ಸರ್ಕಾರ ಜಾರಿಗೆ ತಂದಿರುವ ಹಲವು ಯೋಜನೆಗಳು ಜನಸಾಮಾನ್ಯರಿಗೆ ಉಪಯುಕ್ತವಾಗಿದೆ. ಜನರು ವಯಸ್ಕರಾಗಿರುವಾಗಲೂ ಹಣದ ಅವಶ್ಯಕತೆ ಹೆಚ್ಚಿರುತ್ತದೆ. ಹಾಗೇ ವೃದ್ಧಾಪ್ಯದಲ್ಲೂ ಅದರ ಅವಶ್ಯಕತೆ ಸಾಕಷ್ಟಿದೆ. ಹಾಗಾಗಿ ಕೇಂದ್ರ ಸರ್ಕಾರ ಯೋಜನೆಯೊಂದನ್ನು ಜಾರಿಗೆ ತಂದಿದೆ. ಈ ಯೋಜನೆಯ ಹೆಸರು ರಾಷ್ಟ್ರೀಯ ಪಿಂಚಣಿ ಯೋಜನೆ ಎಂದಾಗಿದ್ದು, ಈ ಯೋಜನೆಯಡಿಯಲ್ಲಿ ಪ್ರತಿ ತಿಂಗಳು 20,000 ರೂ. ಪಿಂಚಣಿ ಲಭ್ಯವಾಗಲಿದೆ.
ರಾಷ್ಟ್ರೀಯ ಪಿಂಚಣಿ ಯೋಜನೆಯನ್ನು 2004 ರಲ್ಲಿ ಸರ್ಕಾರಿ ನೌಕರರಿಗಾಗಿ ಪ್ರಾರಂಭಿಸಲಾಗಿದ್ದು, ಬಳಿಕ 2009 ರಲ್ಲಿ, ಈ ಯೋಜನೆಯನ್ನು ಎಲ್ಲಾ ವರ್ಗಗಳಿಗೂ ವಿಸ್ತರಿಸಲಾಯಿತು. ಈ ಯೋಜನೆಯ ಅಡಿಯಲ್ಲಿ, ಕೆಲಸದ ಅವಧಿಯಲ್ಲಿ 40% ಮೊತ್ತವನ್ನು ವರ್ಷಾಶನದಲ್ಲಿ ಹೂಡಿಕೆ ಮಾಡಬೇಕು. ವರ್ಷಾಶನದ ಮೊತ್ತದಿಂದಲೇ ಪಿಂಚಣಿ ಪಡೆಯಲು ಸಾಧ್ಯ.
ರಾಷ್ಟ್ರೀಯ ಪಿಂಚಣಿ ಯೋಜನೆಯ ಪ್ರಯೋಜನಗಳೇನು ?
- ಈ ಯೋಜನೆಯ ಅಡಿಯಲ್ಲಿ ನೀವು ರೂ.1000 ದಿಂದ ಹೂಡಿಕೆ ಮಾಡಲು ಪ್ರಾರಂಭಿಸಬಹುದು.
- ಹಾಗೇ ಈ ಯೋಜನೆಯ ಲಾಭವನ್ನು 18 ರಿಂದ 70 ವರ್ಷ ವಯಸ್ಸಿನವರು ಪಡೆಯಬಹುದಾಗಿದೆ.
- ಅಂತಿಮ ವಿಡ್ರಾವಾಲ್ ಮೇಲೆ 60% ಮೊತ್ತ ಟ್ರ್ಯಾಕ್ಸ್ ಫ್ರೀ ಆಗಿರಲಿದೆ.
- NPS ಖಾತೆಯಲ್ಲಿನ ಕಾಂಟ್ರೀಬ್ಯುಶನ್ ಮಿತಿ 14 ಪ್ರತಿಶತ ಆಗಿದೆ.
- ಹಾಗೂ ವರ್ಷಾಶನ ಖರೀದಿಯಲ್ಲಿ ಹೂಡಿಕೆ ಮಾಡಿದ ಮೊತ್ತ ತೆರಿಗೆ ವಿನಾಯಿತಿಯನ್ನು ಪಡೆಯುತ್ತದೆ.
ನೀವು 20 ನೇ ವಯಸ್ಸಿನಲ್ಲಿ ಈ ಯೋಜನೆಯಲ್ಲಿ ತಿಂಗಳಿಗೆ 1000 ರೂಪಾಯಿ ಹೂಡಿಕೆ ಮಾಡಿದರೆ, ನಿಮ್ಮ ಕೆಲಸದ ನಿವೃತ್ತಿಯ ತನಕ ನೀವು ಹೂಡಿಕೆ ಮಾಡುವ ಹಣ 5.4 ಲಕ್ಷದಷ್ಟು ಸಂಗ್ರಹವಾಗುತ್ತದೆ. ಇದರ ಮೇಲೆ 9 ರಿಂದ 12 ಪರ್ಸೆಂಟ್ ರಿಟರ್ನ್ ಇರುತ್ತದೆ. ಹಾಗಾಗಿ ಈ ಹೂಡಿಕೆ 1.05 ಕೋಟಿಯಷ್ಟಾಗುತ್ತದೆ. 40 ಶೇ ದಷ್ಟು ಕಾರ್ಪಸ್ ಅನ್ನು ಒಂದು ವರ್ಷಕ್ಕೆ ಪರಿವರ್ತಿಸಿದರೆ, ಈ ಮೊತ್ತ 42.28 ಲಕ್ಷ ರೂ. ಆಗುತ್ತದೆ. ಹಾಗೆಯೇ ಶೇಕಡಾ 10 ರ ವಾರ್ಷಿಕ ದರದಂತೆ, ಪ್ರತಿ ತಿಂಗಳು 21,140 ರೂ ಪಿಂಚಣಿ ಪಡೆಯಬಹುದು. ಈ ಯೋಜನೆ ವೃದ್ಧಾಪ್ಯದಲ್ಲಿ ಸಹಕಾರಿಯಾಗಲಿದೆ.
