ಊರು,ಹೊಲ ಕಾಯಬೇಕಾದ ಪೋಲಿಸ್ ಅಧಿಕಾರಿಯೆ ಮೇಯಲು ಹೋಗಿ ತನ್ನದೇ ಡಿಪಾರ್ಟ್ ಮೆಂಟಿನಲ್ಲಿ ಮಹಿಳಾ ಪೇದೆಯಾಗಿರುವ ಹೆಣ್ಣೊಬ್ಬಳ ಸೆರಗಿಗೆ ಕೈ ಹಾಕಿದ ಕಳವಳಕಾರಿ ಘಟನೆ ನಡೆದಿದೆ.
ಅಲ್ಲಿ ಒಡಿಶಾ ರಾಜ್ಯದಲ್ಲಿ ಮಹಿಳಾ ಪೇದೆ ಮೇಲೆ ಪೊಲೀಸ್ ಅಧಿಕಾರಿಯೋರ್ವ ಅತ್ಯಾಚಾರ ಮಾಡಿರುವ ಘಟನೆ ನಡೆದಿದೆ.
ಈ ಸಂಬಂಧ ಬನ್ಸಿದಾರ್‌ ಪ್ರದಾನ್ ಎಂಬ ಪೊಲೀಸ್ ಅಧಿಕಾರಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಈತ ಗೋಪಾಲ್ಪುರ ಪ್ರದೇಶದಲ್ಲಿ ಔಟ್ ಪೋಸ್ಟ್ ಇನ್ ಚಾರ್ಜ್ ಅಧಿಕಾರಿಯಾಗಿದ್ದ. ಬಾಲಾಸೋರ್‌ ಜಿಲ್ಲೆಯ ಗೋಪಾಲ್ಪಪುರ ಪ್ರದೇಶದಲ್ಲಿ ಯಾಸ್ ಚಂಡಮಾರುತದ ಕರ್ತವ್ಯದಲ್ಲಿದ್ದ ವೇಳೆ ಈ ಅಧಿಕಾರಿಯ ಜತೆ ಇದೀಗ ರೇಪ್ ಆಗಿರುವ ಮಹಿಳಾ ಅಧಿಕಾರಿಯನ್ನು ಕೂಡ ಅಲ್ಲಿ ಡ್ಯೂಟಿಗೆ ನಿಯೋಜಿಸಲಾಗಿತ್ತು. ಚಂಡಮಾರುತ ಗ್ರಸ್ತ ಹಳ್ಳಿಯ ಪ್ರದೇಶದಲ್ಲಿ ಆಕೆ ತನಗಿಂತ ಉನ್ನತ ಅಧಿಕಾರಿ ಬಂಸಿದಾರ್ ಪ್ರಧಾನ್ ಜೊತೆ ಕೆಲಸ ಮಾಡುತ್ತಿರುವಾಗ, ಆತ ಆ ಮಹಿಳಾ ಪೇದೆಯ ಮೇಲೆ ಅತ್ಯಾಚಾರ ಮಾಡಿದ್ದಾನೆ.
ರೇಪ್ ಮಾಡಿರುವುದಾಗಿ ಮಹಿಳಾ ಪೇದೆ ದೂರು ನೀಡಿದ್ದಾರೆ.ಆದರೂ ಆರಂಭದಲ್ಲಿ ಕೇಸ್ ದಾಖಲಿಸಿಲು ಪೊಲೀಸರು ನಿರಾಕರಿಸಿದ್ದರು. ಇದರಿಂದಾಗಿ ಪೇದೆ ರೈಲ್ವೇ ಹಳಿಯಲ್ಲಿ ಆತ್ಮಹತ್ಯೆಗೆ ಮುಂದಾಗಿದ್ದರು. ಈ ವಿಚಾರ ತಿಳಿದ ರೈಲ್ವೇ ಪೊಲೀಸರು ಒಡಿಶಾ ರಾಜ್ಯ ಪೊಲೀಸ್‌ನ ಪೂರ್ವ ವಿಭಾಗದ ಐಜಿಗೆ ಮಾಹಿತಿ ನೀಡಿದ್ದರು.
ಐಜಿ ದೀಪ್ತೇಶ್ ಪಟ್ನಾಯಿಕ್‌, ಬನ್ಸಿದಾರ್‌ ಪ್ರದಾನ್ ವಿರುದ್ಧ ಪ್ರಕರಣ ದಾಖಲಿಸಲು ಸೂಚಿಸಿದ್ದು, ಆ ಬಳಿಕ ಆರೋಪಿತ ಪೊಲೀಸ್ ಅಧಿಕಾರಿಯನ್ನು ಬಂಧಿಸಿ ವೈದ್ಯಕೀಯ ಪರೀಕ್ಷೆ ಮಾಡಿ ನ್ಯಾಯಾಲದ ಮುಂದೆ ಹಾಜರುಪಡಿಸಲಾಗಿದೆ.
