ಬಲ್ಗೇರಿಯಾದ ‘ಬಾಬಾ ವಂಗಾ’ ಭೂಮಿ ಬಗ್ಗೆ ನುಡಿದ ಭವಿಷ್ಯವೇನು ಗೊತ್ತಾ! ಅಬ್ಬಬ್ಬಾ, ಈ ವರ್ಷ ಸಂಭವಿಸೋ ದುರಂತಗಳನ್ನ ಕೇಳಿದ್ರೇ ನಿಮ್ಮ ಕೈಕಾಲೇ ನಡುಗುತ್ತೆ!

ಭಾರತೀಯರಾದ ನಾವುಗಳು ದೈವ, ದೇವರ ವಿಚಾರವಾಗಿ ಸಾಕಷ್ಟು ನಂಬಿಕೆಯನ್ನ ಹೊಂದಿರುವವರು. ಭವಿಷ್ಯತ್ತಿನ ಕುರಿತು ಈ ದೇವಾನು ದೇವತೆಗಳಾಗಲಿ ಅಥವಾ ಯಾರಾದರೂ ಜೋತಿಷ್ಯ ನುಡಿಯುವ ವ್ಯಕ್ತಿಗಳಾಗಲಿ ಏನಾದ್ರೂ ಹೇಳಿದರೆ ನಾವದನ್ನು ನಂಬಿಬಿಡುತ್ತೇವೆ. ಇಂತಹ ನುಡಿಗಳು ಎಷ್ಟೋ ನಿಜವಾಗಿದ್ದು ಉಂಟು. ಸದ್ಯ ಈಗಂತೂ ಮೈಲಾರಲಿಂಗದ ಕಾರ್ಣಿಕ ನಮ್ಮಲ್ಲಿ ತುಂಬಾ ಪ್ರಸಿದ್ಧಿ. ಇದರೊಂದಿಗೆ ಕೆಲವು ಸ್ವಾಮಿಗಳು ಆಗಾಗಾ ಭವಿಷ್ಯ ವಾಣಿಯನ್ನೂ ಹೇಳುತ್ತಿರುತ್ತಾರೆ. ಆದರೆ ವಿದೇಶಗಳಲ್ಲೂ ಈ ತರಹದ ಭವಿಷ್ಯ ನುಡಿಯುವವರಿದ್ದಾರಾ? ನುಡಿ ಕೊಟ್ಟರೂ ಅಲ್ಲಿನ ಜನ ಅದನ್ನು ನಂಬ್ತಾರಾ? ಅನ್ನೋ ಕುತೂಹಲ ಏನಾದ್ರೂ ನಿಮಗೆ ಬಂದಿದ್ಯಾ?

ಹೌದು, ವಿದೇಶಗಳಲ್ಲಿಯೂ ಇಂತಹ ಭವಿಷ್ಯ ನುಡಿಯುವ ಸಂಪ್ರದಾಯವಿದೆ. ನಮ್ಮಲ್ಲಿ, ಮುಂದಾಗುವ ವಿಚಾರಗಳನ್ನು, ಸಂಭವಿಸುವ ಅಪಾಯಗಳನ್ನು ಹೇಳುವಂತೆ ಅಲ್ಲಿಯೂ ಹೇಳುವವರಿದ್ದಾರೆ. ಅಂತೆಯೇ ಬಲ್ಗೇರಿಯಾದ ಅತೀಂದ್ರಿಯ ಬಾಬಾ ಎಂಬ ದೈವಾಂಶ ಸಂಭೂತರು ಹಲವಾರು ವರ್ಷಗಳ ಹಿಂದೊಮ್ಮೆ, ಮುಂದಾಗುವಂತಹ ಅಪಾಯದ ಕುರಿತು ಭವಿಷ್ಯ ನುಡಿದಿದ್ದು, ಅದೀಗ ಸದ್ಯ ಎಲ್ಲರಿಗೂ ನೆನಪಾಗುತ್ತಿದೆ. ಯಾಕೆ ಗೊತ್ತಾ?

ಯಾಕಂದರೆ, ಟರ್ಕಿ ಮತ್ತು ಸಿರಿಯಾ ಸತತ ಭೂಕಂಪಗಳಿಂದ ತತ್ತರಿಸುತ್ತಿದ್ದು, ಅಲ್ಲಿ ಸುಮಾರು ಸಾವಿರಾರು ಜನರು ಸಾವನ್ನಪ್ಪಿರುವ ಹೃದಯ ವಿದ್ರಾವಕ ಘಟನೆಗಳು ನಡೆಯುತ್ತಿವೆ. ಅಲ್ಲದೆ ಇನ್ನೂ ಅನೇಕ ಜನರು ಅವಶೇಷಗಳ ಅಡಿಯಲ್ಲಿ ಸಿಲುಕಿಕೊಂಡಿದ್ದಾರೆ. ಜೊತೆಗೆ ಲಕ್ಷಾಂತರ ಜನರು ನಿರಾಶ್ರಿತರಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ 2023ರಲ್ಲಿ ಸಂಭವಿಸಲಿರುವ ಪ್ರಕೃತಿ ವಿಕೋಪಗಳ ಕುರಿತು, ನಾಸ್ಟ್ರಾಡಾಮಸ್ ಮಹಿಳೆ ಎಂದೇ ಖ್ಯಾತರಾಗಿರುವ ಬಲ್ಗೇರಿಯಾದ ಅತೀಂದ್ರಿಯ ಬಾಬಾ ವಂಗಾ ಅವರ ಭವಿಷ್ಯ ಮತ್ತೆ ನೆನಪಾಗುತ್ತಿದೆ. ಹಾಗಾದ್ರೆ ಈ ಬಾಬಾ ವಂಗಾ ಅವರು ನುಡಿದಿದ್ದ ಭವಿಷ್ಯವಾದರೂ ಏನು ಗೊತ್ತಾ?

ಹೌದು, ಈ ಬಾಬಾ ವಂಗಾ ಅವರು ಕೆಲವು ಸಮಯಗಳ ಹಿಂದೆ ‘ ಭೂಮಿಯ ಮೇಲೆ 2023ರಲ್ಲಿ ಕೆಲವು ತಿಂಗಳು ಕತ್ತಲೆ ಇರುತ್ತದೆ ಮತ್ತು ಮಾನವ ಜೀವನ ನಾಶವಾಗುತ್ತದೆ’ ಎಂದು ಭವಿಷ್ಯ ನುಡಿದ್ದರು. ಭೂಮಿಯ ಕಕ್ಷೆಯಲ್ಲಿ ಬದಲಾವಣೆಯಾಗಲಿದ್ದು, ಇದರಿಂದ ಭೂಮಿಯ ಮೇಲೂ ಹಲವು ಬದಲಾವಣೆಗಳಾಗಲಿವೆ ಎಂದಿದ್ರು. ಅದರಲ್ಲೂ ಕೂಡ ಸೋಲಾರ್ ಚಂಡಮಾರುತ ಸೇರಿದಂತೆ ಹಲವು ಪ್ರಕೃತಿ ವಿಕೋಪಗಳು ಸಂಭವಿಸಲಿವೆ ಎಂದಿದ್ದ ಅವರು, ಜಾಗತಿಕ ತಾಪಮಾನ ಮತ್ತು ಹವಾಮಾನ ಬದಲಾವಣೆಯಿಂದ ಮಾನವ ಜೀವನ ಅಸ್ತವ್ಯಸ್ತವಾಗಲಿದೆ ಎಂದು ಹೇಳಿದ್ದರು.

ಇದರೊಂದಿಗೆ 2023ರ ಮಾನವ ಜೀವನ ಮತ್ತು ವಿಶ್ವದ ಹಲವು ದೇಶಗಳ ಭವಿಷ್ಯಕ್ಕೆ ಸಂಬಂಧಿಸಿದ ಅನೇಕ ವಿಷಯಗಳನ್ನು ಕೂಡ ಬಹಿರಂಗಪಡಿಸಿದ್ದಾರೆ. ಸೌರ ಚಂಡಮಾರುತ ಅಥವಾ ಸೌರ ಸುನಾಮಿ 2023ರಲ್ಲಿ ರೂಪುಗೊಳ್ಳುತ್ತದೆ. ಇದರ ಪರಿಣಾಮವಾಗಿ ಭೂಮಿಯ ಕಾಂತೀಯ ಪದರವು ಗಂಭೀರವಾಗಿ ನಾಶವಾಗಲಿದೆ ಎಂದು ಬಾಬಾ ವಂಗಾ ಭವಿಷ್ಯ ನುಡಿದಿದ್ದಾರೆ! ಬಾಬಾ ವಂಗಾ ಅವರ ಭವಿಷ್ಯವಾಣಿಯ ಪ್ರಕಾರ, ಅತ್ಯಂತ ಶಕ್ತಿಶಾಲಿ ಸೌರ ಬಿರುಗಾಳಿಗಳು ತಂತ್ರಜ್ಞಾನವನ್ನು ನಾಶಪಡಿಸುತ್ತವೆ. ಇದು ಬೃಹತ್ ವಿದ್ಯುತ್ ಕಡಿತಕ್ಕೆ ಕಾರಣವಾಗುತ್ತದೆ. ಸಂವಹನ ವೈಫಲ್ಯಗಳು ಸಂಭವಿಸುತ್ತೆ!

ಭೂಮಿಯ ಮೇಲೆ ಜೈವಿಕ ಅಸ್ತ್ರಗಳ ದಾಳಿಯೊಂದು ನಡೆಯಲಿದ್ದು, ಕೋಟಿಗಟ್ಟಲೆ ಜನರು ಸಾಯುತ್ತಾರೆ ಎಂದಿದ್ದಾರೆ. ಇದರ ಕುರಿತು ವಿವರವಾಗಿ ಹೇಳಿದ ಅವರು,
ವಿಶ್ವದ ಪ್ರಮುಖ ರಾಷ್ಟ್ರಗಳಲ್ಲಿ ಒಂದೆನಿಸದ ದೇಶವೊಂದು ಈಗಾಗಲೇ ಜೈವಿಕ ಶಸ್ತ್ರಾಸ್ತ್ರಗಳ ಮೂಲಕ ಜನರ ಮೇಲೆ ದಾಳಿ ಮಾಡಲು ಸಂಶೋಧನೆ ನಡೆಸಲು ತಯಾರಿ ನಡೆಸುತ್ತಿರುವಾಗಿ ಮಾತು ನುಡಿದಿದ್ದಾರೆ. ಅಲ್ಲದೆ ಅಣು ವಿದ್ಯುತ್ ಸ್ಥಾವರ ಶೀಘ್ರದಲ್ಲೇ ಸ್ಫೋಟಗೊಳ್ಳಲಿದೆ ಎಂದು ಬಾಬಾ ಎಚ್ಚರಿಸಿದ್ದು, ಇಲ್ಲಿ ಉಕ್ರೇನ್ನ ಝಪೋರಿಜ್ಜ್ಯಾ ಪರಮಾಣು ವಿದ್ಯುತ್ ಸ್ಥಾವರವನ್ನು ರಷ್ಯಾ ಆಕ್ರಮಿಸಿ ಕೊಂಡಿರುವುದರಿಂದ, ಈ ಭವಿಷ್ಯ ನಿಜವಾಗಬಹುದೇ ಎಂದು ಅನೇಕ ಜನರು ಭಾವಿಸಿದ್ದಾರೆ.

ಮುಂದೆ ಏನಾಗುತ್ತದೆ? 2023ರ ಬಗ್ಗೆ ಮಾತ್ರವಲ್ಲ, ಮುಂದಿನ 5 ವರ್ಷಗಳಲ್ಲಿ ಉದ್ಭವಿಸುವ ಪರಿಸ್ಥಿತಿಗಳನ್ನ ಬಾಬಾ ವಂಗಾ ಭವಿಷ್ಯ ನುಡಿದಿದ್ದಾರೆ. 2025ರ ವೇಳೆಗೆ ಯುರೋಪ್ ಬಹುತೇಕ ಕಣ್ಮರೆಯಾಗಲಿದೆ ಎಂದ ಅವರು, 2028ರಲ್ಲಿ ಮಾನವ ಶಕ್ತಿಯ ಹೊಸ ಮೂಲಗಳನ್ನು ಹುಡುಕುವ ಭರವಸೆಯಲ್ಲಿ ಶುಕ್ರದ ಕಡೆಗೆ ಪ್ರಯಾಣಿಸುತ್ತಾನೆಂದು ಹೇಳಿದ್ದಾರೆ.

ಇದು ನಿಮಗೆ ಹಾಲಿವುಡ್ ನ ಯಾವುದೋ ಚಿತ್ರಕಥೆ ಅನಿಸ್ಬೋದು, ಆದರೆ ಇದುರ ‘ಬಾಬಾ ವಂಗಾ’ ಎಂದೇ ಖ್ಯಾತರಾಗಿದ್ದ ಅಂದ ಮಹಿಳೆ ನುಡಿದು ಹೋಗಿರುವ ಭವಿಷ್ಯ! ತನ್ನ 12ನೇ ವರ್ಷಕ್ಕೆ ದೃಷ್ಟಿ ಕಳೆದುಕೊಂಡು ಅಂಧತ್ವಕ್ಕೆ ಜಾರಿದ ವಂಗಾ, 1996ರಲ್ಲಿ ನಿಧನರಾದರು. ಬದುಕಿನ ಉದ್ದಕ್ಕೂ ಅವರು ಭವಿಷ್ಯ ನುಡಿಯುವುದರಲ್ಲಿಯೇ ಕಳೆದರು. ಅವರು ನುಡಿದ ಭವಿಷ್ಯಗಳಲ್ಲಿ ಶೇ.85ರಷ್ಟು ಪಕ್ಕಾ ಆಗಿವೆ. ಆದ್ದರಿಂದ ಈ ವರ್ಷದ ದುರಂತ ಕುರಿತು ಅವರು ಆಡಿದ ಮಾತುಗಳು ದಿಗಿಲು ಸೃಷ್ಟಿಸಿವೆ.

ಇನ್ನೊಂದು ಗಮನಿಸಬೇಕಾದ ಅಂಶವೆಂದರೆ 2023ರಲ್ಲಿ ಬರಲಿರುವ ವಿಪತ್ತುಗಳ ಬಗ್ಗೆ ಬಾಬಾ ವಂಗಾ ಅವರ ಭವಿಷ್ಯವಾಣಿಗಳು 68 ಪ್ರತಿಶತದಷ್ಟು ನಿಜವಾಗುವ ಸಾಧ್ಯತೆಯಿದೆ ಎಂದು ಬ್ರಿಟಿಷ್ ಪತ್ರಿಕೆ, ‘ದಿ ಮಿರರ್’ ದೃಢಪಡಿಸಿದೆ! ಇದರೊಂದಿಗೆ ಆಕೆಯ ಶಿಷ್ಯರು ಡೋಲು ಬಾರಿಸುತ್ತಾ ದೇವರ ಮಾಪಕವಾದ ಬಾಬಾ ವೆಂಗಾ ಅವರ ಭವಿಷ್ಯದ ಮಾತು ಖಂಡಿತವಾಗಿ ನಿಜವಾಗುತ್ತದೆ ಎಂದು ಹೇಳುತ್ತಾರೆ. ಬಾಬಾ ವೆಂಗಾ 1996 ರಲ್ಲಿ ನಿಧನರಾದರು. ಮುಂಬರುವ ಭವಿಷ್ಯದಲ್ಲಿ ಏನಾಗಲಿದೆ ಎಂಬುದರ ಕುರಿತು ಅವ್ರು ತನ್ನ ಶಿಷ್ಯರಿಗೆ ಹೇಳಿದಳು. ಬಾಬಾ ವೆಂಗಾ ಅವರ ಭವಿಷ್ಯವಾಣಿ ಈಗ ಪುಸ್ತಕ ರೂಪದಲ್ಲಿದೆ. ಒಟ್ನಲ್ಲಿ ಬಾಬಾ ವಂಗಾ ಅವರ ಭವಿಷ್ಯದ ನುಡಿಗಳು ಎಲ್ಲರಿಗೂ ಗಾಬರಿಯುಂಟು ಮಾಡಿದೆ.