ಸಾಮಾನ್ಯವಾಗಿ ರಾತ್ರಿ ಮಲಗುವಾಗ ಕನಸು ಕಾಣುವುದು ಸಾಮಾನ್ಯ. ಕೆಲವು ಕನಸುಗಳು ಸಿಹಿಯಾಗಿದ್ದರೆ, ಇನ್ನು ಕೆಲವು ಭಯ ಹುಟ್ಟಿಸುತ್ತವೆ. ಕೆಲವು ಕನಸುಗಳನ್ನು ನಾವು ಎಷ್ಟು ನೆನಪಿಟ್ಟುಕೊಳ್ಳಲು ಪ್ರಯತ್ನಿಸಿದರೂ ನಮಗೆ ಅವುಗಳನ್ನು ನೆನಪಿಸಿಕೊಳ್ಳಲಾಗುವುದಿಲ್ಲ. ಕನಸಿನ ಶಾಸ್ತ್ರದ ಪ್ರಕಾರ ನಾವು ಕಾಣುವ ಕನಸಿಗೆ ಒಂದಲ್ಲ ಒಂದು ಅರ್ಥವಿದೆ ಎನ್ನಲಾಗುತ್ತದೆ.
ಹೌದು ಕನಸಿನ ಕೆಲವೊಂದು ಅರ್ಥಗಳನ್ನು ಇಲ್ಲಿ ತಿಳಿಸಲಾಗಿದೆ :
- ಕನಸಿನಲ್ಲಿ ಯಾರೊಬ್ಬರ ಕತ್ತರಿಸಿದ ತಲೆಯನ್ನು ನೋಡುವುದು ಅಶುಭದ ಸಂಕೇತವಾಗಿದೆ. ಭವಿಷ್ಯದಲ್ಲಿ ನೀವು ಮುಜುಗರವನ್ನು ಎದುರಿಸಬೇಕಾಗಬಹುದು ಎಂದು ಅದು ಹೇಳುತ್ತದೆ. ಜಾಗರೂಕರಾಗಿರಿ ಮತ್ತು ಜೀವನದಲ್ಲಿ ಸಮತೋಲನವನ್ನು ಕಾಪಾಡಿಕೊಳ್ಳಲು ಪ್ರಯತ್ನಿಸಿ ಎಂಬುದಾಗಿದೆ.
- ನಿಮ್ಮ ಕನಸಿನಲ್ಲಿ ನೀವು ಸ್ನಾನ ಮಾಡುತ್ತಿದ್ದರೆ, ನಿಮ್ಮಲ್ಲಿ ನೀವು ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು ಎಂದರ್ಥ. ನಿಮ್ಮ ಹಿಂದಿನ ಎಲ್ಲಾ ನೋವುಗಳು ಮತ್ತು ಭಯಗಳನ್ನು ತೆಗೆದುಹಾಕುವ ಮೂಲಕ ನೀವು ಹೊಸದಾಗಿ ಜೀವನವನ್ನು ಪ್ರಾರಂಭಿಸಬೇಕು ಎಂಬ ಅರ್ಥ ನೀಡುತ್ತದೆ.
- ನೀವು ಕನಸಿನಲ್ಲಿ ಯುದ್ಧವನ್ನು ಕಂಡಿದ್ದರೆ ಜಾಗರೂಕರಾಗಿರಿ. ಯುದ್ಧದ ದೃಶ್ಯಗಳು ಸಮಸ್ಯೆಗಳನ್ನು ಸಂಕೇತಿಸುತ್ತವೆ. ನಿಮ್ಮನ್ನು ಸೋಲಿಸುವಂತಹ ಸಮಸ್ಯೆಗಳನ್ನು ಎದುರಿಸಲು ನೀವು ಸಿದ್ಧರಾಗಿರಬೇಕು.
- ನಿಮ್ಮ ಕನಸಿನಲ್ಲಿ ಒಂದೇ ಜೇನುನೊಣವನ್ನು ನೀವು ನೋಡಿದರೆ, ಅದು ರಾಜಮನೆತನದ ಸಂಕೇತವಾಗಿದೆ. ನೀವು ಜೇನುನೊಣಗಳ ಸಮೂಹವನ್ನು ನೋಡಿದ್ದರೆ, ಅದು ಶುಭ ಸಂಕೇತವಾಗಿದೆ, ಆದರೆ ಇವುಗಳಲ್ಲಿ ಯಾವುದಾದರೂ ನಿಮಗೆ ಕಚ್ಚಿದರೆ, ನೀವು ಎಚ್ಚರವಾಗಿರಬೇಕು. ಅಪರಿಚಿತ ದಿಕ್ಕಿನಿಂದ ಯಾರಾದರೂ ನಿಮ್ಮ ಮೇಲೆ ದಾಳಿ ಮಾಡಬಹುದು ಎಂಬ ಅರ್ಥವನ್ನು ಸೂಚಿಸುತ್ತದೆ.
- ಕನಸಿನಲ್ಲಿ ಪೆಟ್ಟಿಗೆಯನ್ನು ನೋಡುವುದು ನೀವು ಹಣವನ್ನು ಬುದ್ಧಿವಂತಿಕೆಯಿಂದ ಖರ್ಚು ಮಾಡಬೇಕು ಎಂಬುದರ ಸಂಕೇತವಾಗಿದೆ. ವೆಚ್ಚಗಳ ಜೊತೆಗೆ ನಿಮ್ಮ ಆದಾಯದ ಕಡೆಗೂ ಗಮನ ನೀಡಬೇಕು.
- ನಿಮಗೆ ಕನಸಿನಲ್ಲಿ ಬಿಳಿ ಬೆಕ್ಕು ಕಾಣಿಸಿಕೊಂಡರೆ ನೀವು ಎಚ್ಚರದಿಂದಿರಬೇಕು. ಈ ಕಾರಣದಿಂದಾಗಿ ಮುಂದಿನ ದಿನಗಳಲ್ಲಿ ಯಾರೊಂದಿಗಾದರೂ ಜಗಳವಾಗಬಹುದು. ಈ ಕಾರಣದಿಂದಾಗಿ ನೀವು ಹಣವನ್ನು ಕಳೆದುಕೊಳ್ಳಬಹುದು. ಇದರಿಂದಾಗಿ ಆರ್ಥಿಕ ಸ್ಥಿತಿಯು ಹದಗೆಡಬಹುದು.
- ಕನಸಿನಲ್ಲಿ ಮೊಸಳೆಯನ್ನು ನೋಡುವುದು ಭವಿಷ್ಯದಲ್ಲಿ ನೀವು ತೊಂದರೆಯಲ್ಲಿ ಸಿಲುಕುವಿರಿ ಅಥವಾ ಯಾರಾದರೂ ನಿಮಗೆ ತೊಂದರೆ ನೀಡಲು ಪ್ರಯತ್ನಿಸಬಹುದು ಎಂದು ಸೂಚಿಸುತ್ತದೆ.
ಹೌದು ಈ ಮೇಲಿನ ಕೆಲವು ದೃಶ್ಯ ನೀವು ಕನಸಿನಲ್ಲಿ ನೋಡಿದಾಗ ಈ ರೀತಿಯ ಅರ್ಥವನ್ನು ನೀಡುತ್ತದೆ. ಒಟ್ಟಿನಲ್ಲಿ ಕನಸು ಕೂಡ ನಿಮ್ಮ ಜೀವನದ ಆಗು ಹೋಗುಗಳ ಮುನ್ಸೂಚನೆ ನೀಡುತ್ತವೆ ಎನ್ನುವುದಾಗಿದೆ.
