ನಾಪತ್ತೆಯಾಗಿದ್ದ ಆಲಂಕಾರು ನಿವಾಸಿ ಪತ್ತೆ
ದಿನಾಂಕ 28-05-2021 ರಂದು ಕಡಬ ತಾಲೂಕು ಆಲಂಕಾರು ಗ್ರಾಮದ ಪಜ್ಜಡ್ಕ ನಿವಾಸಿ ದಿವಂಗತ ಶೇಸಪ್ಪ ಗೌಡರವರ ಪುತ್ರ ಗಣೇಶ್ ಪ್ರಸಾದ್ (34) ಎಂಬವರು ಮನೆಯಲ್ಲಿ ಯಾರಿಗೂ ಹೇಳದೆ ಮನೆಯಿಂದ ನಾಪತ್ತೆಯಾಗಿದ್ದರು.
ಈ ಬಗ್ಗೆ ಪತ್ತೆ ಮಾಡಿ ಕೊಡುವಂತೆ ಗಣೇಶ್ ಪ್ರಸಾದ್ ರವರ ದೊಡ್ಡಪ್ಪನ ಮಗ ರಾಧಾಕೃಷ್ಣ ಎಂಬುವವರು ಕಡಬ ಠಾಣೆಯಲ್ಲಿ ದಿನಾಂಕ 31-05-2021 ರಂದು ನಾಪತ್ತೆ ಪ್ರಕರಣ ದಾಖಲಿಸಿದ್ದರು.
ಆದರೆ ಇಂದು ಕಾಣೆಯಾದ ಗಣೇಶ್ ಪ್ರಸಾದ್ ಅವರು ಇದೀಗ ಪತ್ತೆಯಾಗಿದ್ದಾರೆ. ಹೇಳಂಗೆ ಕಾಣೆಯಾದ ವ್ಯಕ್ತಿ ವಾಪಸ್ಸು ಬಂದು ಮನೆಯವರೊಂದಿಗೆ ಕಡಬ ಠಾಣೆಗೆ ಬಂದು ಹಾಜರಾಗಿ ಕೆಲಸದ ನಿಮಿತ್ತ ಮಂಗಳೂರಿಗೆ ಹೋಗಿದ್ದಾಗಿ ಹೇಳಿಕೆ ನೀಡಿದ್ದಾರೆ.
ಹೀಗೆ ಹೇಳದೆ ಕೇಳದೆ ಮನೆಯಿಂದ ಹೊರಕ್ಕೆ ಹೋದವರಿಗೆ ಈಗ ಸುತ್ತಮುತ್ತಲ ಜನರು ಕೇಳುತ್ತಿರುವ ಪ್ರಶ್ನೆ ಒಂದೇ : “ಈರೆಗ್ ಪಿದಾಯಿ ಊರುಗು ಪೋನಗ ಪಂಡ್ದ್ ಪೋಪುನ ಅಭ್ಯಾಸ ಇಜ್ಜಾ ?!”
