ಯಾರಾದರೂ ಮೊಬೈಲ್ನಲ್ಲಿ ಅಶ್ಲೀಲ ಚಿತ್ರಗಳನ್ನು ವೀಕ್ಷಣೆ ಮಾಡಿದರೆ, ನಿಮ್ಮ ಮೊಬೈಲ್ನಲ್ಲಿ ಸೋವಾ (SOVA) ಎಂಬ ಭಯಾನಕ ವೈರಸ್ ಬರಬಹುದು ಎಂಬ ಎಚ್ಚರಿಕೆಯ ಸುದ್ದಿಯೊಂದು ಹೊರಬಂದಿದೆ. ಈ ಭಯಾನಕ ವೈರಸ್ ಮೊಬೈಲ್ನಲ್ಲಿನ ಸಂಪೂರ್ಣ ಡೇಟಾ, ಬ್ಯಾಂಕ್ ಡಿಟೈಲ್ಸ್ ಸೇರಿದಂತೆ ಫೋಟೋ, ವೀಡಿಯೊಗಳನ್ನು ಸಹ ಕದಿಯಬಲ್ಲ ಸಾಮರ್ಥ್ಯವನ್ನು ಹೊಂದಿದ್ದು, ಹಾಗೂ ಕ್ಷಣಮಾತ್ರದಲ್ಲಿ ಮೊಬೈಲ್ ಒಳಗೆ ಸೇರಿಕೊಳ್ಳೋ ವೈರಸ್ ಇದಾಗಿದೆ.
ಈಗಾಗಲೇ ಹಲವರ ಸ್ಮಾರ್ಟ್ಫೋನ್ಗಳಿಗೆ ಈ ಡೆಡ್ಲಿ ವೈರಸ್ ಹೊಕ್ಕಿರಬಹುದು. ಅದರಲ್ಲೂ ಅಶ್ಲೀಲ ಚಿತ್ರಗಳನ್ನು ನೋಡುವವರ ಮೊಬೈಲ್ನಲ್ಲಿ ಖಂಡಿತವಾಗಿಯೂ ಈ ವೈರಸ್ ಸೇರಿರುವ ಸಾಧ್ಯತೆ ಹೆಚ್ಚು ಎಂದು ಸೈಬರ್ ತಜ್ಞರು ಎಚ್ಚರಿಕೆ ನೀಡಿದ್ದಾರೆ.
ಹೊಸ ಹೊಸ ಯಾವುದಾದರೂ ವಿಷಯಗಳನ್ನು ಡೌನ್ ಲೋಡ್ ಮಾಡುವಾಗ ಈ ಸೋವಾ (SOVA) ಎಂಬ ಭಯಾನಕ ವೈರಸ್ ಮೊಬೈಲ್ಗೆ ಸೇರಿಕೊಳ್ಳುವ ಸಂದರ್ಭ ಹೆಚ್ಚು.
ಹೆಚ್ಚು ಜನರು ಭೇಟಿ ನೀಡುತ್ತಿರುವ ಅಂದರೆ ವೆಬ್ ಮೂಲಕ ಟೋರೆಂಟ್ ವೆಬ್ಸೈಟ್ಗಳು, ಅಶ್ಲೀಲ ಚಿತ್ರ ವೀಕ್ಷಣಾ ವೆಬ್ತಾಣಗಳು, ವೆಬ್ಸೈಟ್ ಲಿಂಕ್ಗಳು ಹಾಗೂ ಸೈಬರ್ ಪ್ರಮೋಟರ್ಸ್ ಜೊತೆಗೂಡಿ ಈ ವೈರಸ್ ಅನ್ನು ಹರಿಬಿಡಲಾಗುತ್ತಿದೆ. ಅಶ್ಲೀಲ ವೆಬ್ಸೈಟ್ನ ಯಾವುದೇ ಲಿಂಕ್ ನೀವು ಒತ್ತಿದರೂ ಈ ಸೋವಾ (SOVA) ವೈರಸ್ ಅನ್ನು ಮೊಬೈಲ್ಗೆ ಸೇರುವಂತೆ ಮಾಡಲಾಗುತ್ತದೆ ಎಂಬ ಮಾಹಿತಿ ಇದೆ. ಈ ರೀತಿಯಾಗಿ ಮೊಬೈಲ್ಗೆ ಸೇರಿಕೊಳ್ಳುವ ವೈರಸ್ ಯಾವುದೇ ಮೊಬೈಲ್ ಬಳಕೆದಾರರಿಗೆ ತಿಳಿಯುವುದಿಲ್ಲ. ಅಷ್ಟೇ ಅಲ್ಲದೆ ಈ ಬಗ್ಗೆ ಸ್ವಲ್ಪ ಕೂಡ ಅನುಮಾನ ಬರುವುದಿಲ್ಲ.
ಈ ವೈರಸ್ ನಿಮ್ಮ ಮೊಬೈಲಿಗೆ ಬಂದ ನಂತರ ಅದನ್ನು ಡಿಲೀಟ್ ಮಾಡಲು ಸಾಧ್ಯವಾಗದ ರೀತಿಯಲ್ಲಿ ಅಭಿವೃದ್ಧಿ ಮಾಡಲಾಗಿದೆ. ಇದು ಮೊಬೈಲ್ನಲ್ಲಿ ಇರುವುದನ್ನೇ ತಿಳಿಯದ ಹಾಗೇ ನಿಮ್ಮ ಬ್ಯಾಂಕ್ ಖಾತೆಗೆ ಕನ್ನ ಹಾಕಿ ನಿಮ್ಮ ಖಾತೆಯಿಂದ ಹಣವನ್ನು ದೋಚುತ್ತದೆ. ಇಷ್ಟೇ ಅಲ್ಲದೇ, ಈ ವೈರಸ್ ಮೊಬೈಲ್ ಕಾರ್ಯಗಳನ್ನು ಸ್ವೈಪ್ ಮಾಡಿ ನೋಡಬಹುದು. ವೆಬ್ಕ್ಯಾಮ್ ಮೂಲಕ ವೀಡಿಯೋ ಮಾಡಿಕೊಳ್ಳಬಹುದು. ನಿಮ್ಮ ಸಾಧನಗಳನ್ನು ಲಾಕ್ ಮಾಡಬಹುದು ಅಥವಾ ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಪಡೆದುಕೊಳ್ಳಬಹುದು ಹಾಗೂ ಹಣಕ್ಕೆ ಬೇಡಿಕೆ ಇಡಬಹುದು.
ಸೈಬರ್ ಖದೀಮರು ಈ ವೈರಸ್ ಅನ್ನು 2021 ರಲ್ಲಿ ಅಭಿವೃದ್ಧಿ ಪಡಿಸಿ, ಈಗ ಅದರ ಹೊಸ ವರ್ಷನ್ 5.0 ಅನ್ನು (SOVA-5.0)ಬಳಸುತ್ತಿದ್ದಾರೆ.ರಷ್ಯಾದಲ್ಲಿ ಸೋವಾ (SOVA) ಎಂದು ಕರೆಯುವ ಈ ವೈರಸ್ ನ್ನು ಸೃಷ್ಟಿ ಮಾಡಲಾಗಿದೆ. ರಷ್ಯಾ (Russia) ಭಾಷೆಯಲ್ಲಿ ಸೋವಾ ಅಂದ್ರೆ ‘ಗೂಬೆ’ ಅನ್ನೋ ಅರ್ಥವಿದೆ.
ಪತ್ತೆ ಮಾಡುವ ಬಗೆ ಹೇಗೆ ?
• ನಿಮ್ಮ ಡೇಟಾ ತುಂಬಾ ವೇಗವಾಗಿ ಖಾಲಿಯಾಗುತ್ತಿದ್ದರೆ, ನಿಮ್ಮ ಸ್ಮಾರ್ಟ್ಫೋನ್ ಬ್ಯಾಟರಿ ಕೂಡ ಬೇಗನೆ ಖಾಲಿಯಾಗುವುದು.
• ಅನಗತ್ಯ ಜಾಹಿರಾತುಗಳು ನಿಮ್ಮ ಫೋನ್ನಲ್ಲಿ ಗೋಚರಿಸುತ್ತವೆ.
• ನಿಮ್ಮ ಫೋನ್ ಪಟ್ಟಿಯಲ್ಲಿರುವ ಸಂಪರ್ಕಗಳು ನಿಮ್ಮ ಫೋನ್ನಿಂದ ಸ್ಪ್ಯಾಮ್ ಸಂದೇಶಗಳನ್ನು ಪಡೆಯುವುದು ಎಂದಾದರೆ ವೈರಸ್ ಅಟ್ಯಾಕ್ ಆಗಿರಬಹುದು.
• ನಿಮ್ಮ ಸ್ಮಾರ್ಟ್ಫೋನ್ನಲ್ಲಿ ನೀವು ಡೌನ್ಲೋಡ್ ಮಾಡಿರದ ಅಪ್ಲಿಕೇಶನ್ಗಳು ಒಂದು ವೇಳೆ ಇನ್ಸ್ಟಾಲ್ ಆಗಿದ್ದರೆ ವೈರಸ್ ಅಟ್ಯಾಕ್ ಆಗಿರಬಹುದು.
• ನೀವು ಹೆಚ್ಚು ಸಮಯ ನಿಮ್ಮ ಸ್ಮಾರ್ಟ್ಫೋನ್ ಬಳಸದೇ ಇದ್ದರೂ, ಫೋನ್ ಬಿಸಿಯಾಗಿದ್ದರೆ ವೈರಸ್ ತಗುಲಿದೆ ಎಂದು ಅರ್ಥ.
ವೈರಸ್ ತಗುಲಿದರೆ ಏನು ಮಾಡಬೇಕು ?
• ಬ್ಯಾಂಕಿಂಗ್ ಮಾಹಿತಿಗಳು ಲೀಕ್ ಆಗಿರುವ ಅನುಮಾನ ಬಂದರೆ, ಶೀಘ್ರವೇ ಬ್ಯಾಂಕ್ ಖಾತೆಗಳನ್ನು ನಿಷ್ಕ್ರಿಯಗೊಳಿಸಬೇಕು.
• ನಿಮ್ಮ ಸ್ಮಾರ್ಟ್ ಫೋನ್ನಲ್ಲಿ ಇರಬಹುದಾದ ಎಲ್ಲಾ ವೈಯಕ್ತಿಕ ಮಾಹಿತಿಗಳನ್ನು ಡಿಲೀಟ್ ಮಾಡಬೇಕು.
• ನಿಮ್ಮ ಸ್ಮಾರ್ಟ್ ಫೋನ್ ಅನ್ನು ತಕ್ಷಣವೇ ರೀಸೆಟ್ ಮಾಡಬೇಕು
• ನಿಮ್ಮ ಸ್ಮಾರ್ಟ್ ಫೋನಿನ ಸಾಫ್ಟ್ ವೇರ್ ಶೀಘ್ರದಲ್ಲೇ ಅಪ್ಡೇಟ್ ಮಾಡಬೇಕು.
ಬರದಂತೆ ತಡೆಯುವುದು ಹೇಗೆ ?
• ಗೂಗಲ್ ಪ್ಲೇ ಸ್ಟೋರ್ ಅಥವಾ ಆ್ಯಪಲ್ ಆಪ್
ಸ್ಟೋರ್ನ ಅಧಿಕೃತ ಆಪ್ ಸ್ಟೋರ್ಗಳ ಮೂಲಕವೇ
ಆಪ್ಗಳನ್ನು ಡೌನ್ಲೋಡ್ ಮಾಡಿ.
• ಅಶ್ಲೀಲ ವೆಬ್ ಸೈಟ್ಗಳು ವೈರಸ್ ಹರಡುವಲ್ಲಿ ಸಿಂಹಪಾಲನ್ನು ಹೊಂದಿದೆ. ಇದರ ಬಗ್ಗೆ ಅರಿವಿರಲಿ.
• ಅಜ್ಞಾತ ಮೂಲಗಳಿಂದ ದೃಢೀಕರಿಸಿದ
ಅಪ್ಲಿಕೇಶನ್ಗಳನ್ನು ಎಂದಿಗೂ ಡೌನ್ಲೋಡ್
ಮಾಡಲೇ ಬೇಡಿ
• ಅಪ್ಲಿಕೇಶನ್ ಡೌನ್ಲೋಡ್ ಮಾಡುವ ಅನುಮತಿಗಳ
ಬಗ್ಗೆ ಎಚ್ಚರಿಕೆ ವಹಿಸಿದರೆ ಉತ್ತಮ.
• ನೀವು ವಿಶ್ವಾಸಾರ್ಹ ಆ್ಯಂಟಿ-ವೈರಸ್ ಅನ್ನು ಇನ್ಸ್ಟಾಲ್ ಮಾಡಿದರೆ ಒಳಿತು.
