Smart Gas Stove : ಈ ಡಿಜಿಟಲ್ ಯುಗದಲ್ಲಿ ಯಾವುದು ಅಸಾಧ್ಯವಲ್ಲ ಎಲ್ಲವೂ ಸಾಧ್ಯ,ಬಿಹಾರ ರಾಜ್ಯದಲ್ಲಿ(Bihar state) ನಡೆದ ಈ ವಿಷಯವನ್ನು ಕೇಳಿದ ತಕ್ಷಣವೇ ನಮಗೆ ಬೆರಗು ಮೂಡಬಹುದು ಅದೇನಪ್ಪ ಅಂದ್ರೆ?
ಮೊಬೈಲ್ ಮತ್ತು ಲ್ಯಾಪ್ಟಾಪ್ ನಲ್ಲಿ ಪಾಸ್ ವರ್ಡ್ ಹಾಕಿದ ತಕ್ಷಣ ಆನ್ ಆಗುವಂತೆ ಗ್ಯಾಸ್ ಸ್ಟವ್(Smart Gas Stove) ಸಹ ಆನ್ ಆದರೆ ಹೇಗಿರುತ್ತೆ? ಈ ವಿಷಯವನ್ನು ಕೇಳಿದಾಗ ನಮಗೆ ಆಶ್ಚರ್ಯ ಚಕಿತನಾಗಬಹುದು ಆದರೆ ಇದು ನಿಜವಾಗಿಯೂ ಸಾಧ್ಯವಾದ ವಿಷಯ.
ಹೌದು, ಬಿಹಾರದ 13 ವರ್ಷದ ಪ್ರತ್ಯೂಷ್(pratyush) ಎಂಬ ಬಾಲಕ ಅಸಾಧ್ಯವಾದುದನ್ನು ಸಾಧ್ಯವಾಗಿಸಿದ್ದಾರೆ.ಪಾಸ್ವರ್ಡ್ (password)ಹಾಕಿದ್ರೆ ಆನ್ ಆಗುವ ಮತ್ತು ಗ್ಯಾಸ್ ಸೋರಿಕೆಯಾದಾಗ ತನ್ನಷ್ಟಕ್ಕೆ ಆಫ್ ಆಗುವ ಇಂತಹ ಗ್ಯಾಸ್ ಸ್ಟವ್ ಪ್ರತ್ಯೂಷ್ ತಯಾರಿಸಿದ್ದಾರೆ. ಹಾಗಾದರೆ ಈ ಗ್ಯಾಸ್ ಸ್ಟವ್ ಯಾವ ರೀತಿ ಇರಬಹುದು ,ಇದರಿಂದ ಜನರಿಗೆ ಯಾವ ರೀತಿ ಉಪಯೋಗ ಆಗಬಹುದು ಎಂದು ನೋಡೋಣ ಬನ್ನಿ.
ಈ ಗ್ಯಾಸ್ ಸ್ಟವ್ ನ ವಿಶೇಷತೆ ಏನೆಂದರೆ, ಕೆಲವು ಸೆಕೆಂಡ್(second) ಗಳಿಗಿಂತ ಹೆಚ್ಚು ಕಾಲ ಗ್ಯಾಸ್ ಸೋರಿಕೆಯಾದರೆ ಇಡೀ ಮನೆಯ ವಿದ್ಯುತ್ ಕೂಡ ಸ್ವಯಂಚಾಲಿತವಾಗಿ ಅಂದರೆ ತನ್ನಷ್ಟಕ್ಕೆ ತಾನೇ ಸ್ಥಗಿತಗೊಳ್ಳುತ್ತದೆ.ಹಾಗೆಯೇ ಈ ಗ್ಯಾಸ್ ಸ್ಟವ್ ನಲ್ಲಿ ಅನಿಲ ಸೋರಿಕೆಯಾದಾಗ (flow)ಎಚ್ಚರಿಕೆಯ ವ್ಯವಸ್ಥೆ ಅಲರ್ಟ್ ಆಗುತ್ತದೆ.
ಮಾಮೂಲಿ ಗ್ಯಾಸ್ ಸ್ಟವ್ ಗಿಂತ ಈ ಗ್ಯಾಸ್ ಸ್ಟವ್ ತುಂಬಾನೇ ವಿಭಿನ್ನವಾಗಿದೆ.ಈ ಗ್ಯಾಸ್ ಸ್ಟವ್ನಲ್ಲಿ ಅಲಾರಂ(alarm) ಸಹ ಇದೆ. ಅನಿಲ ಸೋರಿಕೆಯಾದಾಗ(fuel flow) ಈ ಅಲಾರಂ ಜೋರಾಗಿ ಬೀಪ್ ಆಗುತ್ತದೆ. ಅಲ್ಲದೇ, ಗ್ಯಾಸ್ ಲೀಕ್ ಆದರೆ ಅಡುಗೆಮನೆಯಲ್ಲಿ ಅಳವಡಿಸಿದ ಫ್ಯಾನ್(fan) ಆನ್ ಆಗುತ್ತದೆ. ಸ್ವಲ್ಪ ಹೊತ್ತಿನ ನಂತರ ಮನೆಗೆ ವಿದ್ಯುತ್ ಬರುವುದು ನಿಲ್ಲುತ್ತದೆ. ಅನಿಲ ಸಂಪರ್ಕವು ನಿಲ್ಲುತ್ತದೆ. ಈ ಮೂಲಕ ಅನಿಲ ದುರಂತ ಸಂಭವಿಸುವುದು ತಡೆಗಟ್ಟಬಹುದು ಎಂದು ಪ್ರತ್ಯೂಷ್ ಮಾಹಿತಿಯನ್ನು ನೀಡಿದ್ದಾರೆ.
ಈ ವಿಶೇಷ ಗ್ಯಾಸ್ ಸ್ಟವ್ ಅನ್ನು ತಯಾರಿಸಿ ಮಾರುಕಟ್ಟೆಗೆ(market) ಪ್ರದರ್ಶಿಸಲು ಬರೋಬ್ಬರಿ ಪ್ರತ್ಯೂಷ್ ಅವರಿಗೆ ಸುಮಾರು 1,500 ರೂಪಾಯಿ ಖರ್ಚಾಗಿದೆ. ಆದರೆ ಮಾರುಕಟ್ಟೆಯಲ್ಲಿ 3,000 ರೂಪಾಯಿವರೆಗೆ ಮಾರಾಟವಾಗುವ ಸಾದ್ಯತೆ ಇದೆ ಎನ್ನಬಹುದು.
