ಪುತ್ತೂರು ನಗರದ ಹೊರವಲಯದಲ್ಲಿ ಹಾಡು ಹಗಲಿನ ಹೊತ್ತೇ ಸರಗಳ್ಳತನದ ಪ್ರಕರಣ ನಡೆದಿದೆ.
ಕಪ್ಪು ಬಣ್ಣದ ಪಲ್ಸರ್ ಬೈಕಲ್ಲಿ ಬಂದ ಮೂವರು ಅಪರಿಚಿತ ಯುವಕರು ಮಾಸ್ಕ್ ಧರಿಸಿದ್ದು, ಮಹಿಳೆಯೋರ್ವರ ಕರಿಮಣಿ ಸರ ಎಳೆದು ಪರಾರಿಯಾದ ಘಟನೆ ಇಂದು 30 ರಂದು ಮಧ್ಯಾಹ್ನ ತೆಂಕಿಲದಲ್ಲಿ ನಡೆದಿದೆ.
ಇಂದು ಮಧ್ಯಾಹ್ನ ತೆಂಕಿಲದ ಮಹಿಳೆಯೋರ್ವರು ಬೈಪಾಸ್ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವೇಳೆ ಚೈನ್ ಸ್ನಾಚಿಂಗ್ ನಡೆದಿದೆ. ಆ ಆಗಂತುಕರು ಪರಿಚಿತರಂತೆ ನಟಿಸಿ ಬೈಕಿನಲ್ಲಿ ಮಹಿಳೆಯನ್ನು ಸಮೀಪಿಸಿದ್ದರು. ಹತ್ತಿರ ಬಂದು ಚೈನ್ ಎಳೆದು ಪರಾರಿಯಾಗಿದ್ದಾರೆ.
ಘಟನೆ ನಡೆದ ತಕ್ಷಣ ಆ ಮಹಿಳೆ ನಗರ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದು ಯುವಕರಿಗಾಗಿ ಪೋಲೀಸರು ಶೋಧ ಕಾರ್ಯ ನಡೆಯುತ್ತಿದೆ.
