ಕರಾವಳಿ ಜನರು ಆರೋಗ್ಯವಾಗಿರಲು ಪ್ರಮುಖ ಕಾರಣವೇ ಕುಚ್ಚಿಲಕ್ಕಿ ಅನ್ನ ಸೇವನೆ. ಹೌದು ಕರಾವಳಿ ಜನರು ದೇಶ ವಿದೇಶಕ್ಕೆ ಹೋದರು ತಮ್ಮ ಕುಚ್ಚಿಲಕ್ಕಿ ವ್ಯಾಮೋಹ ಬಿಡುವುದಿಲ್ಲ. ಯಾಕೆಂದರೆ ಕುಚ್ಚಿಲಕ್ಕಿ ಗುಣಗಳನ್ನು ಕೇಳಿದರೆ ನೀವು ಸಹ ಆಶ್ಚರ್ಯ ಪಡಬಹುದು. ವೈಟ್ ರೈಸ್ಗೆ ಹೋಲಿಸಿದರೆ ಕುಚ್ಚಿಲಕ್ಕಿ ಬೆಸ್ಟ್. ಸದ್ಯ ನಾನಾ ರೀತಿಯ ಕುಚ್ಚಿಲಕ್ಕಿ ಇವೆ. ಸುಮಾರಾಗಿ ಕಂದು ಬಣ್ಣ ಹೊಂದಿರುತ್ತವೆ.
ಭತ್ತದಿಂದ ಕೇವಲ ಹೊರ ಸಿಪ್ಪೆಯನ್ನು ತೆಗೆದ ನಂತರ ಸಿಗುವ ಅಕ್ಕಿಯನ್ನು ಕುಚ್ಚಲಕ್ಕಿ ಅಥವಾ ಕಂದು ಬಣ್ಣದ ಅಕ್ಕಿ ಅಥವಾ ಬ್ರೌನ್ ರೈಸ್ ಎಂದು ಕರೆಯುತ್ತಾರೆ. ಸಂಸ್ಕರಣೆಯಿಂದಾಗಿ, ಬಿಳಿ ಅಕ್ಕಿಯು ವಿಟಮಿನ್‌ಗಳು ಮತ್ತು ಫೈಬರ್ನ್ನು ಒಳಗೊಂಡಿದೆ. ಮತ್ತೊಂದೆಡೆ, ಕಂದು ಅಕ್ಕಿ ಮ್ಯಾಂಗನೀಸ್, ಕ್ಯಾಲ್ಸಿಯಂ, ಫೈಬರ್ ಮತ್ತು ಪ್ರೋಟೀನ್ ಸೇರಿದಂತೆ ಹಲವಾರು ಪ್ರಯೋಜನಕಾರಿ ಗುಣಗಳನ್ನು ಹೊಂದಿರುವ ಹೊಟ್ಟು ಮತ್ತು ಸೂಕ್ಷ್ಮಾಣುಗಳನ್ನು ಒಳಗೊಂಡಿರುತ್ತದೆ.
ಕುಚ್ಚಲಕ್ಕಿಯ ಅನ್ನವನ್ನು ತಯಾರಿಸುವ ವಿಧಾನ:
- ಅಕ್ಕಿಯನ್ನು ಸುಮಾರು ಎರಡು ಗಂಟೆಗಳ ಕಾಲ ನೆನೆಸಿಡಿ. ಸಮಯವನ್ನು ಉಳಿಸಲು, ನೀವು ರಾತ್ರಿಯಿಡೀ ನೆನೆಸಬಹುದು. ನಂತರ ಅಕ್ಕಿಯನ್ನು ಚೆನ್ನಾಗಿ ತೊಳೆಯಿರಿ. ಒಂದು ಕಪ್ ಅಕ್ಕಿಗೆ 3ರಿಂದ 4 ಲೋಟ ನೀರು ತೆಗೆದುಕೊಳ್ಳಿ. ಕುಕ್ಕರ್ನಲ್ಲಿ ಮಧ್ಯಮ ಉರಿಯಲ್ಲಿ ಸುಮಾರು ಏಳೆಂಟು ಸೀಟಿಗಳವರೆಗೆ ಬೇಯಿಸಿ.
- ಇನ್ನು ಸೌದೆ ಒಲೆಯಲ್ಲಿ ಸಹ ಬೇಯಿಸಬಹುದು. ಅಕ್ಕಿಯನ್ನು ಚೆನ್ನಾಗಿ ತೊಳೆದು ಕುದಿಯುತ್ತಿರುವ ನೀರಿನ ಪಾತ್ರೆಗೆ ಹಾಕಿ ಸುಮಾರು 2 ಗಂಟೆಗಳ ಕಾಲ ಮಧ್ಯಮ ಬೆಂಕಿಯಲ್ಲಿ ಬೇಯಿಸಿ ನಂತರ ಅನ್ನವನ್ನು ಬೇರೆ ಪಾತ್ರಕ್ಕೆ ಸೋಸಿಕೊಳ್ಳಬಹುದು. ಅಥವಾ ಹಾಗೆಯೇ ಗಂಜಿ ಊಟ ಮಾಡಬಹುದು.
ಕುಚ್ಚಲಕ್ಕಿ ಸೇವನೆಯ ಪ್ರಯೋಜನಗಳು:
- ವಿವಿಧ ಅಧ್ಯಯನಗಳ ಪ್ರಕಾರ, ಪ್ರತಿದಿನ ಒಂದು ಕಪ್ ಬ್ರೌನ್ ರೈಸ್ ಅನ್ನವನ್ನು ಸೇವಿಸುವುದರಿಂದ ಮಧುಮೇಹದ ಅಪಾಯವನ್ನು ಶೇಕಡಾ 60 ರಷ್ಟು ಕಡಿಮೆ ಮಾಡಬಹುದು.
ಹೇಗೆಂದರೆ ಕಂದು ಅಕ್ಕಿಯಲ್ಲಿರುವ ಆಹಾರದ ಫೈಬರ್ ಕಾರ್ಬೋಹೈಡ್ರೇಟ್‌ಗಳನ್ನು ರಕ್ತದಲ್ಲಿನ ಸಕ್ಕರೆಯಾಗಿ ಪರಿವರ್ತಿಸುವ ದರವನ್ನು ನಿಧಾನಗೊಳಿಸುತ್ತದೆ. - ಬ್ರೌನ್ ರೈಸ್ ಹೆಚ್ಚಿನ ಫೈಬರ್ ಅಂಶವನ್ನು ಹೊಂದಿದ್ದು, ಇದು ಚಯಾಪಚಯವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ ಮತ್ತು ಜೀರ್ಣಾಂಗ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಈ ಅಂಶಗಳು ಆಮ್ಲೀಯತೆ, ಅಜೀರ್ಣ, ಕರುಳಿನ ಸಮಸ್ಯೆಗಳು ಮತ್ತು ಹೆಚ್ಚಿನವುಗಳ ಅಪಾಯವನ್ನು ಮತ್ತಷ್ಟು ಕಡಿಮೆ ಮಾಡುತ್ತದೆ. ಒಟ್ಟಾರೆ ಕರುಳಿನ ಆರೋಗ್ಯವನ್ನು ಹೆಚ್ಚಿಸುತ್ತದೆ.
- ಕೊಲೆಸ್ಟ್ರಾಲ್ ಮಟ್ಟವನ್ನು ನಿರ್ವಹಿಸಲು ಮತ್ತು ಹೃದಯರಕ್ತನಾಳದ ಕಾಯಿಲೆಗಳ ಅಪಾಯಗಳನ್ನು ತಡೆಯಲು ಸಹಾಯ ಮಾಡುತ್ತದೆ. ಡಾ. ಗಾರ್ಗಿ ಶರ್ಮಾ ಅವರು ಕಂದು ಅಕ್ಕಿಯನ್ನು ಅದರ ಶ್ರೀಮಂತ ಪೋಷಕಾಂಶದ ಪ್ರೊಫೈಲ್‌ನಿಂದ ಸಂಪೂರ್ಣ ಧಾನ್ಯವೆಂದು ಪರಿಗಣಿಸಲಾಗುತ್ತದೆ ಎಂದು ವಿವರಿಸುತ್ತಾರೆ.
- ಫೈಬರ್, ಉತ್ಕರ್ಷಣ ನಿರೋಧಕಗಳು ಮತ್ತು ಹೆಚ್ಚಿನವುಗಳಿಂದ ಸಮೃದ್ಧವಾಗಿರುವ ಬ್ರೌನ್ ರೈಸ್ ತೂಕ ಇಳಿಸುವ ಆಹಾರದಲ್ಲಿರುವ ಜನರಿಗೆ ಉತ್ತಮವೆಂದು ಪರಿಗಣಿಸಲಾಗುತ್ತದೆ. ಇದು ಫೈಬರ್ ಹೊಂದಿದ್ದು ಹೆಚ್ಚು ಗಂಟೆಗಳ ಕಾಲ ಹೊಟ್ಟೆ ತುಂಬಿರುವಂತೆ ಮಾಡುತ್ತದೆ.
- ಇಂಟರ್ನ್ಯಾಷನಲ್ ಜರ್ನಲ್ ಆಫ್ ಮಾಲಿಕ್ಯುಲರ್ ಸೈನ್ಸ್‌ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಸಂಶೋಧಕರು ಇತ್ತೀಚೆಗೆ ಆಂಟಿಆಕ್ಸಿಡೆಂಟ್ ಕುಚ್ಚಲಕ್ಕಿಯಲ್ಲಿ ಸಮೃದ್ದವಾಗಿದೆ ಎಂದು ತಿಳಿಸಿದ್ದಾರೆ. ನೀವು ಕುಚ್ಚಲಕ್ಕಿಯನ್ನು ನಿಮ್ಮ ಆಹಾರ ಕ್ರಮದಲ್ಲಿ ಸೇರಿಸುವುದರಿಂದ ನಿಮ್ಮ ಜೀವಕೋಶಗಳಲ್ಲಿ ಉತ್ಕರ್ಷಣ ನಿರೋಧಕಗಳ ಉತ್ಪಾದನೆಯನ್ನು ಹೆಚ್ಚಿಸುವ ಮೂಲಕ ಒತ್ತಡದಿಂದ ಜೀವಕೋಶಗಳನ್ನು ರಕ್ಷಿಸುತ್ತದೆ ಎಂದು ಸಂಶೋಧಕರು ಹೇಳುತ್ತಾರೆ.
ಒಟ್ಟಿನಲ್ಲಿ ಕುಚ್ಚಿಲಕ್ಕಿ ಅನ್ನದ ಸ್ವಾದವೇ ಬೇರೆ. ಕುಚ್ಚಿಲಕ್ಕಿ ಊಟ ಮಾಡಿದವರು ಆರೋಗ್ಯದ ಜೊತೆಗೆ ಮತ್ತು ಬುದ್ಧಿವಂತಿಕೆ, ದೇಹ ಶಕ್ತಿಯಲ್ಲೂ ಮೇಲು ಗೈ ಎನ್ನಬಹುದು.
