ್ ನಲ್ಲಿ ರೊಟ್ಟಿ ತಿನ್ನಬೇಕೋ ಬೇಡವೋ ಎಂಬುದು ಹೆಚ್ಚಿನವರಿಗೆ ಗೊಂದಲದ ಪ್ರಶ್ನೆ ಆಗಿದೆ. ನೀವೂ ಕೂಡ ಈ ಗೊಂದಲದಲ್ಲಿದ್ದರೆ ಈ ಮಾಹಿತಿ ನಿಮಗಾಗಿ. ಡಯೆಟಿಷಿಯನ್ ಮತ್ತು ಪೌಷ್ಟಿಕತಜ್ಞ ರಿಚಾ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ರೊಟ್ಟಿ ತಿನ್ನುವುದರಿಂದ ಆಗುವ ಪ್ರಯೋಜನಗಳ ಬಗ್ಗೆ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಆ ವಿಡಿಯೋದಲ್ಲಿ ರೊಟ್ಟಿ ತಿನ್ನುವುದರಿಂದ ಆಗುವ ಲಾಭಗಳನ್ನು ಹೇಳಿದ್ದರು. ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ರೊಟ್ಟಿ ಅತ್ಯುತ್ತಮ ಆಯ್ಕೆಯಾಗಿದೆ ಎಂದು ಅವರು ಹೇಳುತ್ತಾರೆ. ರೊಟ್ಟಿ ಕಡಿಮೆ ಕ್ಯಾಲೋರಿ ಇರುವ ಆಹಾರ ಎನ್ನುತ್ತಾರೆ ಪೌಷ್ಟಿಕತಜ್ಞರು.

ತಜ್ಞರ ಪ್ರಕಾರ ಮಧ್ಯಮ ಗಾತ್ರದ ರೊಟ್ಟಿ 40ಗ್ರಾಂ ತೂಕ ಮತ್ತು 120ಕ್ಯಾಲೊರಿಗಳನ್ನು ಹೊಂದಿದೆ. ಹೆಚ್ಚಿನ ಕ್ಯಾಲೋರಿ ಹೊಂದಿರುವ ಬ್ರೆಡ್ ಅನ್ನು ತಿನ್ನುವುದನ್ನು ತಪ್ಪಿಸಿ. ಬ್ರೆಡ್ ವಿಟಮಿನ್ ಬಿ1 ಅನ್ನು ಹೊಂದಿರುತ್ತದೆ. ಇದು ಉತ್ಕರ್ಷಣ ನಿರೋಧಕವಾಗಿದೆ ಮತ್ತು ದೇಹದಲ್ಲಿನ ಫ್ರೀ ರಾಡಿಕಲ್ಗಳನ್ನು ಕಡಿಮೆ ಮಾಡುತ್ತದೆ. ಮಲ್ಟಿ ಗ್ರೇನ್ ರೊಟ್ಟಿ ತಿಂದರೆ ಗ್ಲೈಸೆಮಿಕ್ ಇಂಡೆಕ್ಸ್ ಕಡಿಮೆ ಇರುತ್ತದೆ. ಇದು ಸಕ್ಕರೆಯ ಮಟ್ಟವನ್ನು ಹೆಚ್ಚಿಸುವುದಿಲ್ಲ. ಅದಕ್ಕಾಗಿಯೇ ಮಧುಮೇಹ ರೋಗಿಗಳು ಮಲ್ಟಿ ಗ್ರೇನ್ ರೊಟ್ಟಿಯನ್ನು ತಿನ್ನಬಹುದು.

ಪುರುಷರಿಗೆ ದಿನಕ್ಕೆ 1700 ಕ್ಯಾಲೋರಿಗಳು ಬೇಕಾಗುತ್ತವೆ. ಆದ್ದರಿಂದ ಪುರುಷರು ಮಧ್ಯಾಹ್ನ ಮತ್ತು ರಾತ್ರಿಯ ಊಟಕ್ಕೆ ಮೂರು ರೊಟ್ಟಿಗಳನ್ನು ತಿನ್ನಬಹುದು. ಹಾಗೆಯೆ, ಮಹಿಳೆಯರು ದಿನಕ್ಕೆ 1400 ಕ್ಯಾಲೋರಿಗಳು ಬೇಕಾಗುತ್ತವೆ. ಮಹಿಳೆಯರು ಮಧ್ಯಾಹ್ನ ಮತ್ತು ರಾತ್ರಿಯ ಊಟಕ್ಕೆ ಎರಡು ರೊಟ್ಟಿಗಳನ್ನು ತಿನ್ನಬಹುದು. ಇದಲ್ಲದೆ ತರಕಾರಿಗಳು ಮತ್ತು ಸಲಾಡ್ ಅನ್ನು ರೊಟ್ಟಿಯೊಂದಿಗೆ ತೆಗೆದುಕೊಳ್ಳಬೇಕು. ಹಾಗಿದ್ರೆ ಇನ್ಯಾಕೆ ತಡ ಈ ಮಾಹಿತಿಯನ್ನು ಸದುಪಯೋಗ ಪಡಿಸಿಕೊಂಡು ನಿಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳಿ..