ಸುಳ್ಯ : ತಾಲೂಕಿನ ಅಮರಪಡ್ನೂರು ಗ್ರಾಮದ ಜೋಗಿಯಡ್ಕ ಎಂಬಲ್ಲಿ ಜೂ.28ರಂದು ಬೈಕ್ –ಕಾರು ನಡುವೆ ಢಿಕ್ಕಿ ಸಂಭವಿಸಿದೆ.
ಸುಳ್ಯ ಕಡೆಯಿಂದ ಚೊಕ್ಕಾಡಿ ಕಡೆಗೆ ದಂಪತಿ ಸಂಚರಿಸುತ್ತಿದ್ದ ಪಲ್ಸರ್ ಬೈಕಿಗೆ ಕಲ್ಮಡ್ಕ ಕಡೆಯಿಂದ ಸುಳ್ಯಕ್ಕೆ ಬರುತ್ತಿದ್ದ ರಿಟ್ಜ್ ಕಾರು ವಿರುದ್ಧ ದಿಕ್ಕಿನಿಂದ ಬಂದು ಡಿಕ್ಕಿಯಾಗಿದೆ.
ಬಳ್ಪ ನಿವಾಸಿ ಚಿದಾನಂದ ಮತ್ತು ಅವರ ಪತ್ನಿ ಮಮತ ರವರು ತನ್ನ ತಾಯಿ ಮನೆ ಚೊಕ್ಕಾಡಿಗೆ ಹೋಗುತ್ತಿರುವ ಸಂದರ್ಭ ಜೋಗಿಯಡ್ಕ ತಿರುವಿನಲ್ಲಿ ವಿರುದ್ಧ ದಿಕ್ಕಿನಿಂದ ಬರುತ್ತಿದ್ದ ಕಾರು ಡಿಕ್ಕಿ ಹೊಡೆದ ಪರಿಣಾಮ ಬೈಕಿನಲ್ಲಿದ್ದ ಇಬ್ಬರು ರಸ್ತೆಗೆ ಎಸೆಯಲ್ಪಟ್ಟು ಚಿದಾನಂದರ ತಲೆಯ ಭಾಗಕ್ಕೆ ಮತ್ತು ಕೈ ಕಾಲಿಗೆ ಹಾಗೂ ಅವರ ಪತ್ನಿ ಮಮತ ರವರ ಕಾಲಿಗೆ ಗಾಯವಾಗಿರುವುದಾಗಿ ತಿಳಿದು ಬಂದಿದೆ.
ಈ ಸಂದರ್ಭ ಇದೇ ರಸ್ತೆಯ ಮೂಲಕ ಬರುತ್ತಿದ್ದ ಪಂಚಾಯತ್ ಸದಸ್ಯ ಕೃಷ್ಣಪ್ರಸಾದ್ ಮಾಡಬಾಕಿಲು ರವರು ಗಾಯಗೊಂಡ ಇಬ್ಬರನ್ನು ತನ್ನ ಕಾರಿನಲ್ಲಿ ಕರೆತಂದು ಚಿಕಿತ್ಸೆಗಾಗಿ ಸುಳ್ಯ ಸರಕಾರಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ.
