ಏಳನೇ ವೇತನ ಆಯೋಗ ಶಿಫಾರಸ್ಸು ಮಾಡಿರುವ ಪ್ರಮಾಣದಲ್ಲಿ ಕೇಂದ್ರ ಸರ್ಕಾರಿ ನೌಕರರಿಗೆ ಮಾರ್ಚ್ನಲ್ಲಿ ಶೇಕಡಾ 3-5ರಷ್ಟು ತುಟ್ಟಿ ಭತ್ಯೆ ಅಥವಾ ಡಿಎ ಹೆಚ್ಚಳವಾಗುವ ಸಾಧ್ಯತೆ ಇದ್ದೂ, ಇದರಿಂದ ಲಕ್ಷಾಂತರ ನೌಕರರಿಗೆ ಹಾಗೂ ಪಿಂಚಣಿದಾರರಿಗೆ ಪ್ರಯೋಜನವಾಗಲಿದೆ, ಅಲ್ಲದೇ ಉದ್ಯೋಗಿಗಳು 18 ತಿಂಗಳ ಡಿಎ ಬಾಕಿಯನ್ನು ಸಹ ಪಡೆಯುವ ಸಾಧ್ಯತೆಯಿದೆ ಎಂದು ಮಾಧ್ಯಮ ವರದಿಗಳು ತಿಳಿಸಿವೆ.
ತುಟ್ಟಿಭತ್ಯೆ (ಡಿಎ) ಮತ್ತು ತುಟ್ಟಿಭತ್ಯೆ (ಡಿಆರ್) ಅನ್ನು ವರ್ಷಕ್ಕೆ ಎರಡು ಬಾರಿ ಪರಿಷ್ಕರಿಸಲಾಗುತ್ತದೆ, ಇದು ಜನವರಿ 1 ಮತ್ತು ಜುಲೈ 1 ರಿಂದ ಜಾರಿಗೆ ಬರುತ್ತದೆ. ಕಳೆದ ಸೆಪ್ಟೆಂಬರ್ನಲ್ಲಿ 48 ಲಕ್ಷ ಕೇಂದ್ರ ಸರ್ಕಾರಿ ನೌಕರರು ಮತ್ತು 68 ಲಕ್ಷ ಪಿಂಚಣಿದಾರರಿಗೆ ಹಬ್ಬದ ಅವಧಿಯಲ್ಲಿ ಪ್ರಯೋಜನವಾಗಿತ್ತು. ಶೇಕಡಾ 31ರಷ್ಟಿದ್ದ ತುಟ್ಟಿಭತ್ಯೆಯನ್ನು ಕೇಂದ್ರ ಸರ್ಕಾರ ಕಳೆದ ಮಾರ್ಚ್ನಲ್ಲಿ ಶೇಕಡಾ 34ಕ್ಕೆ ಹೆಚ್ಚಿಸಿತ್ತು. ಸೆಪ್ಟೆಂಬರ್ನಲ್ಲಿ ಶೇಕಡಾ 4ರಷ್ಟು ಹೆಚ್ಚಿಸಿ ಶೇಕಡಾ 38ಕ್ಕೆ ನಿಗದಿಪಡಿಸಿದೆ.
ಸೆಪ್ಟೆಂಬರ್ನಲ್ಲಿ ತುಟ್ಟಿ ಭತ್ಯೆ ಮತ್ತು ತುಟ್ಟಿ ಪರಿಹಾರವನ್ನು ಕೇಂದ್ರ ಸರ್ಕಾರ ಶೇಕಡಾ 4ರಷ್ಟು ಏರಿಕೆ ಮಾಡಿದ್ದೂ, ಈ ಮಧ್ಯೆ
18 ತಿಂಗಳ ಬಾಕಿಗೆ ಸಂಬಂಧಿಸಿದಂತೆ, ಇದನ್ನ ಶೀಘ್ರದಲ್ಲೇ ಪರಿಹರಿಸುವ ನಿರೀಕ್ಷೆಯಿದೆ. ಉದ್ಯೋಗಿಗಳು 18 ತಿಂಗಳ ಡಿಎ ಬಾಕಿ ಪಾವತಿಯನ್ನ ಪಡೆಯಬಹುದು. ಕೇಂದ್ರ ಸರ್ಕಾರಿ ನೌಕರರ ವೇತನದ ಒಂದು ಭಾಗವನ್ನು ಗಣನೆಗೆ ತೆಗೆದುಕೊಂಡು ಡಿಎ ಅಥವಾ ತುಟ್ಟಿ ಭತ್ಯೆ ಹೆಚ್ಚಳ ಮಾಡಲಾಗುತ್ತದೆ. ನೌಕರರ ಸಂಘಗಳು ತಮ್ಮ ವೇತನದಲ್ಲಿ ಫಿಟ್ ಮೆಂಟ್ ಅಂಶವನ್ನ ಪರಿಷ್ಕರಿಸಬೇಕೆಂದು ಒತ್ತಾಯಿಸುತ್ತಿವೆ. ಫಿಟ್ ಮೆಂಟ್ ಫ್ಯಾಕ್ಟರ್ ಎಂಬುದು ಒಂದು ಸಾಮಾನ್ಯ ಮೌಲ್ಯವಾಗಿದ್ದು, ಇದನ್ನು ಉದ್ಯೋಗಿಗಳ ಒಟ್ಟು ವೇತನವನ್ನ ತಲುಪಲು ಮೂಲ ವೇತನದಿಂದ ಗುಣಿಸಲಾಗುತ್ತದೆ.
ಪ್ರಸ್ತುತ, ಕೇಂದ್ರ ಸರ್ಕಾರಿ ನೌಕರರ ಎಲ್ಲಾ ಗುಂಪುಗಳಿಗೆ ಸಾಮಾನ್ಯ ಫಿಟೆಂಟ್ ಪ್ರಯೋಜನ 2.57 ಆಗಿದೆ. ಈಗ, ಯಾರಾದರೂ 4200 ಗ್ರೇಡ್ ಪೇನಲ್ಲಿ 15,500 ರೂ.ಗಳ ಮೂಲ ವೇತನವನ್ನ ಪಡೆಯುತ್ತಿದ್ದರೆ, ಅವರ ಒಟ್ಟು ವೇತನವು 15,500×2.57 ಅಥವಾ 39,835 ರೂಪಾಯಿ ಆಗಲಿದೆ. 6 ನೇ ಸಿಪಿಸಿ ಫಿಟೆಂಟ್ ಅನುಪಾತವನ್ನ 1.86 ಕ್ಕೆ ಶಿಫಾರಸ್ಸು ಮಾಡಿತ್ತು. ಈಗ, ನೌಕರರು ಅದನ್ನು 3.68 ಕ್ಕೆ ಹೆಚ್ಚಿಸುವಂತೆ ಸರ್ಕಾರವನ್ನು ಒತ್ತಾಯಿಸುತ್ತಿದ್ದಾರೆ ಎಂದು ಮಾಧ್ಯಮ ವರದಿ ತಿಳಿಸಿದೆ. ಈ ಹೆಚ್ಚಳವು ಕನಿಷ್ಠ ವೇತನವನ್ನ ಪ್ರಸ್ತುತ 18,000 ರೂ.ಗಳಿಂದ 26,000 ರೂ.ಗಳಿಗೆ ಹೆಚ್ಚಿಸಲಿದೆ.
