ವಿಶ್ವ ಆರೋಗ್ಯ ಸಂಸ್ಥೆ ಆಘಾತಕಾರಿ ಮಾಹಿತಿಯೊಂದನ್ನು ವರದಿ ಮಾಡಿದ್ದು, ಜನರ ಪ್ರಸ್ತುತ ಜೀವನಶೈಲಿಯಿಂದ ಭಾರತ ಸೇರಿ ಉಳಿದ ದೇಶದಾದ್ಯಂತ ಹೃದಯಾಘಾತ, ಕ್ಯಾನ್ಸರ್ ಮತ್ತು ಮಧುಮೇಹದಿಂದ ಸಾವನ್ನಪ್ಪುತ್ತಿದ್ದಾರೆ. ಯಾವುದೇ ಚಟುವಟಿಕೆಯಲ್ಲಿ ತೊಡಗಿಕೊಳ್ಳದೆ, ಆಲಸಿಗಳಾಗಿ, ಸೋಮಾರಿತನ ಮೈಗೂಡಿಸಿಕೊಂಡ ಜನರು ಅನಾರೋಗ್ಯಕ್ಕೆ ತುತ್ತಾಗುತ್ತಿದ್ದಾರೆ.
ವಾರಕ್ಕೆ 150 ನಿಮಿಷಗಳ ಸಾಮಾನ್ಯ ವ್ಯಾಯಾಮವನ್ನು ವಾರಕ್ಕೆ 75 ನಿಮಿಷಗಳ ಕಾಲ ತೀವ್ರವಾಗಿ ವ್ಯಾಯಾಮ ಮಾಡದೆ ಇರುವವರನ್ನು ಸೋಮಾರಿಗಳೆಂದು ವಿಶ್ವ ಆರೋಗ್ಯ ಸಂಸ್ಥೆ ಪರಿಗಣಿಸಿದೆ. ಭಾರತದಲ್ಲಿ ಶೇ.66ರಷ್ಟು ಜನ ಜೀವನಶೈಲಿಯಿಂದ ರೋಗಗಳಿಗೆ ತುತ್ತಾಗುತ್ತಿದ್ದು, ಪ್ರಪಂಚದಾದ್ಯಂತ 74% ರಷ್ಟು ಸಾವುಗಳಿಗೆ ಅವರ ಜೀವನಶೈಲಿ ಕಾರಣವಾಗಿ ರೋಗಗಳು ಕಾಣಿಸಿಕೊಳ್ಳಲು ಕಾರಣವಾಗಿವೆ. ಒಬ್ಬ ವ್ಯಕ್ತಿ , ಪ್ರತಿ 2 ಸೆಕೆಂಡಿಗೆ ಕಾಯಿಲೆಯಿಂದ ಸಾಯುತ್ತಿದ್ದು, 1 ಕೋಟಿ 70ಲಕ್ಷ ಜನರು, 70ರ ಒಳಗಿನ ವಯೋಮಾನದರಾಗಿದ್ದು , ಜೀವನಶೈಲಿಯಿಂದ ರೋಗಗಳಿಗೆ ತುತ್ತಾಗಿ ಪ್ರತಿ ವರ್ಷ ಸಾಯುತ್ತಿದ್ದಾರೆ.ಕಳಪೆ ಜೀವನಶೈಲಿಯಿಂದ ಪ್ರತಿ 2 ಸೆಕೆಂಡಿಗೆ ಒಂದು ಸಾವು ಸಂಭವಿಸುತ್ತಿದೆ ಎಂದು ಹೇಳಲಾಗುತ್ತಿದೆ.
ಮಧ್ಯಮ ಆದಾಯದ ದೇಶಗಳ ಶೇ.86 ರಷ್ಟು ಜನ 1 ಕೋಟಿ 70 ಲಕ್ಷ ಸಾವುಗಳಲ್ಲಿ, 86% ಜನರು ಮಧ್ಯಮ ಆದಾಯದ ದೇಶಗಳಿಂದ ಬಂದವರು ಕಾಯಿಲೆಗಳಿಗೆ ಬಲಿಯಾಗುತ್ತಿದ್ದಾರೆ. ದೇಶಗಳಲ್ಲಿ ಭಾರತವೂ ಸೇರಿದ್ದು ಹೃದ್ರೋಗ, ಉಸಿರಾಟದ ಕಾಯಿಲೆ, ಕ್ಯಾನ್ಸರ್ ಮತ್ತು ಮಧುಮೇಹ ತುತ್ತಾಗಿ, 2011 ರಿಂದ 2030 ರವರೆಗಿನ 20 ವರ್ಷಗಳಲ್ಲಿ ಪ್ರಪಂಚವು 30 ಲಕ್ಷ ಕೋಟಿ ನಷ್ಟವನ್ನು ಹೊಂದಿದೆ ಎಂದು ಅಂದಾಜಿಸಲಾಗಿದೆ. ವಿಶ್ವ ಆರೋಗ್ಯ ಸಂಸ್ಥೆ ಪ್ರಕಾರ, ಬಡ ದೇಶಗಳು ಈ ರೋಗಗಳನ್ನು ತಡೆಗಟ್ಟಲು ಪ್ರತಿ ವರ್ಷ 1 ಸಾವಿರದ 800 ಕೋಟಿಗಳನ್ನು ಖರ್ಚು ಮಾಡುತ್ತಿದ್ದರೂ ಕೂಡ ಗಣನೀಯ ವಾಗಿ ಸಾವುಗಳು ಸಂಭವಿಸಿ , ಹಲವಾರು ಕೋಟಿ ಆರ್ಥಿಕ ನಷ್ಟವೂ ಸಂಭವಿಸುತ್ತಿದೆ.
ಭಾರತದಲ್ಲಿನ ಒಟ್ಟು ಸಾವುಗಳಲ್ಲಿ 66% ರಷ್ಟು ಜನರು ಕಳಪೆ ಜೀವನಶೈಲಿಯಿಂದ ಉಂಟಾಗುವ ಕಾಯಿಲೆಗಳಿಂದಾಗಿದ್ದಾರೆ. ಭಾರತದಲ್ಲಿ ಪ್ರತಿ ವರ್ಷ 60 ಲಕ್ಷದ 46 ಸಾವಿರದ 960 ಜನರು ಕೆಟ್ಟ ಜೀವನಶೈಲಿಯಿಂದ ಗಂಭೀರ ಕಾಯಿಲೆಗಳಿಂದ ಸಾಯುತ್ತಿದ್ದಾರೆ. ಭಾರತದಲ್ಲಿ ಈ ರೀತಿ ಪ್ರಾಣ ಕಳೆದುಕೊಂಡವರಲ್ಲಿ ಶೇ.54ರಷ್ಟು ಮಂದಿ 70 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದಾರೆ.
ಭಾರತದಲ್ಲಿ, ಹೃದ್ರೋಗದಿಂದ ಪ್ರತಿ ವರ್ಷ 28% ಜನರು ಸಾಯುತ್ತಿದ್ದಾರೆ. ಶೇಕಡಾವಾರು ಪ್ರಕಾರ, 12% ಜನರು ಉಸಿರಾಟದ ಕಾಯಿಲೆಗಳು , 10% ಕ್ಯಾನ್ಸರ್ ಹೊಂದಿರುವ ಜನರಾಗಿದ್ದು, 4% ಮಧುಮೇಹ ಹೊಂದಿರುವ ಜನರು, ಉಳಿದ ಶೇ.12ರಷ್ಟು ಮಂದಿ ಇತರೆ ಜೀವನಶೈಲಿ ರೋಗಗಳಿಂದ ಸಾಯುತ್ತಿದ್ದಾರೆ.
ಭಾರತದಲ್ಲಿ, 15 ವರ್ಷಕ್ಕಿಂತ ಮೇಲ್ಪಟ್ಟವರು ಪ್ರತಿ ವರ್ಷ ಸರಾಸರಿ 5.6 ಲೀಟರ್ ಆಲ್ಕೋಹಾಲ್ ಕುಡಿಯುವ ಅಭ್ಯಾಸ ಹೊಂದಿದ್ದು, ಸರಾಸರಿ ಪುರುಷರು 9 ಲೀಟರ್ ಕುಡಿಯುವವರಾಗಿದ್ದು, ಮಹಿಳೆಯರು 2 ಲೀಟರ್ ನಷ್ಟು ಕುಡಿಯುವವರಾಗಿದ್ದಾರೆ. 15 ವರ್ಷಕ್ಕಿಂತ ಮೇಲ್ಪಟ್ಟ 28% ಜನ ತಂಬಾಕಿಗೆ ಬಲಿಯಾಗುತ್ತಿದ್ದು, ಭಾರತದಲ್ಲಿ 18 ವರ್ಷಕ್ಕಿಂತ ಮೇಲ್ಪಟ್ಟ 34% ಜನರು ಸೋಮಾರಿಗಳು ಮತ್ತು ದೈಹಿಕ ನಿಷ್ಕ್ರಿಯತೆಯಿಂದ ಬಳಲುತ್ತಿದ್ದಾರೆ. ಇನ್ನೂ ಮುಖ್ಯವಾದ ಅಂಶವೆಂದರೆ 11 ರಿಂದ 17 ವರ್ಷ ವಯಸ್ಸಿನ 74% ಮಕ್ಕಳು ಸೋಮಾರಿಗಳಾಗಿದ್ದು, ಅಗತ್ಯ ದೈಹಿಕ ಚಟುವಟಿಕೆಯಿಲ್ಲದವರಾಗಿದ್ದಾರೆ. ಭಾರತದಲ್ಲಿ 31% ಜನರು ಅಧಿಕ ರಕ್ತದೊತ್ತಡವನ್ನು ಹೊಂದಿದ್ದಾರೆ.
ಪ್ರತಿ ಮೂರರಲ್ಲಿ ಒಬ್ಬರಿಗೆ ಹೃದ್ರೋಗವೇ ಕಾರಣ. ಅಂದರೆ ಪ್ರತಿ ವರ್ಷ 1 ಕೋಟಿ 70 ಲಕ್ಷ ಜನರು ಈ ಕಾಯಿಲೆಯಿಂದ ಸಾಯುತ್ತಿದ್ದಾರೆ. ಅಧಿಕ ರಕ್ತದೊತ್ತಡ ಹೊಂದಿರುವ ಅರ್ಧದಷ್ಟು ಜನರಿಗೆ ಅಧಿಕ ರಕ್ತದೊತ್ತಡವಿದೆ ಎಂದು ತಿಳಿದಿರುವುದಿಲ್ಲ. ಜಗತ್ತಿನಲ್ಲಿ 30 ರಿಂದ 79 ವರ್ಷ ವಯಸ್ಸಿನ 130 ಕೋಟಿ ಜನರು ಅಧಿಕ ರಕ್ತದೊತ್ತಡಕ್ಕೆ ಬಲಿಯಾಗಿದ್ದಾರೆ ಮತ್ತು ಅರ್ಧದಷ್ಟು ಜನರಿಗೆ ಇದರ ಬಗ್ಗೆ ತಿಳಿದಿಲ್ಲ. ಪ್ರತಿ 6 ರಲ್ಲಿ 1 ಸಾವಿಗೆ ಕ್ಯಾನ್ಸರ್ ಕಾರಣವಾಗಿದೆ. ವಿಶ್ವಾದ್ಯಂತ 9 ಮಿಲಿಯನ್‌ಗಿಂತಲೂ ಹೆಚ್ಚು ಜನರು ಕ್ಯಾನ್ಸರ್‌ನಿಂದ ಸಾಯುತ್ತಿದ್ದಾರೆ. ಇವುಗಳಲ್ಲಿ 44% ಜೀವಗಳನ್ನು ಉಳಿಸಲಾಗುತ್ತಿದೆ.
ವಿಶ್ವದಾದ್ಯಂತ 13 ಸಾವುಗಳಲ್ಲಿ 1 ಉಸಿರಾಟದ ಕಾಯಿಲೆಗಳಿಂದ ಉಂಟಾಗುತ್ತದೆ. ವಿಶ್ವಾದ್ಯಂತ 40 ಲಕ್ಷ ಜನರು ಉಸಿರಾಟದ ಕಾಯಿಲೆಯಿಂದ ಮಾತ್ರ ಸಾಯುತ್ತಿದ್ದಾರೆ. ತಂಬಾಕು 80 ಲಕ್ಷ ಜನರ ಪ್ರಾಣ ತೆಗೆಯುತ್ತಿದ್ದು, ಇದರಲ್ಲಿ 10 ಲಕ್ಷ ಜನರು ನಿಷ್ಕ್ರಿಯ ಧೂಮಪಾನದಿಂದ ಸಾಯುತ್ತಿದ್ದಾರೆ. ಅಂದರೆ ಬೇರೆಯವರ ಸಿಗರೇಟಿನ ಹೊಗೆಯಿಂದಾಗಿ ಈ 10 ಲಕ್ಷ ಜನ ಸಾಯುತ್ತಿದ್ದಾರೆ. ಕಳಪೆ ಆಹಾರ, ಕಡಿಮೆ ತಿನ್ನುವುದು ಅಥವಾ ಅತಿಯಾಗಿ ತಿನ್ನುವುದರಿಂದ ಪ್ರತಿ ವರ್ಷ 8 ಮಿಲಿಯನ್ ಜನರು ಸಾಯುತ್ತಿದ್ದಾರೆ. ಜನರು ಆರೋಗ್ಯಕರ ದಿನನಿತ್ಯದ ಜೀವನ ಶೈಲಿ ನಡೆಸುವ ಮೂಲಕ ಆರೋಗ್ಯ ಕಾಪಾಡಿಕೊಳ್ಳುವುದು ಅಗತ್ಯ.
