ನಮ್ಮ ಆರೋಗ್ಯ ಉತ್ತಮವಾಗಿರಬೇಕಾದರೆ ಒಳ್ಳೆಯ ಆಹಾರ ಸೇವಿಸುವುದು ಅನಿವಾರ್ಯ. ಭಾರತ ಕೃಷಿ ಪ್ರಧಾನ ದೇಶವಾಗಿದ್ದು ಸಾಮಾನ್ಯವಾಗಿ ಅನ್ನ ನಮ್ಮ ಮುಖ್ಯ ಆಹಾರವಾಗಿದೆ.ಅದನ್ನು ಹಾಳು ಮಾಡದೆ ಒಳ್ಳೆಯ ರೀತಿಲಿ ಉಪಯೋಗಿಸವುದು ನಮ್ಮ ಆಧ್ಯಾ ಕರ್ತವ್ಯ.
ಅನ್ನವನ್ನು ಮಿತವಾಗಿ ಸೇವಿಸಿದರೆ ಅದನ್ನು ಆರೋಗ್ಯಕರವೆಂದು ಪರಿಗಣಿಸಲಾಗುತ್ತದೆ.ಆದರೆ ಅಕ್ಕಿಯನ್ನು ಸರಿಯಾಗಿ ಬೇಯಿಸದಿರುವುದು ಆರೋಗ್ಯಕ್ಕೆ ಅಪಾಯಕಾರಿಯಾಗಿದೆ.ಹೀಗಾಗಿ ಹಿತ-ಮಿತವಾಗಿ ಬಳಸುವ ಕ್ರಮದಲ್ಲೇ ಬಳಸಿದರೆ ಆರೋಗ್ಯದ ದೃಷ್ಟಿಲಿ ಉತ್ತಮ.
ಇಂದಿನ ದಿನಗಳಲ್ಲಿ ನಾವು ತಿನ್ನುವ ಎಲ್ಲಾ ಆಹಾರಗಳು ರಾಸಾಯನಿಕಗಳಿಂದ ಕೂಡಿದೆ. ಇವು ಭವಿಷ್ಯದಲ್ಲಿ ಸಮಸ್ಯೆಗಳನ್ನು ಉಂಟುಮಾಡಬಹುದು. ಮಾರುಕಟ್ಟೆಯಲ್ಲಿ ಲಭ್ಯವಿರುವ ಹಲವು ವಿಧದ ಅಕ್ಕಿಯನ್ನು ರಾಸಾಯನಿಕವಾಗಿ ಸಂಸ್ಕರಿಸಲಾಗುತ್ತದೆ. ಇದು ಕೂಡ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು.ಅಕ್ಕಿಯನ್ನು ಸರಿಯಾಗಿ ಬೇಯಿಸದೇ ತಿನ್ನುವುದರಿಂದ ಕ್ಯಾನ್ಸರ್ ನಂತಹ ಅಪಾಯಕಾರಿ ರೋಗಕ್ಕೆ ಕಾರಣವಾಗುತ್ತದೆ ಎಂದು ಇತ್ತೀಚಿನ ಅಧ್ಯಯನಗಳು ತಿಳಿಸಿವೆ.ಅಧ್ಯಯನ ಇನ್ನೂ ಏನನ್ನು ತಿಳಿಸಿದೆ ಎಂದು ನೋಡೋಣ..
ಇಂಗ್ಲೆಂಡಿನ ಕ್ವೀನ್ಸ್ ಯೂನಿವರ್ಸಿಟಿ ಬೆಲ್ ಫಾಸ್ಟ್ ನ ಇತ್ತೀಚಿನ ಅಧ್ಯಯನದ ಪ್ರಕಾರ ಮಣ್ಣಿನಲ್ಲಿರುವ ಕೀಟನಾಶಕಗಳಿಂದ ಬಿಡುಗಡೆಯಾದ ರಾಸಾಯನಿಕಗಳು ಮತ್ತು ವಿಷ ಅಕ್ಕಿಯನ್ನು ಅಪಾಯಕಾರಿಯಾಗಿಸಬಹುದು. ಇದು ಅನೇಕ ಸಂದರ್ಭಗಳಲ್ಲಿ ಆರ್ಸೆನಿಕ್ ವಿಷವನ್ನು ಉಂಟುಮಾಡಬಹುದು.
ಅಕ್ಕಿಯು ಕಾರ್ಸಿನೋಜೆನ್ ಮತ್ತು ಕ್ಯಾನ್ಸರ್ ರಚನೆಯನ್ನು ಉತ್ತೇಜಿಸುತ್ತದೆ ಎಂದು ಹಲವಾರು ಅಧ್ಯಯನಗಳು ತಿಳಿಸಿವೆ.ಅಧ್ಯಯನದ ಸಮಯದಲ್ಲಿ, ಒಟ್ಟು ಭಾಗವಹಿಸಿದವರಲ್ಲಿ 9400 ಮಂದಿಗೆ ಕ್ಯಾನ್ಸರ್ ಚಿಹ್ನೆ ಕಾಣಿಸಿಕೊಂಡಿತು. ಸ್ತನ ಮತ್ತು ಶ್ವಾಸಕೋಶದ ಕ್ಯಾನ್ಸರ್ಗಳು ಹೆಚ್ಚು ಸಾಮಾನ್ಯವಾಗಿತ್ತು.
ಆರ್ಸೆನಿಕ್ ವಿವಿಧ ಖನಿಜಗಳಲ್ಲಿ ಇರುವ ರಾಸಾಯನಿಕವಾಗಿದೆ. ಇದನ್ನು ಕೀಟನಾಶಕಗಳನ್ನು ತಯಾರಿಸಲು ಬಳಸಲಾಗುತ್ತದೆ. ಕೆಲವು ದೇಶಗಳು ತಮ್ಮ ಅಂತರ್ಜಲದಲ್ಲಿ ಆರ್ಸೆನಿಕ್ ಮಟ್ಟವನ್ನು ಹೆಚ್ಚು ಹೊಂದಿವೆ. ನಾವು ದೀರ್ಘಕಾಲದವರೆಗೆ ಆಹಾರ ಅಥವಾ ನೀರಿನ ಮೂಲಕ ಈ ರಾಸಾಯನಿಕಕ್ಕೆ ಒಡ್ಡಿಕೊಂಡರೆ,ಅದು ಆರ್ಸೆನಿಕ್ ವಿಷಕ್ಕೆ ಕಾರಣವಾಗಬಹುದು. ಇದು ವಾಂತಿ, ಹೊಟ್ಟೆ ನೋವು, ಅತಿಸಾರ ಮತ್ತು ಕ್ಯಾನ್ಸರ್ ನಂತಹ ಸಮಸ್ಯೆಗಳಿಗೆ ಕಾರಣವಾಗಬಹುದು. ಅಧ್ಯಯನದ ಪ್ರಕಾರ, ಅಕ್ಕಿಯಲ್ಲಿ ಹೆಚ್ಚಿನ ಮಟ್ಟದ ಆರ್ಸೆನಿಕ್ ಇದೆ ಮತ್ತು ಅದನ್ನು ಸರಿಯಾಗಿ ಬೇಯಿಸದಿದ್ದರೆ, ಭವಿಷ್ಯದಲ್ಲಿ ಇದು ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು.
ಕ್ವೀನ್ಸ್ ಯೂನಿವರ್ಸಿಟಿ ಬೆಲ್ಫಾಸ್ಟ್ ಅಧ್ಯಯನದ ಪ್ರಕಾರ, ಅಕ್ಕಿಯಿಂದ ಆರ್ಸೆನಿಕ್ ಅನ್ನು ತೊಡೆದುಹಾಕಲು ಉತ್ತಮ ಮಾರ್ಗವೆಂದರೆ ಅದನ್ನು ಅಡುಗೆ ಮಾಡುವ ಮೊದಲು ರಾತ್ರಿಯಿಡೀ ನೀರಿನಲ್ಲಿ ನೆನೆಸುವುದು. ಈ ಪ್ರಕ್ರಿಯೆಯನ್ನು ಅನುಸರಿಸಿದಾಗ, ಅಕ್ಕಿಯಲ್ಲಿನ ಜೀವಾಣುಗಳ ಪ್ರಮಾಣವು 80 ಪ್ರತಿಶತದಷ್ಟು ಕಡಿಮೆಯಾಗುತ್ತದೆ.