Iran: ಅಮೆರಿಕ ಇಸ್ರೇಲ್ ಜಂಟಿಯಾಗಿ ನಡೆಸಿದ ದಾಳಿಗೆ ತತ್ತರಿಸಿರುವ ಇರಾನ್, ಇದೀಗ ಪ್ರತಿಕಾರವಾಗಿ ಅಮೆರಿಕಾದ ಮೇಲೆ ದಾಳಿ ನಡೆಸಿದ್ದು 560 ಸೈನಿಕರು ಸಾವನ್ನಪ್ಪಿದ್ದಾರೆ ಎಂದು ಹೇಳಿಕೊಂಡಿದೆ. ಆದರೆ ಇದನ್ನು ಅಮೆರಿಕ ಅಲ್ಲಗಳೆದಿದೆ.
ಈ ಬಗ್ಗೆ ಮಾಹಿತಿ ನೀಡಿರುವ ಇರಾನ್ ದೇಶವು ಅಮೆರಿಕಾದ ಮಿಲಿಟರಿ ನೆಲೆಗಳ ಮೇಲೆ ಎರಡು ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಉಡಾಯಿಸಿಲಾಗಿದೆ. ಕುವೈತ್ನಲ್ಲಿರುವ ಅಮೆರಿಕ ನೆಲೆ ಸಂಪೂರ್ಣ ನಿಷ್ಕ್ರಿಯವಾಗಿದೆ. ಬಹ್ರೇನ್ನಲ್ಲಿರುವ ಅಮೆರಿಕದ ನೆಲೆಯ ಮೇಲೆ ಡ್ರೋನ್ ದಾಳಿಯಲ್ಲಿ ಭಾರಿ ಹಾನಿಯಾಗಿದೆ. ಅಮೆರಿಕದ ವಿಮಾನವಾಹಕ ನೌಕೆ ಅಬ್ರಹಾಂ ಲಿಂಕನ್ ಮೇಲೆ ನಾಲ್ಕು ಕ್ಷಿಪಣಿಗಳ ದಾಳಿ ನಡೆಸಲಾಯಿತು. ಎಲ್ಲ ದಾಳಿಗಳಲ್ಲಿ ಅಮೆರಿಕದ 560 ಮಂದಿ ಸೈನಿಕರು ಸಾವಿಗೀಡಾಗಿದ್ದಾರೆಂದು ಇರಾನ್ ಹೇಳಿದೆ.
ಆದ್ರೆ ಅಮೆರಿಕವು ಇಲ್ಲಿಯವರೆಗೆ ಕೇವಲ ಮೂರು ಅಮೆರಿಕದ ಸೈನಿಕರು ಸಾವನ್ನಪ್ಪಿದ್ದಾರೆ. ಐದು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಹೇಳಿದೆ. ಇರಾನ್ ನಾಲ್ಕು ಬ್ಯಾಲಿಸ್ಟಿಕ್ ಕ್ಷಿಪಣಿಗಳಿಂದ ಲಿಂಕನ್ ಅನ್ನು ಹೊಡೆದಿದೆ ಎಂದು ಹೇಳಿಕೊಂಡರೂ, ಯುಎಸ್ ಸೇನೆಯು ‘ಇರಾನ್ನ ಕ್ಷಿಪಣಿಗಳು ಹತ್ತಿರ ಬರಲಿಲ್ಲ’ ಎಂದು ಪ್ರತಿವಾದಿಸಿದೆ.