ಇಡೀ ಭಾರತೀಯ ಚಿತ್ರರಂಗವೇ ಕಾತರದಿಂದ ಕಾಯುತ್ತಿರುವ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ‘ಕೆಜಿಎಫ್: ಚಾಪ್ಟರ್ 2’ ಟ್ರೈಲರ್ ರಿಲೀಸ್ ಯಾವಾಗ ಅನ್ನೋ ಕುತೂಹಲಕ್ಕೆ ಉತ್ತರ ಸಿಕ್ಕಿದೆ.
ಯಶ್ ಅಂದ ಕೂಡಲೇ ಎದೆ ಝಲ್ ಎನ್ನುವ ಇವರ ಹೆಸರಲ್ಲೇ ಪವರ್ ಇರುವಾಗ ಇನ್ನು ಇವರ ಫಿಲ್ಮ್ ಅಂದಾಗ ಅಭಿಮಾನಿ ಬಳಗ ರೊಚ್ಚೆದ್ದು ಕುಣಿಯೋದು ಖಂಡಿತ.ಹೌದು.ಇದೀಗ ಬಹು ನಿರೀಕ್ಷಿತ ಕೆಜೆಎಫ್ ಚಾಪ್ಟರ್ 2 ಟ್ರೈಲರ್ ರಿಲೀಸ್ಗೆ ಚಿತ್ರ ತಂಡ ಡೇಟ್ ಅನೌನ್ಸ್ ಮಾಡಿದೆ.
ಕೆಜಿಎಫ್ ಚಾಪ್ಟರ್ 2 ಟೀಸರ್ ಯಾವಾಗ ಬರುತ್ತದೆ ಅಂತ ಕಣ್ಣಲ್ಲಿ ಎಣ್ಣೆ ಬಿಟ್ಕೊಂಡು ಕಾಯ್ತಿದ್ದ ಹುಡುಗರಿಗೆ ಚಿತ್ರತಂಡ ಇದೀಗ ಸಿಹಿ ಸುದ್ದಿ ನೀಡಿದ್ದು,ಡೈರೆಕ್ಟರ್ ಪ್ರಶಾಂತ್ ನೀಲ್ ಟ್ವೀಟ್ ಮಾಡಿ ಮಾಹಿತಿ ನೀಡಿದ್ದು, ಇದೇ ಮಾರ್ಚ್ 27 ರಂದು ಟ್ರೈಲರ್ ರಿಲೀಸ್ ಆಗಲಿದೆ ಎಂದು ತಿಳಿಸಿದ್ದಾರೆ.
ಅಂತೂ ರಾಕಿಂಗ್ ಯಶ್ ಕೆಜಿಎಫ್-2 ರಲ್ಲಿ ಹೇಗೆ ಕಾಣಿಸಲಿದ್ದಾರೆ ಎಂಬ ಉತ್ಸಾಹ ಎಲ್ಲಾ ಅಭಿಮಾನಿಗಳಲ್ಲಿ ಪ್ರಶ್ನೆಯಾಗಿ ಉಳಿದಿದ್ದು, ಇನ್ನೇನು ಉತ್ತರ ಸಿಗುವ ದಿನ ಹತ್ತಿರದಲ್ಲಿದೆ.
