ವಾಟ್ಸಪ್ ತನ್ನ ಗ್ರಾಹಕರನ್ನು ಹೆಚ್ಚಿಸುವ ಸಲುವಾಗಿ ಹೊಸ ಹೊಸ ಫೀಚರ್ ಗಳನ್ನು ಅಪ್ಡೇಟ್ ಮಾಡುತ್ತಲೇ ಬಂದಿದ್ದು, ಈ ಮೂಲಕ ಬಳಕೆದಾರರನ್ನು ತನ್ನತ್ತ ಸೆಳೆಯುತ್ತಿದೆ. ಕೇವಲ ಮೆಸೇಜ್ ಗೆ ಮಾತ್ರ ಸೀಮಿತವಾಗಿರದೆ ಹಣ ರವಾನೆಯಿಂದ ಹಿಡಿದು ಪ್ರತಿಯೊಂದು ಕೆಲಸಕ್ಕೂ ಬಳಕೆಯಾಗುತ್ತಿದೆ ವಾಟ್ಸಪ್.
ಹೌದು. ಇದೀಗ ವಾಟ್ಸಪ್ ಮೂಲಕ ಆಧಾರ್, ಪ್ಯಾನ್, ಡ್ರೈವಿಂಗ್ ಲೈಸೆನ್ಸ್ ಕೂಡ ಡೌನ್ಲೋಡ್ ಮಾಡಿಕೊಳ್ಳಬಹುದಾಗಿದೆ. ಯಾವುದೇ ಸರ್ಕಾರಿ ಕಚೇರಿಗಳಿಗೆ ಹೋಗದೆಯೇ ವಾಟ್ಸಪ್ಪ್ ಮೂಲಕ ನಿರ್ಣಾಯಕ ವೈಯಕ್ತಿಕ ದಾಖಲೆಗಳನ್ನು ಪಡೆಯಲು ಸಾಧ್ಯವಾಗುತ್ತದೆ. MyGov ವಾಟ್ಸಾಪ್ ಚಾಟ್‌ಬಾಟ್-ಆಧಾರಿತ ಸೇವೆಯನ್ನು ವಾಟ್ಸಪ್ ನೀಡುತ್ತದೆ.
ಬಳಕೆದಾರರು ಒಂದೇ ಸಮಯದಲ್ಲಿ ಅಗತ್ಯವಿರುವ ಎಲ್ಲಾ ಪೇಪರ್‌ಗಳಿಗೆ ತ್ವರಿತವಾಗಿ ಮತ್ತು ಸುಲಭವಾಗಿ ಪಡೆಯಲು, MyGov ಹೆಲ್ಪ್‌ಡೆಸ್ಕ್‌ಗಾಗಿ ವಾಟ್ಸಾಪ್ ಚಾಟ್‌ಬಾಟ್ ಅನ್ನು ತೆರೆಯಬೇಕು. ವಾಟ್ಸಾಪ್ ನ ಡಿಜಿಲಾಕರ್ ವೈಶಿಷ್ಟ್ಯಗಳನ್ನು ಪ್ರವೇಶಿಸಲು ಖಾತೆಯನ್ನು ದೃಢೀಕರಿಸಿ, ಅದರ ನಂತರ, ನಿಮ್ಮ ಪ್ಯಾನ್ ಕಾರ್ಡ್, ಚಾಲಕರ ಪರವಾನಗಿ ಮತ್ತು ವಾಹನ ನೋಂದಣಿ ಪ್ರಮಾಣಪತ್ರದಂತಹ ದಾಖಲೆಗಳನ್ನು ಡೌನ್ಲೋಡ್ ಮಾಡಬಹುದು.
ವಾಟ್ಸಾಪ್‌ನಲ್ಲಿ ಡಿಜಿಲಾಕರ್‌ನಿಂದ ನೀವು X ಮಾರ್ಕ್‌ಶೀಟ್, XII ಮಾರ್ಕ್‌ಶೀಟ್, CBSE X ತರಗತಿಯ ಉತ್ತೀರ್ಣ ಪ್ರಮಾಣಪತ್ರ, ಪ್ಯಾನ್ ಕಾರ್ಡ್, ಚಾಲನಾ ಪರವಾನಿಗೆ, ವಿಮಾ ಪಾಲಿಸಿ ದ್ವಿಚಕ್ರ ವಾಹನ, ವಾಹನ ನೋಂದಣಿ ಪ್ರಮಾಣಪತ್ರ (RC), ವಿಮಾ ಪಾಲಿಸಿ ಡಾಕ್ಯುಮೆಂಟ್ (ಡಿಜಿಲಾಕರ್‌ನಲ್ಲಿ ಲೈಫ್ ಮತ್ತು ನಾನ್-ಲೈಫ್ ಲಭ್ಯವಿದೆ)ಗಳನ್ನು ಡೌನ್ಲೋಡ್ ಮಾಡಬಹುದು.
ಈ ದಾಖಲೆಗಳನ್ನು ಡೌನ್ಲೋಡ್ ಮಾಡಲು ಡಿಜಿಲಾಕರ್ ಖಾತೆಯನ್ನು ರಚಿಸಿ ವಾಟ್ಸಪ್ಪ್ ತೆರೆಯಿರಿ. ನಂತರ ವಾಟ್ಸಪ್ಪ್ ನಲ್ಲಿ, Hi ಅಥವಾ Digilocker ಅನ್ನು 9013151515 ಗೆ ಕಳುಹಿಸಿ. ನಿಮ್ಮ ಡಾಕ್ಯುಮೆಂಟ್‌ಗಳನ್ನು ಡೌನ್ಲೋಡ್ ಮಾಡಲು/ವಿತರಿಸಲು ಡಿಜಿಲಾಕರ್ ಸೇವೆಗಳಿಗೆ ಸುಸ್ವಾಗತ ಎಂದು ಓದುವ ಸ್ವಾಗತ ಸಂದೇಶವನ್ನು ನೀವು ಪಡೆಯುತ್ತೀರಿ. ಬಳಿಕ ನಿಮ್ಮ ಡಿಜಿಲಾಕರ್ ಖಾತೆಯ ವಿವರಗಳನ್ನು ಸಲ್ಲಿಸಿ, ನಿಮ್ಮ ಆಧಾರ್ ಕಾರ್ಡ್ ಸಂಖ್ಯೆಯನ್ನು ಸಲ್ಲಿಸಿ. ನಂತರ OTP ಅನ್ನು ಭರ್ತಿ ಮಾಡಿ ಸಲ್ಲಿಸು ಬಟನ್ ಕ್ಲಿಕ್ ಮಾಡಿ. ಈ ಮೂಲಕ ಡಾಕ್ಯುಮೆಂಟ್‌ಗಳನ್ನು ಡೌನ್ಲೋಡ್ ಮಾಡಬಹುದು.
ಡಿಜಿಲಾಕರ್ ಯೋಜನೆಯನ್ನು ಈ ವರ್ಷದ ಆರಂಭದಲ್ಲಿ ಪರಿಚಯಿಸಲಾಗಿದ್ದರೂ, ಅನೇಕ ಬಳಕೆದಾರರಿಗೆ ಇನ್ನೂ ಸೇವೆಗಳ ಬಗ್ಗೆ ತಿಳಿದಿಲ್ಲ. ನಾಗರಿಕರಿಗೆ ಸಹಾಯ ಮಾಡಲು ವಾಟ್ಸಪ್ಪ್ ನಲ್ಲಿ MyGov ಸಹಾಯವಾಣಿಯ ಮೂಲಕ ಹಲವಾರು ಸೇವೆಗಳು ಲಭ್ಯವಿರುತ್ತವೆ. ಈ ಮೂಲಕ ತಮ್ಮ ಕೆಲಸಗಳನ್ನು ಸುಲಭವಾಗಿಸಬಹುದು.
