ಇಂದಿನ ಡಿಜಿಟಲ್ ಯುಗದಲ್ಲಿ ಮೊಬೈಲ್ ಎಂಬ ಮಾಯಾವಿಯ ಬಳಕೆ ಮಾಡದೇ ಇರುವವರೇ ವಿರಳ. ಈ ಸಾಧನ ಎಷ್ಟರಮಟ್ಟಿಗೆ ಜನರ ಅವಿಭಾಜ್ಯ ಭಾಗವಾಗಿ ಬಿಟ್ಟಿದೆ ಎಂದರೆ ಬೆಳಿಗ್ಗೆ ಎದ್ದಾಗಿಂದ ರಾತ್ರಿ ಮಲಗುವ ವರೆಗೂ ಅರೆಕ್ಷಣ ಕೂಡ ಬಿಟ್ಟಿರಲಾಗಾದಷ್ಟು ಬೆಸೆದುಕೊಂಡು ಬಿಟ್ಟಿದೆ.
ಮೊಬೈಲ್ ಕಳ್ಳತನ ಅಥವಾ ಕಸಿದುಕೊಳ್ಳುವ ಘಟನೆಗಳು ಸಾಮಾನ್ಯವಾಗಿ ಬಿಟ್ಟಿದೆ. ಮೊಬೈಲ್ ಎಲ್ಲೋ ಬಿದ್ದು ಹೋದರೆ ಇಲ್ಲವೇ ಕಳುವು ಆದಾಗ ನಮ್ಮ ಎಲ್ಲಾ ಮುಖ್ಯ ಮಾಹಿತಿಗಳು ಅಪಾಯದಲ್ಲಿದೆ ಎನ್ನುವುದು ಸ್ಪಷ್ಟ. ಮೊಬೈಲ್ ಕಳುವಾದ ಬಳಿಕ, ಬ್ಯಾಂಕ್ ಅಪ್ಲಿಕೇಶನ್ ಇಲ್ಲವೇ ವ್ಯಾಲೆಟ್ ನಿಂದಾಗಿ, ಬ್ಯಾಂಕಿನಲ್ಲಿ ಇರಿಸಲಾದ ಹಣ ಕೂಡ ಖಾಲಿಯಾಗುವ ಸಂಭವ ಕೂಡ ಹೆಚ್ಚಿದೆ.
ಈ ಪರಿಸ್ಥಿತಿಯಲ್ಲಿ, ನೀವು ಸರ್ಕಾರಿ ವೆಬ್ಸೈಟ್ ಗೆ ಭೇಟಿ ನೀಡಿ, ನೀವು ಅಲ್ಲಿ ಲಾಗಿನ್ ಮಾಡುವ ಮೂಲಕ ನಿಮ್ಮ ಕದ್ದ ಮೊಬೈಲ್ ಅನ್ನು ಸುಲಭವಾಗಿ ನಿರ್ಬಂಧಿಸಬಹುದಾಗಿದೆ. ಮತ್ತೆ ಫೋನ್ ದೊರೆತಾಗ ನೀವು ಅದನ್ನು ಅನ್ ಬ್ಲಾಕ್ ಮಾಡಬಹುದಾಗಿದೆ.
ನಿಮ್ಮ ಫೋನ್ ಕಳೆದುಹೋದರೆ ಇಲ್ಲವೇ , ನೀವು ಮೊದಲು ಹತ್ತಿರದ ಪೊಲೀಸ್ ಠಾಣೆಗೆ ಹೋಗಿ ದೂರು ದಾಖಲಿಸಬೇಕು. ದೂರು ದಾಖಲಾದ ನಂತರ, ನೀವು ದೂರು ಸಂಖ್ಯೆಯನ್ನು ಪದೆಯಲಿದ್ದಿರಿ. ಪೊಲೀಸ್ ದೂರು ಸಂಖ್ಯೆ, ನಿಮಗೆ ಮುಂದಿನ ದಿನಗಳಲ್ಲಿ ಅವಶ್ಯಕವಾಗಿದೆ.
ಪೊಲೀಸ್ ದೂರು ದಾಖಲಿಸಿದ ಬಳಿಕ ದೂರು ಸಂಖ್ಯೆಯನ್ನು ತೆಗೆದುಕೊಂಡ ಬಳಿಕ ನೀವು ಸಿಇಐಆರ್ ವೆಬ್ಸೈಟ್ಗೆ ಹೋಗಬೇಕು. ನೀವು ಬಯಸಿದರೆ, ನೀವು ಸರ್ಚ್ ಇಂಜಿನ್ ನಲ್ಲಿ CEIR ಅನ್ನು ಹುಡುಕಬಹುದು ಇಲ್ಲವೇ ಬ್ರೌಸರ್ ನಲ್ಲಿ ನೇರವಾಗಿ www.ceir.gov.in ಟೈಪ್ ಮಾಡುವ ಮೂಲಕ ವೆಬ್ ಸೈಟ್ ಗೆ ಹೋಗಬಹುದಾಗಿದೆ.
ಫೋನ್ ಕಳುವಾದರೆ, ಈ ವಿಷಯಗಳು ಅವಶ್ಯಕ.
IMEI ಸಂಖ್ಯೆ, ಕದ್ದ ಫೋನ್ ನ ಎಫ್‌ಐಆರ್ ಪ್ರತಿ,
ಬ್ರಾಂಡ್, ಮಾಡೆಲ್ ಮತ್ತು ಬಿಲ್ಲಿಂಗ್ ಇನ್ವಾಯ್ಸ್ ನಂತಹ ಇತರ ಮೊಬೈಲ್ ವಿವರಗಳು, ಎಲ್ಲಾ ಫೋನ್ ಗಳು 15 ಅಂಕಿಗಳ ಅನನ್ಯ ಐಎಂಇಐ ಇಲ್ಲವೇ ಅಂತರರಾಷ್ಟ್ರೀಯ ಮೊಬೈಲ್ ಸಮಾನವಾದ ಗುರುತಿನ ಸಂಖ್ಯೆಯನ್ನು ಒಳಗೊಂಡಿರುತ್ತದೆ. ಫೋನ್ ಗಾಗಿ ಈ ವಿಶಿಷ್ಟ ಸಂಖ್ಯೆಯನ್ನು ಬದಲಾಯಿಸಲು ಆಗುವುದಿಲ್ಲ.
ನೀವು ಅದನ್ನು ಫೋನ್ ಬಾಕ್ಸ್ ನಲ್ಲಿ ಪರಿಶೀಲನೆ ನಡೆಸಬಹುದು. ಇದರ ಜೊತೆಗೆ, ನೀವು ಫೋನ್ ನ ಸೆಟ್ಟಿಂಗ್ ಗಳಿಗೆ ಹೋಗುವ ಮೂಲಕವೂ ಅದನ್ನು ಪರಿಶೀಲನೆ ನಡೆಸಬಹುದು. ನೀವು *#06# ಡಯಲ್ ಮಾಡುವ ಮೂಲಕ ಐಎಂಇಐ ಸಂಖ್ಯೆಯನ್ನು ಕೂಡ ಕಂಡುಹಿಡಿಯಬಹುದಾಗಿದೆ.
ಫೋನ್ ಕಳುವಾದ ನಂತರ, ಮೊದಲು ಅದರ ಬಗ್ಗೆ ಹತ್ತಿರದ ಪೊಲೀಸ್ ಠಾಣೆಗೆ ತಿಳಿಸಬೇಕು. ಬಳಿಕ, ಸಿಇಐಆರ್ https://ceir.gov.in/Home/index.jsp ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ ಈ ಸೇವೆಯು ಪ್ರಸ್ತುತ ದೆಹಲಿ, ಮಹಾರಾಷ್ಟ್ರ ಮತ್ತು ಕರ್ನಾಟಕಕ್ಕೆ ದೊರೆಯಲಿದೆ.
ಸಿಇಐಆರ್ನ ಅಧಿಕೃತ ವೆಬ್ಸೈಟ್ ನಲ್ಲಿ ಬ್ರಾಂಡ್, ಮೊಬೈಲ್ ಬ್ರಾಂಡ್ , ಲಾಸ್ಟ್ ಲೊಕೇಶನ್ ಮಾಹಿತಿಯಂತಹ ಮೊಬೈಲಿನ ಎಲ್ಲಾ ವಿವರಗಳನ್ನು ನಮೂದಿಸಬೇಕಾಗುತ್ತದೆ. ಇಲ್ಲಿ ನೀವು ಮೊಬೈಲ್ ಬಿಲ್ಲಿಂಗ್ ಇನ್ವಾಯ್ಸ್ ಅನ್ನು ಕೂಡ ನೀಡಬೇಕಾದ ಅವಶ್ಯಕತೆ ಎದುರಾಗಬಹುದು. ಈ ಬಳಿಕ, ಪರ್ಯಾಯ ಸಂಖ್ಯೆಯನ್ನು ನಮೂದಿಸಿ ಮತ್ತು ಗೆಟ್ ಒಟಿಪಿ ಬಟನ್ ಅನ್ನು ಒತ್ತಬೇಕು.
ಕಳೆದುಹೋದ ಅಥವಾ ಕದ್ದ ಫೋನ್ ನ ಸ್ಥಳ ವಿನಂತಿಗಾಗಿ, ನೀವು ಪರ್ಯಾಯ ಸಂಖ್ಯೆಯಲ್ಲಿ ಸ್ವೀಕರಿಸಿದ ಒಟಿಪಿಯನ್ನು ನಮೂದಿಸಬೇಕಾಗುತ್ತದೆ. ಇದರ ಬಳಿಕ, ಸಬ್ಮಿಟ್ ಬಟನ್ ಅನ್ನು ಕ್ಲಿಕ್ ಮಾಡಿ ಬಳಿಕ ನೀವು ವಿನಂತಿ ID ಯನ್ನು ಪಡೆಯಬಹುದು. ಅದನ್ನು ಕೈಗೆಟಕುವಂತೆ ಇರಿಸಿಕೊಳ್ಳುವುದು ಉತ್ತಮ. ಐಎಂಇಐ ಸಂಖ್ಯೆಯನ್ನು ಅನ್ಬ್ಲಾಕ್ ಮಾಡಲು ಇದನ್ನು ಬಳಸಬಹುದಾಗಿದೆ.
ಫೋನ್ ಕಳೆದುಕೊಂಡ ಬಳಿಕ ಮೊಬೈಲ್ ಬೇರೆಯವರು ಬಳಕೆ ಮಾಡದಂತೆ ತಡೆಗಟ್ಟಲು, ಕದ್ದ ಫೋನ್ ಬಗ್ಗೆ ನೀವು ನೆಟ್ ವರ್ಕ್ ಆಪರೇಟರ್ ಗೆ ಮಾಹಿತಿ ನೀಡಬೇಕಾದ ಅವಶ್ಯಕತೆ ಇದೆ. ಇದರ ಜೊತೆಗೆ ಐಎಂಇಐ ಸಂಖ್ಯೆಯನ್ನು ನಿರ್ಬಂಧಿಸಲು ವಿನಂತಿಯನ್ನು ಕೂಡ ರವಾನೆ ಮಾಡಲಾಗುತ್ತದೆ.
ನಿಮ್ಮ ಕಳೆದುಕೊಂಡ ಫೋನ್ ನ ಸ್ಥಿತಿಯನ್ನು ಪರಿಶೀಲಿಸಬಹುದಾಗಿದ್ದು, ಸಿಇಐಆರ್ ವೆಬ್ ಸೈಟ್ ನ ನೆರವಿನಿಂದ ಪೊಲೀಸ್ ತನಿಖೆಯನ್ನು ಪರಿಶೀಲನೆ ನಡೆಸಬಹುದು. ಫೋನ್ ಅನ್ನು ಸ್ವತಃ ಟ್ರ್ಯಾಕ್ ಮಾಡಲು ಆಗದು. ಆದರೆ, ನೀವು ಫೋನ್ ಸ್ವೀಕರಿಸಿದ ನಂತರ ನೀವು IMEI ಸಂಖ್ಯೆಯನ್ನು ನಿರ್ಬಂಧಿಸಬಹುದಾಗಿದೆ.
