LPG: ಕೊಲ್ಲಿ ರಾಷ್ಟ್ರಗಳಲ್ಲಿ ಉಂಟಾಗಿರುವ ಯುದ್ಧದ ಆತಂಕದ ಕಾರಣದಿಂದಾಗಿ ಭಾರತದಲ್ಲಿ ಅಡುಗೆ ಅನಿಲದ ಅಭಾವ ಎದುರಾಗಿದೆ. ಹಲವಡೆ ಎಲ್ಪಿಜಿ ಸಿಲಿಂಡರ್ ಸಪ್ಲೈ ಇಲ್ಲದಂತಾಗಿ ಗ್ರಾಹಕರು ಪರದಾಡುವಂತಹ ಸ್ಥಿತಿ ತಲುಪಿದೆ. ಮಹಾನಗರಗಳಲ್ಲಿ ಕೆಲವರು ಕಾಳಸಂತೆಯಲ್ಲಿ ಕಾಸ್ಟ್ಲಿ ರೇಟ್ ಗೆ ಸಿಲಿಂಡರ್ ಮಾರಿ ಪೊಲೀಸರ ಬಲೆಗೆ ಬೀಳುತ್ತಿದ್ದಾರೆ. ಕೆಲವರು ಸಿಲಿಂಡರ್ ಗಳನ್ನು ಮನೆಯಲ್ಲಿ ಸ್ಟೋರ್ ಮಾಡಿ ಇಡುತ್ತಿದ್ದಾರೆ. ಇದೆಲ್ಲದರ ನಡುವೆ ಒಂದು ಮನೆಯಲ್ಲಿ ಎಷ್ಟು ಸಿಲಿಂಡರ್ ಇಟ್ಟುಕೊಳ್ಳಬಹುದು? ಈ ಬಗ್ಗೆ ಕಾನೂನು ಏನು ಹೇಳುತ್ತದೆ ಎಂಬ ವಿಚಾರ ಚರ್ಚೆಯಾಗುತ್ತಿದೆ.
ಮನೆಯಲ್ಲಿ ಎಷ್ಟು ಸಿಲಿಂಡರ್ ಇಡಬಹುದು?
ಕಾನೂನು ಮಿತಿ: ಸುರಕ್ಷತಾ ನಿಯಮಗಳ ಪ್ರಕಾರ, ಒಬ್ಬ ಗೃಹ ಬಳಕೆದಾರರು ಏಕಕಾಲಕ್ಕೆ ಮನೆಯಲ್ಲಿ ಗರಿಷ್ಠ ಎರಡು (2) ಸಿಲಿಂಡರ್ಗಳನ್ನು (14.2 ಕೆಜಿ) ಮಾತ್ರ ಇಟ್ಟುಕೊಳ್ಳಲು ಅವಕಾಶವಿದೆ.
ಅದರಲ್ಲಿ ಒಂದು ಬಳಕೆಯಲ್ಲಿರಬೇಕು (Connected) ಮತ್ತು ಇನ್ನೊಂದನ್ನು ಮೀಸಲು (Spare) ಆಗಿ ಇಟ್ಟಿರಬೇಕು.
ಇದಕ್ಕಿಂತ ಹೆಚ್ಚಿನ ಸಂಗ್ರಹಣೆಯು ಬೆಂಕಿ ಮತ್ತು ಸ್ಫೋಟದ ಅಪಾಯವನ್ನು ಹೆಚ್ಚಿಸುವುದರಿಂದ ಕಾನೂನುಬದ್ಧವಾಗಿ ಅನುಮತಿಯಿಲ್ಲ.
ವಾಣಿಜ್ಯ ಬಳಕೆದಾರರಿಗೆ ನಿಯಮ:
ಹೋಟೆಲ್ ಅಥವಾ ವಾಣಿಜ್ಯ ಉದ್ದೇಶದವರು ಸ್ಫೋಟಕ ಪರವಾನಗಿ (Explosive License) ಇಲ್ಲದೆ 100 ಕೆಜಿ ವರೆಗೆ ಎಲ್ಪಿಜಿ ಸಂಗ್ರಹಿಸಬಹುದು. ಅದಕ್ಕಿಂತ ಹೆಚ್ಚಿನ ಅಗತ್ಯವಿದ್ದರೆ ಅಗ್ನಿಶಾಮಕ ಮತ್ತು ಅರಣ್ಯ ಇಲಾಖೆಯ ಸುರಕ್ಷತಾ ಮಾನದಂಡಗಳನ್ನು ಪಾಲಿಸುವುದು ಕಡ್ಡಾಯ.
ಹೆಚ್ಚಿನ ಸಿಲಿಂಡರ್ಗಳನ್ನು ಸಂಗ್ರಹಿಸುವುದು ‘ಅಗತ್ಯ ವಸ್ತುಗಳ ಕಾಯ್ದೆ 1955’ ರ ಅಡಿಯಲ್ಲಿ ಅಪರಾಧವಾಗಿದ್ದು, ಸಿಲಿಂಡರ್ಗಳ ಜಪ್ತಿ ಮಾತ್ರವಲ್ಲದೆ ದಂಡ ಅಥವಾ ಜೈಲು ಶಿಕ್ಷೆಯನ್ನೂ ಅನುಭವಿಸಬೇಕಾಗಬಹುದು.