Toxic : ಟಾಕ್ಸಿಕ್ ಸಿನಿಮಾದ ಟೀಸರ್ ರಿಲೀಸ್ ಆಗಿ ಇಡೀ ಭಾರತೀಯ ಚಿತ್ರರಂಗವನ್ನೇ ಅಲುಗಾಡಿಸಿ ಬಿಟ್ಟಿದೆ. ಇದೇ ಮೊದಲ ಬಾರಿಗೆ ಹಿಂದೆಂದೂ ಕಾಣಿಸದ ಲುಕ್ನಲ್ಲಿ ರಾಕಿಂಗ್ ಸ್ಟಾರ್ ಯಶ್ ಕಾಣಿಸಿಕೊಂಡಿದ್ದಾರೆ. ನಟ ಯಶ್ ಪಾತ್ರವನ್ನು ಪರಿಚಯಿಸಿರುವ 2.51 ನಿಮಿಷಗಳ ವಿಡಿಯೊ ವೀಕ್ಷಿಸಿದ ಅಭಿಮಾನಿಗಳು ದಂಗಾಗಿದ್ದಾರೆ. ವಿಡಿಯೊ ಬಿಡುಗಡೆಯಾಗುತ್ತಿದ್ದಂತೆ ಹಸಿಬಿಸಿ ದೃಶ್ಯವೊಂದು ಕಾಣಿಸಿ, ಇದು ವಿವಾದಕ್ಕೂ ಕೂಡ ಗುರಿಯಾಗಿತ್ತು. ಆದರೆ ಈ ನಡುವೆಯೇ ಇದೀಗ ಟಾಕ್ಸಿಕ್ ಚಿತ್ರದೆದುರು ಕ್ರೈಸ್ತ ಒಕ್ಕೂಟ ಸಿಡಿದೆದ್ದಿದೆ.
ಹೌದು, ‘ಟಾಕ್ಸಿಕ್’ ಸಿನಿಮಾದ (Toxic Movie) ಟೀಸರ್ ಸೃಷ್ಟಿಸಿದ ಹಲ್ಚಲ್ ತುಂಬಾನೇ ದೊಡ್ಡದು. ಈ ಟೀಸರ್ನಲ್ಲಿ ಅಡಲ್ಟ್ ದೃಶ್ಯಗಳು ಇವೆ ಎಂದು ಅನೇಕರು ಕೊಂಕು ತೆಗೆದಿದ್ದರು. ಈಗ ಕ್ರೈಸ್ತ ಸಮುದಾಯದವರು ಈ ಸಿನಿಮಾ ವಿರುದ್ಧ ತಿರುಗಿ ಬಿದ್ದಿದ್ದಾರೆ. ನ್ಯಾಷನಲ್ ಕ್ರಿಶ್ಚಿಯನ್ ಫೆಡರೇಷನ್ (ಎನ್ಸಿಎಫ್) ಟಾಕ್ಸಿಕ್ ಸಿನಿಮಾ ವಿರುದ್ಧ ದೂರು ದಾಖಲು ಮಾಡಿದೆ.
ವಿವಾದಕ್ಕೆ ಕಾರಣ?
ಟಾಕ್ಸಿಕ್ ಚಿತ್ರದ ಟ್ರೈಲರ್ ಬಿಡುಗಡೆಯಾದ ಬಳಿಕ ಸಾಮಾಜಿಕ ಜಾಲತಾಣಗಳಲ್ಲಿ ದೊಡ್ಡ ಮಟ್ಟದ ಚರ್ಚೆ ಶುರುವಾಗಿತ್ತು. ಯಶ್ ಅಭಿನಯದ ಪಾತ್ರದ ಕೆಲವು ದೃಶ್ಯಗಳ ಹಿನ್ನಲೆಯಲ್ಲಿ ಸಂತ ಮಿಕಯೇಲ್ ವಿಗ್ರಹ ಕಾಣಿಸಿಕೊಂಡಿದೆ ಎಂಬುದು ಎನ್ಸಿಎಫ್ ಆರೋಪ. ಸಾಮಾನ್ಯವಾಗಿ ಕ್ರೈಸ್ತರಲ್ಲಿ ಅತ್ಯಂತ ಗೌರವಕ್ಕೆ ಪಾತ್ರರಾಗಿ ಪರಿಗಣಿಸುವ ವಿಗ್ರಹವನ್ನು ಅಶ್ಲೀಲ ದೃಶ್ಯಗಳ ಜೊತೆ ತೋರಿಸುವುದು ಸಂಪೂರ್ಣವಾಗಿ ಅಸಭ್ಯತೆ ಮತ್ತು ಧರ್ಮ ಅವಮಾನಕ್ಕೆ ಸಮಾನ ಎಂದು ಸಮುದಾಯದ ನಾಯಕರು ಹೇಳಿದ್ದಾರೆ.
ಅಲ್ಲದೆ, ಸಿನಿಮಾದಲ್ಲಿ ದೇವದೂತ ಸಂತ ಮಿಕಯೇಲ್ಗೆ ಅಪಮಾನ ಮಾಡಲಾಗಿದೆ ಎಂಬುದು ಕ್ರೈಸ್ತ ಸಮುದಾಯದವರು ದೂರು. ‘ದೇವದೂತರ ಮುಂದೆ ಅಶ್ಲೀಲ ಚಿತ್ರೀಕರಿಸಿದ್ದಾರೆ. ಯೂಟ್ಯೂಬ್ ಪೋಸ್ಟ್ ತೆಗೆಯಬೇಕು, ದೃಶ್ಯಗಳನ್ನ ತೆಗೆಯಬೇಕು’ ಎಂದು ದೂರಿನಲ್ಲಿ ಕೋರಲಾಗಿದೆ. ಕ್ರೈಸ್ತರ ಒಕ್ಕೂಟ ಚಲನಚಿತ್ರ ವಾಣಿಜ್ಯ ಮಂಡಳಿಗೆ ದೂರು ದಾಖಲು ಮಾಡಿದೆ.
ಈ ಸಂಬಂಧ ರಾಷ್ಟ್ರೀಯ ಕ್ರೈಸ್ತರ ಒಕ್ಜೂಟದ ಅಧ್ಯಕ್ಷ ಪ್ರದೀಪ್ ಕುಮಾರ್ ಎಂಬವರು, ಚಲನಚಿತ್ರ ವಾಣಿಜ್ಯ ಮಂಡಳಿ, ಸರ್ಕಾರದ ಮುಖ್ಯ ಕಾರ್ಯದರ್ಶಿ, ಗೃಹಸಚಿವರು, ಸೆನ್ಸರ್ ಬೋರ್ಡ್ಗೆ ದೂರು ಸಲ್ಲಿಕೆ ಮಾಡಿದ್ದಾರೆ. ಅಲ್ಲದೆ, ಸಿನಿಮಾ ವಿರುದ್ದ ಕಾನೂನು ಹೋರಾಟದ ಎಚ್ಚರಿಕೆ ನೀಡಲಾಗಿದೆ. ಸಾಮಾನ್ಯವಾಗಿ ಈ ರೀತಿಯ ದೃಶ್ಯಗಳನ್ನು ಮಾಡಿ ಮೊದಲೇ ಚರ್ಚೆ ಆದರೆ ಸೆನ್ಸಾರ್ ವೇಳೆ ಆ ವಿಷಯವನ್ನು ಮಂಡಳಿಯವರು ಗಂಭೀರವಾಗಿ ಸ್ವೀಕರಿಸೋ ಸಾಧ್ಯತೆ ಇರುತ್ತದೆ.
 ಟಾಕ್ಸಿಕ್ ಸಿನಿಮಾ ವಿರುದ್ಧ ದೂರು ದಾಖಲು ಮಾಡಿದೆ.){kind=link}