ಮಾರುಕಟ್ಟೆಗೆ ಆಗಾಗ ಹೊಸ ಫೋನ್ ಗಳು ಲಗ್ಗೆ ಇಡುತ್ತಿರುತ್ತವೆ. ಅಂತೆಯೇ ಇದೀಗ ಜನಪ್ರಿಯ ಸ್ಮಾರ್ಟ್ಫೋನ್ ತಯಾರಕ ಕಂಪನಿ ಒನ್ ಪ್ಲಸ್ ಮಾರುಕಟ್ಟೆಯಲ್ಲಿ ತನ್ನ ಹೊಸ ಫೋನ್ ಒನ್ ಪ್ಲಸ್ ಏಸ್ ಅನ್ನು ಅನಾವರಣಗೊಳಿಸಿದ್ದು, ಹಲವು ವೈಶಿಷ್ಟ್ಯಗಳನ್ನು ಹೊಂದಿರುವ ಈ ಫೋನ್ ಕೇವಲ 17 ನಿಮಿಷಗಳಲ್ಲೇ ಫುಲ್ ಚಾರ್ಜ್ ಆಗುತ್ತದೆಯಂತೆ !!
ಹೌದು. 4,500mAh ಬ್ಯಾಟರಿ ಸಾಮರ್ಥ್ಯದೊಂದಿಗೆ ಲಭ್ಯವಿರುವ ಈ ಫೋನ್ 150W SuperVOOC ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸಲಿದ್ದು, ಗ್ರಾಹಕರು ಈ ಸಾಧನವನ್ನು 0% ರಿಂದ 100% ವರೆಗೆ ಕೇವಲ 17 ನಿಮಿಷಗಳಲ್ಲಿ ಫುಲ್ ಚಾರ್ಜ್ ಮಾಡಬಹುದು ಎಂದು ಕಂಪನಿ ಹೇಳಿಕೊಂಡಿದೆ. ಫೇಸ್ಲಿಫ್ಟ್ನೊಂದಿಗೆ ಬರುವ ಈ ಸ್ಮಾರ್ಟ್ಫೋನ್ ಅನ್ನು ಹೊಸ ಮೀಡಿಯಾ ಟೆಕ್ ಡೈಮೆನ್ಶನ್ 8100-ಮ್ಯಾಕ್ಸ್ ಪ್ರೀಮಿಯಂ ಮಧ್ಯಮ ಶ್ರೇಣಿಯ ಎಸ್ಒಸಿ ಜೊತೆಗೆ ಜೋಡಿಸಲಾಗಿದೆ. ವಿಶಿಷ್ಟ ಲುಕ್ ನೊಂದಿಗೆ ಬರುವ ಈ ಫೋನಿನಲ್ಲಿ ಎಲ್ಇಡಿ ಫ್ಲ್ಯಾಷ್ ಜೊತೆಗೆ ಟ್ರಿಪಲ್ ಕ್ಯಾಮರಾವನ್ನು ಒದಗಿಸಲಾಗಿದೆ. ಫೋನ್ ಬಿಗ್ ಸ್ಕ್ರೀನ್, ಸ್ಟ್ರಾಂಗ್ ಬ್ಯಾಟರಿ ಮತ್ತು ಅತ್ಯುತ್ತಮ ಕ್ಯಾಮರಾ ವ್ಯವಸ್ಥೆಯನ್ನು ಹೊಂದಿದೆ ಎಂದು ಕಂಪನಿ ಹೇಳಿಕೊಂಡಿದೆ.
ಒನ್ ಪ್ಲಸ್ ಏಸ್ ಎಫ್ಎಚ್ಡಿ+ ರೆಸಲ್ಯೂಶನ್ ಹೊಂದಿರುವ 6.7-ಇಂಚಿನ ಒಎಲ್ಇಡಿ ಡಿಸ್ಪ್ಲೇ ಬೆಂಬಲಿಸುತ್ತದೆ. ಇದು 360Hz ಟಚ್ ಸ್ಯಾಂಪ್ಲಿಂಗ್ ರೇಟ್, 720Hz ಗೇಮಿಂಗ್ ಟಚ್ ಸ್ಯಾಂಪ್ಲಿಂಗ್ ರೇಟ್ ಜೊತೆಗೆ 120Hz ರಿಫ್ರೆಶ್ ರೇಟ್ ಅನ್ನು ಸಹ ಬೆಂಬಲಿಸುತ್ತದೆ. ಇದು 100% ಡಿಸಿಐಪಿ 3 ಬಣ್ಣದ ಹರವು, HDR10+ ಬೆಂಬಲ ಮತ್ತು 1000 ನಿಟ್ಗಳ ಗರಿಷ್ಠ ಹೊಳಪನ್ನು ನೀಡುತ್ತದೆ. ಮುಂಭಾಗದ ಕ್ಯಾಮೆರಾಕ್ಕಾಗಿ ಪರದೆಯು ಮೇಲಿನ ಮಧ್ಯದಲ್ಲಿ ಪಂಚ್-ಹೋಲ್ ಕಟೌಟ್ ಅನ್ನು ಹೊಂದಿದೆ ಎನ್ನಲಾಗಿದೆ.
ಒನ್ ಪ್ಲಸ್ ಏಸ್ ನಲ್ಲಿ ಹೊಸ ಮೀಡಿಯಾ ಟೆಕ್ ಡೈಮೆನ್ಸಿಟಿ 8100-MAX ಎಸ್ಒಸಿ ಆಗಿದೆ. ಹೊಸ ಎಸ್ಒಸಿ 12ಜಿಬಿ ಯ ಎಲ್ಪಿಡಿಡಿಆರ್ 5 ಜಿಬಿ ರಾಮ್ ಮತ್ತು 512ಜಿಬಿ ಯುಎಫ್ಎಸ್ 3.1 ಸಂಗ್ರಹಣೆಯೊಂದಿಗೆ ಬರುತ್ತದೆ. ಆನ್ಬೋರ್ಡ್ ಗ್ರಾಫಿಕ್ಸ್ ಜೊತೆಗೆ, ಇಂಗೇಮ್ ಫ್ರೇಮ್ರೇಟ್ಗಳನ್ನು ಹೆಚ್ಚಿಸಲು ಒನ್ ಪ್ಲಸ್ ಸಾಧನದಲ್ಲಿ ಸ್ವತಂತ್ರ ಗ್ರಾಫಿಕ್ಸ್ ಚಿಪ್ ಅನ್ನು ಸಹ ಅಳವಡಿಸಲಾಗಿದೆ ಎಂದು ತಿಳಿದುಬಂದಿದೆ.
ಒನ್ ಪ್ಲಸ್ ಏಸ್ 8ಜಿಬಿ + 128ಜಿಬಿ ರೂಪಾಂತರದ ಬೆಲೆ – 2499 ಯುವಾನ್ (ರೂ. 29,509), ಒನ್ ಪ್ಲಸ್ ಏಸ್ 8ಜಿಬಿ ರಾಮ್ + 256ಜಿಬಿ ರೂಪಾಂತರದ ಬೆಲೆ – 2699 ಯುವಾನ್ (ರೂ. 31,855), ಒನ್ ಪ್ಲಸ್ ಏಸ್ 12ಜಿಬಿ + 256ಜಿಬಿ ರೂಪಾಂತರ ಬೆಲೆ – 2999 ಯುವಾನ್ (ರೂ. 35,439) ಆಗಿದೆ.
ಸಾಧನವು ಭದ್ರತೆಗಾಗಿ ಇನ್-ಡಿಸ್ಪ್ಲೇ ಫಿಂಗರ್ಪ್ರಿಂಟ್ ರೀಡರ್ನೊಂದಿಗೆ ಬರುತ್ತದೆ ಮತ್ತು ಒನ್ ಪ್ಲಸ್ ನ ಇತಿಹಾಸದಲ್ಲಿ ಅತಿದೊಡ್ಡ ಕೂಲಿಂಗ್ ಪ್ರದೇಶದೊಂದಿಗೆ X- ಆಕ್ಸಿಸ್ ಲೀನಿಯರ್ ಮೋಟಾರ್ ಮತ್ತು ಆವಿ ಚೇಂಬರ್ ಅನ್ನು ಒಳಗೊಂಡಿದೆ. ಫೋನಿನಲ್ಲಿ 5ಜಿ, ಡ್ಯುಯಲ್ 4ಜಿ ಎಲ್ಟಿಇ, ವೈ-ಫೈ 6ಇ, ಬ್ಲೂಟೂತ್ 5.2, ಜಿಪಿಎಸ್, ಎನ್ಎಫ್ಸಿ ಮತ್ತು ಯುಎಸ್ಬಿ ಟೈಪ್-ಸಿ ಪೋರ್ಟ್ ಚಾರ್ಜಿಂಗ್ ಮತ್ತು ಡೇಟಾ ಸಿಂಕ್ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಸೇರಿವೆ.
ಒನ್ ಪ್ಲಸ್ ಏಸ್ ಕ್ಯಾಮೆರಾ ವೈಶಿಷ್ಟ್ಯ:
ಒನ್ ಪ್ಲಸ್ ಏಸ್ 50-ಮೆಗಾಪಿಕ್ಸೆಲ್ ಸೋನಿ ಐಎಂಎಕ್ಸ್ 766 ಪ್ರಾಥಮಿಕ ಸಂವೇದಕದೊಂದಿಗೆ ಟ್ರಿಪಲ್ ಕ್ಯಾಮೆರಾ ಸೆಟಪ್ (OIS, 4K, ರಾತ್ರಿ ಮೋಡ್ ಮತ್ತು ಹೆಚ್ಚಿನವುಗಳೊಂದಿಗೆ) ಅನ್ನು ಹೊಂದಿದೆ. ಪ್ರಾಥಮಿಕ ಸಂವೇದಕದೊಂದಿಗೆ, ಫೋನ್ 8-ಮೆಗಾಪಿಕ್ಸೆಲ್ ಸೋನಿ ಐಎಂಎಕ್ಸ್355 ಅಲ್ಟ್ರಾ-ವೈಡ್ ಲೆನ್ಸ್ ಮತ್ತು 2-ಮೆಗಾಪಿಕ್ಸೆಲ್ ಮ್ಯಾಕ್ರೋ ಸಂವೇದಕವನ್ನು ತರುತ್ತದೆ. ಮುಂಭಾಗದಲ್ಲಿ, ಸ್ಮಾರ್ಟ್ ಫೋನ್ ಸೆಲ್ಫಿಗಳು ಮತ್ತು ವೀಡಿಯೋ ಕರೆಗಾಗಿ 16-ಮೆಗಾಪಿಕ್ಸೆಲ್ ಸ್ಯಾಮ್ಸಂಗ್ ISOCELL S5K3P9SP ಲೆನ್ಸ್ ಅನ್ನು ಹೊಂದಿದೆ ಎಂದು ಹೇಳಲಾಗುತ್ತಿದೆ.
