US: ಇರಾನ್ (Iran) ಮೇಲೆ ಇಸ್ರೇಲ್ (Isrel) ಹಾಗೂ ಅಮೆರಿಕಾ ದಾಳಿ ನಡೆಸಿದ್ದು, ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿದೆ. ದಾಳಿಯಲ್ಲಿ ಇರಾನ್ ಸರ್ವೋಚ್ಚ ನಾಯಕ ಅಯತೊಲ್ಲಾ ಅಲಿ ಖಮೇನಿ (Khamenei) ಹತ್ಯೆ ಮಾಡಲಾಗಿದೆ. ಈ ಬೆನ್ನಲ್ಲೇ ಮಧ್ಯಪ್ರಾಚ್ಯದಲ್ಲಿ ಯುದ್ಧದ ವಾತಾವರಣ ನಿರ್ಮಾಣವಾಗಿದೆ. ಹೀಗಿರುವಾಗ ಖಮೇನಿ ಅವರನ್ನು ಕೊಲ್ಲಲು ಕೇವಲ 60 ಸೆಕೆಂಡುಗಳಿಗೆ ಅಮೆರಿಕ ಖರ್ಚು ಮಾಡಿದೆಷ್ಟು ಎಂಬ ವಿಚಾರವನ್ನು ಮುನ್ನಲೆಗೆ ಬಂದಿದೆ.
ಇರಾನ್ನ ಸರ್ವೋಚ್ಚ ನಾಯಕ ಅಯತೊಲ್ಲಾ ಅಲಿ ಖಮೇನಿ ಶತ್ರು ರಾಷ್ಟ್ರಗಳಿಗೆ ಟಾರ್ಗೆಟ್ ಆಗಿದ್ದರು. ಅತ್ಯಾಧುನಿಕ ಭದ್ರತೆಯ ಹೊರತಾಗಿಯೂ ಇಸ್ರೇಲಿ ಕ್ಷಿಪಣಿಗಳು ಅವರನ್ನು ಟ್ರ್ಯಾಕ್ ಮಾಡಿದವು. ಈ ಯುದ್ಧವು ಅಮೆರಿಕದ ಮೇಲೆ ಭಾರಿ ಆರ್ಥಿಕ ಹೊರೆಯನ್ನು ಹೇರುತ್ತಿದೆ. ಅಂಕಿಅಂಶಗಳ ಪ್ರಕಾರ, ಕಾರ್ಯಾಚರಣೆಯ ಮೊದಲ ದಿನದಂದು ಅಮೆರಿಕ ಸುಮಾರು 779 ಮಿಲಿಯನ್ ಡಾಲರ್ ಅಥವಾ 7,000 ಕೋಟಿ ರೂ. ಖರ್ಚು ಮಾಡಿದೆ. ಯುಎಸ್ಎಸ್ ಜೆರಾಲ್ಡ್ ಆರ್. ಫೋರ್ಡ್ ನಂತಹ ದೊಡ್ಡ ಯುದ್ಧನೌಕೆಗಳ ನಿರ್ವಹಣೆಗೆ ದಿನಕ್ಕೆ 59 ಕೋಟಿ ರೂ. ವೆಚ್ಚವಾಗುತ್ತದೆ. ಪಡೆಗಳ ನಿಯೋಜನೆಗೆ ಹೆಚ್ಚುವರಿಯಾಗಿ 5,700 ಕೋಟಿ ರೂ. ಖರ್ಚು ಮಾಡಲಾಗಿದೆ ಎಂದು ರಕ್ಷಣಾ ತಜ್ಞರು ಹೇಳುತ್ತಾರೆ.
ಒಟ್ಟಾರೆ ಶನಿವಾರ ಇರಾನ್ನಲ್ಲಿ ಕೆಲಸದ ದಿನವಾಗಿತ್ತು. ಖಮೇನಿ ಪ್ರತಿ ಶನಿವಾರ ತನ್ನ ನಿವಾಸದಲ್ಲಿ ಹಿರಿಯ ಅಧಿಕಾರಿಗಳೊಂದಿಗೆ ಪರಿಶೀಲನೆ ಸಭೆ ನಡೆಸುತ್ತಾರೆ ಎಂದು ಮೊದಲೇ ತಿಳಿದಿದ್ದ ಅಮೆರಿಕ-ಇಸ್ರೇಲಿ ಪಡೆಗಳು ಫೆಬ್ರವರಿ 28 ರಂದು ನಿಖರವಾಗಿ ದಾಳಿ ನಡೆಸಿದವು. ಅಮೆರಿಕದ ಗುಪ್ತಚರ ಸಂಸ್ಥೆ ಸಿಐಎ ಒದಗಿಸಿದ ನಿಖರವಾದ ಮಾಹಿತಿಯೊಂದಿಗೆ, ಇಸ್ರೇಲ್ ಕೇವಲ 60 ಸೆಕೆಂಡುಗಳಲ್ಲಿ ಖಮೇನಿ ಮತ್ತು ಇರಾನ್ನ ಉನ್ನತ ಮಿಲಿಟರಿ ವ್ಯವಸ್ಥೆ ಊಹಿಸಲೂ ಸಾಧ್ಯವಾಗದ ರೀತಿಯಲ್ಲಿ ಕಾರ್ಯಾಚರಣೆ ನಡೆಸಿತ್ತು.