Holi: ಹೋಳಿ ಹಬ್ಬದ ಹಿನ್ನೆಲೆಯಲ್ಲಿ ಬಣ್ಣ ಆಡುತ್ತಿದ್ದಾಗ ನಾಲ್ಕು ವರ್ಷದ ಬಾಲಕನೊಬ್ಬನು ತನಗೆ ಎದುರಾದ ಅಜ್ಜಿಯ ಮೇಲೆ ಬಣ್ಣವನ್ನು ಹಾಕಿದ್ದಕ್ಕೆ, ಆ ಅಜ್ಜಿಯು ಕೊತ ಕೊತ ಕುದಿಯುವ ಬಿಸಿ ನೀರನ್ನು ಆ ಬಾಲಕನ ಮೇಲೆ ಸುರಿದ ಅಮಾನುಷ ಘಟನೆಯೊಂದು ನಾಗ್ಪುರದಲ್ಲಿ ನಡೆದಿದೆ.
ಮಹಿಳೆ ಬಾಲಕನ ಮೇಲೆ ಬಿಸಿನೀರು ಎರಚುವ ಭಯಾನಕ ದೃಶ್ಯಗಳು ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಸಾರ್ವಜನಿಕರು ಮಹಿಳೆಯ ವಿರುದ್ಧ ಆಕ್ರೋಶ ಹೊರ ಹಾಕುತ್ತಿದ್ದಾರೆ.
ಬಾಲಕನನ್ನು ನಾಗ್ಪುರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಶೇ.45ರಷ್ಟು ಸುಟ್ಟು ಗಾಯವಾಗಿರೋದರ ಬಗ್ಗೆ ವೈದ್ಯರು ಅಂದಾಜಿಸಿದ್ದಾರೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಳ್ಳಲಾಗುತ್ತಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ವೈರಲ್ ಆಗಿರುವ ವಿಡಿಯೋದಲ್ಲಿ ಅಜ್ಜಿಯು ಬಕೆಟ್ನಲ್ಲಿ ನೀರು ಹಿಡಿದುಕೊಂಡು ಬರುವ ವೇಳೆ ಬಾಲಕನು ಬಣ್ಣದ ನೀರು ತುಂಬಿದ ಸ್ಪ್ರೆಯನ್ನು ತಂದು ಅಜ್ಜಿಯ ಮೇಲೆ ಹಾಕಲು ಮುಂದಾಗುತ್ತಾನೆ. ಅಜ್ಜಿ ಬೇಡ ಬೇಡ ಎಂದರು ತಮಾಷೆಗಾಗಿ ಬಾಲಕ ನೀರನ್ನು ಎರಚುತ್ತಾನೆ. ಆಗ ಸಿಟ್ಟಿಗೆದ್ದ ಅಜ್ಜಿ ಒಂದು ಚೂರು ಹಿಂದೆ ಮುಂದೆ ಯೋಚಿಸದೆ ತನ್ನ ಕೈಯಲ್ಲಿದ್ದ ಸುಡುವ ಬಿಸಿ ನೀರನ್ನು ಬಾಲಕನ ಮೇಲೆ ಚೆಲ್ಲಿ ಬಿಡುತ್ತಾಳೆ. ಆ ತಕ್ಷಣ ಬಾಲಕ ಕಿರಚುತ್ತ, ಅರಚುತ್ತ ಒದ್ದಾಡಲು ಶುರು ಮಾಡುತ್ತಾನೆ. ತಕ್ಷಣ ಪಕ್ಕದಲ್ಲಿದ್ದ ಬಾಲಕಿಯು ತನ್ನ ಕೈಯಲ್ಲಿದ್ದ ಕಣ್ಣೀರನ್ನು ಬಾಲಕನ ಮೇಲೆ ಹಾಕುತ್ತಾಳೆ. ಅಷ್ಟರಲ್ಲಿ ಬಾಲಕನ ಪೋಷಕರು ಬಂದು ಅವನನ್ನು ಎತ್ತಿಕೊಳ್ಳುತ್ತಾರೆ.
ವಿಡಿಯೋ 👇
https://x.com/i/status/2029194258771788132