Tiruvanantapuram: ಹುಡುಗಿಯರ ಹಾಸ್ಟೆಲ್ ಮುಂದೆ ಖಾಸಗಿ ಅಂಗ ಪ್ರದರ್ಶಿಸಿದ ಆಟೋ ಡ್ರೈವರ್! ಕೂಡಲೇ ಚಾಲಕಿ ಹುಡುಗೀರು ಮಾಡಿದ್ದೇನು ಗೊತ್ತಾ?
Tiruvanantapuram: ಹುಡುಗಿಯರ ಹಾಸ್ಟೆಲ್(Ladies Hostel) ಮುಂದೆ ಆಟೋ ಚಾಲಕ(Auto Driver) ನೊಬ್ಬ ಆಟೋ ನಿಲ್ಲಿಸಿಕೊಂಡು, ತನ್ನ ಖಾಸಗಿ ಅಂಗವನ್ನು ಪ್ರದರ್ಶಿಸಿ ಅಶ್ಲೀಲವಾಗಿ ವರ್ತಿಸಿದ ಘಟನೆಯೊಂದು ಬೆಳಕಿಗೆ ಬಂದಿದ್ದು, ಸದ್ಯ ತಿರುವನಂತಪುರದ ಮ್ಯೂಸಿಯಂ ಪೊಲೀಸರು ಈ ವಿಲಕ್ಷಣ ಚಾಲಕನನ್ನು ಬಂಧಿಸಿದ್ದಾರೆ.
ಹೌದು, ಭಾನುವಾರ(Sunday) ರಾತ್ರಿ 10.30ರ ಸುಮಾರಿಗೆ ತಿರುವನಂತಪುರ(Tiruvanantapuram)ದ ಕಾಟನ್ ಹಿಲ್ ಸ್ಕೂಲ್ ಬಳಿಯಿರುವ ಲೇಡಿಸ್ ಹಾಸ್ಟೆಲ್ ಮುಂದೆ ನಿಂತು ತನ್ನ ಖಾಸಗಿ ಅಂಗ ಪ್ರದರ್ಶಿಸಿ ಅಶ್ಲೀಲವಾಗಿ ವರ್ತಿಸಿದ ವ್ಯಕ್ತಿಯನ್ನು ಕೂಡಲೇ ಪೋಲೀಸರು ಬಂದಿಸಿದ್ದಾರೆ. ಬಂಧಿತನನ್ನು ಮೂನ್ನಮೂಡು ವಟಿಯೂರ್ಕಾವಿನ ವಯಲಿಕಾಡದ ಚಂದ್ರಿಕಾ ಭವನದ ನಿವಾಸಿ ಮುತ್ತುರಾಜ್ (47) ಎಂದು ಗುರುತಿಸಲಾಗಿದೆ.
ಪೊಲೀಸರ(Police) ಹೇಳಿಕೆಯ ಪ್ರಕಾರ ಆರೋಪಿ ಮುತ್ತುರಾಜ್(Mutturaj) ತನ್ನ ಆಟೋರಿಕ್ಷಾದಲ್ಲಿ ಹುಡುಗಿಯರ ಹಾಸ್ಟೆಲ್ಗೆ ತಲುಪಿದ್ದಾನೆ. ಅಲ್ಲಿ ಮಹಡಿಯ ಮೇಲೆ ಓದುತ್ತ ಕುಳಿತ ವಿದ್ಯಾರ್ಥಿನಾಯರನ್ನು ಕಂಡು, ಅವರಿಗೆ ತನ್ನ ಖಾಸಗಿ ಅಂಗ ಪ್ರದರ್ಶನ ಮಾಡಿ, ಸ್ಥಳದಿಂದ ಪರಾರಿಯಾಗಿದ್ದಾನೆ. ಜಾಗೃತರಾದ ವಿದ್ಯಾರ್ಥಿನಿಯರು ಕೂಡಲೇ ಮುತ್ತುರಾಜ್ ನ ಆಟೋರಿಕ್ಷಾ ನಂಬರ್ ಅನ್ನು ಬರೆದುಕೊಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
ಪ್ರಕರಣ ದಾಖಲಿಸಿಕೊಂಡ ಪೊಲೀಸರು, ಸಿಸಿಟಿವಿ ದೃಶ್ಯಾವಳಿ ಹಾಗೂ ವಿದ್ಯಾರ್ಥಿಗಳು ಹಂಚಿಕೊಂಡ ಮಾಹಿತಿ ಆಧರಿಸಿ, ತನಿಖೆ ನಡೆಸಿ ಸದ್ಯ ಆರೋಪಿಯಾದ ಮುತ್ತುರಾಜ್ನನ್ನು ಬಂಧಿಸಿದ್ದಾರೆ. ಆದರೆ ಈ ಆಸಾಮಿ ಹೀಗೇಕೆ ಮಾಡಿದ ಎಂದು ತಿಳಿದುಬಂದಿಲ್ಲ. ಅಲ್ಲದೆ ಈತನ ವಿರುದ್ಧ ಬೇರೆ ಯಾವುದೇ ಪ್ರಕರಣಗಳಲಿಲ್ಲ ಎಂದು ಮ್ಯೂಸಿಯಂ ಪೊಲೀಸ್ ಇನ್ಸ್ಪೆಕ್ಟರ್ ತಿಳಿಸಿದ್ದಾರೆ. ಬಳಿಕ ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.
