ರಾಜಸ್ಥಾನ: ಅಜ್ಮೀರ್ ಪ್ರದೇಶದಲ್ಲಿ ಯುವ ಪ್ರೇಮಿಗಳಿಬ್ಬರು ರಾಜರೋಷವಾಗಿ ಸಾರ್ವಜನಿಕವಾಗಿ, ರಸ್ತೆಯುದ್ದಕ್ಕೂ ಚಲಿಸುತ್ತಿದ್ದ ಬೈಕ್‌ನಲ್ಲೇ ಚುಂಬಿಸುತ್ತಿದ್ದ ವಿಡಿಯೋ ವೈರಲ್ ಆಗಿದೆ.
ಫೆಬ್ರವರಿ 6 ರಂದು ಪ್ರಾದೇಶಿಕ ಕಾಲೇಜು ಕ್ರಾಸ್‌ರೋಡ್ಸ್‌ನಿಂದ ನೌಸರ್ ಕಣಿವೆಗೆ ಪ್ರಯಾಣಿಸುವಾಗ ದಂಪತಿಗಳು ತಬ್ಬಿಕೊಳ್ಳುವ 5 ಸೆಕೆಂಡುಗಳ ವೀಡಿಯೊವನ್ನು ಕಾಣಬಹುದಾಗಿದೆ. ಈ ಹಿಂದೆಯೂ ಲಕ್ನೋ ಇಂತಹದ್ದೆ ಘಟನೆ ಬೆಳಕಿಗೆ ಬಂದಿತ್ತು.
ವೀಡಿಯೊ ವೈರಲ್ ಆದ ತಕ್ಷಣ, ಅಜ್ಮೀರ್‌ನ ಕ್ರಿಶ್ಚಿಯನ್ ಗಂಜ್ ಪೊಲೀಸ್ ಠಾಣೆಯು ಸವಾರನ ವಿರುದ್ಧ ಐಪಿಸಿ ಸೆಕ್ಷನ್ 336- (ಜೀವಕ್ಕೆ ಅಪಾಯ), 279- (ನಿರ್ಲಕ್ಷ್ಯದ ಕೃತ್ಯ) ಮತ್ತು 294- (ಸಾರ್ವಜನಿಕ ಸ್ಥಳದಲ್ಲಿ) ಅಶ್ಲೀಲ ಕೃತ್ಯ ಎಸಗುವ ಅಡಿಯಲ್ಲಿ ಪ್ರಕರಣ ದಾಖಲಿಸಿದೆ. ಪೊಲೀಸರು ಬೈಕ್ ಅನ್ನು ವಶಪಡಿಸಿಕೊಂಡಿದ್ದಾರೆ ಎಂದು ಇಂಡಿಯಾ ಟುಡೇ ವರದಿ ಮಾಡಿದೆ.
