ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ನೇತೃತ್ವದ ಭಾರತ್ ಜೋಡೋ ಯಾತ್ರೆಯನ್ನು ಮಾಜಿ ಕೇಂದ್ರ ಸಚಿವ, ಕಾಂಗ್ರೆಸ್ ನಾಯಕ ಸಲ್ಮಾನ್ ಖುರ್ಷಿದ್ ಅವರು ರಾಮಾಯಣಕ್ಕೆ ಹೋಲಿಸಿದ್ದಾರೆ. ಹಾಗೂ ರಾಹುಲ್ ಗಾಂಧಿಯನ್ನು ಭಗವಾನ್ ಶ್ರೀರಾಮನಿಗೆ ಹೋಲಿಕೆ ಮಾಡಿದ್ದಾರೆ.
ರಾಹುಲ್ ಗಾಂಧಿ ಅತಿಮಾನುಷ ವ್ಯಕ್ತಿ, ಈ ಚಳಿಗಾಲದಲ್ಲಿ ನಾವು ಚಳಿಯನ್ನು ತಡೆಯಲಾರದೆ ಜಾಕೆಟ್ ಧರಿಸಿದರೆ, ಅವರು ಜಾಕೆಟ್ ಧರಿಸದೆ ಕೇವಲ ಟಿ-ಶರ್ಟ್ನಲ್ಲೇ ಭಾರತ್ ಜೋಡೋ ಯಾತ್ರೆಗಾಗಿ ನಡೆಯುತ್ತಿದ್ದಾರೆ. ಅವರು ಯೋಗಿಯಂತೆ ಯಾಕಂದ್ರೆ, ಯೋಗಿ ತನ್ನ ತಪಸ್ಸನ್ನು ಏಕಾಗ್ರತೆಯಿಂದ ಮಾಡುತ್ತಾರೆ ಹಾಗೇ ರಾಹುಲ್ ಗಾಂಧಿ ಕೂಡ ಎಂದು ಸಲ್ಮಾನ್ ಖುರ್ಷಿದ್ ಹೇಳಿದರು.
ಅಲ್ಲದೆ, ಈ ಯಾತ್ರೆಯನ್ನು ರಾಮಾಯಣಕ್ಕೆ ಹೋಲಿಸಿದ ಸಲ್ಮಾನ್, ರಾಮನ ಪಾದುಕೆಯನ್ನು ಭರತ ಹೇಗೆ ಹೊತ್ತಿದ್ದನೋ ಹಾಗೆಯೇ ನಾವು ಕೂಡ ಉತ್ತರ ಪ್ರದೇಶದಲ್ಲಿ ‘ಪಾದುಕೆ’ ಯನ್ನು ಹೊತ್ತಿದ್ದೇವೆ. ಈಗ ಆ ‘ಪಾದುಕೆ’ ಉತ್ತರ ಪ್ರದೇಶವನ್ನು ತಲುಪಿದೆ. ರಾಮ್ ಜಿ (ರಾಹುಲ್ ಗಾಂಧಿ) ಕೂಡ ಬರುತ್ತಾರೆ ಎಂದು ಹೇಳಿದರು.