ರಸ್ತೆಯಲ್ಲಿ ಹೋಗುವಾಗ ಕೆಲವೊಮ್ಮೆ ಹುಡುಗಿಯರು ಹುಡುಗರ ಬಳಿ ಲಿಫ್ಟ್ ಕೇಳುವುದು ಸಾಮಾನ್ಯ. ಕರುಣಾಮಯಿಗಳಾದ ನಮ್ಮ ಹುಡುಗರು ಹುಡುಗಿಯರ ಲಿಫ್ಟ್ ಕೇಳಿದರೆಂದರೆ ಎಂತಹ ಸ್ಪೀಡ್ನಲ್ಲಿ ಇದ್ದರೂ ಕೂಡ ಬೈಕ್ನಲ್ಲಿ ಸೇವರನ್ನು ಹತ್ತಿಸಿಕೊಳ್ಳುತ್ತಾರೆ. ಅಂತಯೇ ಇದೀಗ ಇಲ್ಲೊಬ್ಬಳು ಯುವತಿ ಯುವಕನ ಬಳಿ ಲಿಫ್ಟ್ ಕೇಳಿ ಬೈಕಿಗೆ ಹತ್ತಿದ್ದಾಳೆ. ಲಿಫ್ಟ್ ಪಡೆದುದು ಮಾತ್ರವಲ್ಲದೆ ಯುವಕನ ಮೊಬೈಲ್ ಕದ್ದು ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾಳೆ.
ಹೌದು, ಬೈಕ್ನಲ್ಲಿ ತೆರಳುತ್ತಿದ್ದ ಯುವಕನೊಬ್ಬ ರಾಜಸ್ಥಾನದ ಜೈಪುರದಲ್ಲಿ ಯುವತಿಯೊಬ್ಬಳು ಲಿಫ್ಟ್ ಕೇಳಿದ ತಕ್ಷಣ ಸಹಾಯ ಹಸ್ತ ಚಾಚಲು ಮುಂದಾಗಿದ್ದ. ಆದರೆ ಆಕೆ ಆತನ ಮೊಬೈಲ್ ಫೋನ್ ಕಳವು ಮಾಡಿ ಸ್ಥಳದಿಂದ ಪರಾರಿಯಾಗಲು ಪ್ರಯತ್ನಿಸಿದ್ದಾಳೆ. ಸದ್ಯ ಈ ಘಟನೆಯ ವಿಡಿಯೊ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಆತಂಕ ವ್ಯಕ್ತಪಡಿಸಿದ್ದಾರೆ.
ಇವತ್ತಿಯನ್ನು ಬೈಕಿಗೆ ಹತ್ತಿಸಿಕೊಂಡ ಸ್ವಲ್ಪದಲ್ಲಿಯೇ ಯುವಕನಿಗೆ ಪ್ಯಾಂಟಿನ ಬಳಿ ಏನು ಮುಟ್ಟಿದಂತೆ ಆಗಿದೆ. ನೋಡಿದಾಗ ಇವತಿಯ ಕೈ ನಿಧಾನವಾಗಿ ಬಂದು ಕಿಸೆಯಿಂದ ಮೊಬೈಲ್ ಎಗರಿಸಲು ಪ್ರಯತ್ನಿಸುತ್ತಿದೆ. ಆಗ ಆತ ರೆಡ್ಹ್ಯಾಂಡ್ ಆಗಿ ಹಿಡಿದಿದ್ದಾನೆ. ಅಲ್ಲದೆ ಇದನ್ನು ವಿಡಿಯೋ ಕೂಡ ಮಾಡಿಕೊಂಡಿದ್ದಾನೆ. ವೈರಲ್ ಕ್ಲಿಪ್ನಲ್ಲಿ, ಯುವತಿ ಕ್ಯಾಮರಾದಿಂದ ಮುಖವನ್ನು ಮರೆಮಾಡಲು ಪ್ರಯತ್ನಿಸುತ್ತಿದ್ದಾಗ ಮತ್ತು ತನ್ನನ್ನು ತಾನು ಬಿಡಿಸಿಕೊಳ್ಳಲು ಪದೇ ಪದೆ ಪ್ರಯತ್ನಿಸುತ್ತಿದ್ದಾಗ ಆತ ಆಕೆಯ ಕೈಯನ್ನು ಹಿಡಿದುಕೊಂಡಿರುವುದು ಕಂಡುಬಂದಿದೆ.
ಘಟನೆ ನಡೆಯುತ್ತಿದ್ದಂತೆ ಕೆಲವು ದಾರಿಹೋಕರು ಇವರ ಸುತ್ತಲೂ ಜಮಾಯಿಸಿ ವಿಡಿಯೊ ಮಾಡಿದ್ದಾರೆ. ಅಷ್ಟಕ್ಕೆ ತನ್ನ ನೀಚ ಬುದ್ಧಿ ಬಿಡದ ಯುವತಿ ಬೈಕ್ ಸವಾರ ಕಿರುಕುಳ ನೀಡುತ್ತಿದ್ದಾನೆ ಎಂದು ಆರೋಪಿಸಿದ್ದಾಳೆ. ಈ ವಿಡಿಯೊ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಮಿಶ್ರ ಪ್ರತಿಕ್ರಿಯೆ ನೀಡಿದ್ದಾರೆ.
