ದಾರಿ ಬಿಡಿ ಸ್ವಲ್ಪ.. ಒಪ್ಪೋದಿಂದ ಎರಡು ಫೋಲ್ಡೇಬಲ್‌ ಫೋನ್‌ ಬಿಡುಗಡೆ | ವ್ಹಾವ್‌ ಏನ್‌ ಲುಕ್‌ ಗುರೂ…

ಹೇಳಿ ಕೇಳಿ ಇದು ಡಿಜಿಟಲ್ ಯುಗದಲ್ಲಿ ಮೊಬೈಲ್ ಎಂಬ ಸಾಧನವನ್ನು ಬಳಸದೆ ಇರುವವರೇ ವಿರಳ. ಅದರಲ್ಲಿ ಕೂಡ ದಿನಕ್ಕೊಂದು ಹೊಸ ಹೊಸ ವೈಶಿಷ್ಟ್ಯದ ಮೂಲಕ ಸ್ಮಾರ್ಟ್ ಫೋನ್ ಮಾರುಕಟ್ಟೆಗೆ ಲಗ್ಗೆ ಇಡುತ್ತಿದೆ. ಈ ವೈಶಿಷ್ಟ್ಯಗಳನ್ನು ನೋಡಿ ಗ್ರಾಹಕರೇ ಯಾವುದನ್ನು ಆಯ್ಕೆ ಮಾಡಿಕೊಳ್ಳಬೇಕು ಎಂದು ಚಿಂತಿಸಿದರೂ ಅಚ್ಚರಿಯಿಲ್ಲ!!. ಇದೀಗ, ಸ್ಯಾಮ್​ಸಂಗ್​ಗೆ ಪ್ರತಿಸ್ಪರ್ಧಿಯಾಗುವತ್ತ ಒಪ್ಪೋ ಕಂಪನಿ​​ ದಾಪುಗಾಲಿಡುತ್ತಿದೆ.

ಒಪ್ಪೋದಿಂದ ಫೈಂಡ್​ ಎನ್​2 ಮತ್ತು ಒಪ್ಪೋ ಫೈಂಡ್​ ಎನ್​2 ಫ್ಲಿಪ್​ ಎಂಬ ಸ್ಮಾರ್ಟ್​ಫೋನ್​​ ಅನ್ನು ಬಿಡುಗಡೆ ಮಾಡಿದ್ದು, ಇದು ಒಪ್ಪೋದಿಂದ ಬಿಡುಗಡೆಯಾಗಿರುವಂತಹ ನವೀನ ಮಾದರಿಯ ಮೊಬೈಲ್ ಆಗಿದೆ. ಈ ಮೊಬೈಲುಗಳು ಮಾರುಕಟ್ಟೆಯಲ್ಲಿ ಸ್ಯಾಮ್​ಸಂಗ್​ ಸ್ಮಾರ್ಟ್​​ಫೋನ್​ಗಳಿಗೆ ಬಹಳಷ್ಟು ಪೈಫೋಟಿ ನೀಡಲಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.

ಒಪ್ಪೋ ಕಂಪನಿ (Oppo Company) ತನ್ನದೇ ಆದ ವಿಭಿನ್ನ ವಿನ್ಯಾಸದಲ್ಲಿ ಈಗಾಗಲೇ ಅನೇಕ ಸ್ಮಾರ್ಟ್​ಫೋನ್​ಗಳನ್ನು ಗ್ರಾಹಕರಿಗೆ ಪರಿಚಯಿಸಿದೆ. ಈ ನಡುವೆ ಇತ್ತೀಚಿನ ದಿನಗಳಲ್ಲಿ ಒಪ್ಪೋ ಕಂಪನಿ ಬಹಳ ಜನಪ್ರಿಯತೆಯನ್ನು ಪಡೆದುಕೊಂಡಿದ್ದು, ಈ ಕಂಪನಿಯು ಬಿಡುಗಡೆ ಮಾಡುವ ಹೊಸ ಸ್ಮಾರ್ಟ್ ಫೋನ್ ಗಳನ್ನೂ ಖರೀದಿಸಲು ಗ್ರಾಹಕರು ಕಾತುರದಿಂದ ಎದುರು ನೋಡುವವರೂ ಕೂಡ ಇದ್ದಾರೆ.

ಇದೀಗ ಒಪ್ಪೋ ತನ್ನ ಗ್ರಾಹಕರಿಗೆ ಸಿಹಿ ಸುದ್ದಿಯೊಂದನ್ನು ನೀಡುತ್ತಿದೆ. ಇದುವರೆಗೆ ಒಪ್ಪೋದಿಂದ ಯಾವುದೇ ಫೋಲ್ಡೇಬಲ್​ ಸ್ಮಾರ್ಟ್​​ಫೋನ್​ಗಳು (Foldable Smartphone) ಬಿಡುಗಡೆಯಾಗಿರಲಿಲ್ಲ. ಆದರೆ ಇತ್ತೀಚೆಗೆ ಒಪ್ಫೋ ಇನ್ನೋ ಡೆ ಎಂಬ ಕಾರ್ಯಕ್ರಮದಲ್ಲಿ ತನ್ನ ಎರಡು ಫೋಲ್ಡೇಬಲ್​ ಮೊಬೈಲ್​​ಗಳನ್ನು ಬಿಡುಗಡೆ ಮಾಡಿದೆ. ಒಪ್ಪೋ ಬಿಡುಗಡೆ ಮಾಡಿರುವ ಫೋಲ್ಡೇಬಲ್​ ಸ್ಮಾರ್ಟ್​​ಫೋನ್​ಗಳು ಒಪ್ಪೋ ಫೈಂಡ್​ ಎನ್​​2 (Oppo Find N2) ಮತ್ತು ಒಪ್ಪೋ ಫೈಂಡ್​ ಎನ್​​2 ಫ್ಲಿಪ್ (Oppo Find N2 Flip)​ ಎಂಬ ಹೆಸರನ್ನು ಹೊಂದಿದೆ.

ಒಪ್ಪೋದಿಂದ ಫೈಂಡ್​ ಎನ್​2 ಮತ್ತು ಒಪ್ಪೋ ಫೈಂಡ್​ ಎನ್​2 ಫ್ಲಿಪ್​ ಎಂಬ ಸ್ಮಾರ್ಟ್​ಫೋನ್​​ ಅನ್ನು ಬಿಡುಗಡೆ ಮಾಡಿದೆ. ಇದು ಒಪ್ಪೋದಿಂದ ಬಿಡುಗಡೆಯಾಗಿರುವಂತಹ ಹೊಸ ಮೊಬೈಲ್ಸ್​ ಆಗಿದ್ದು, ಮಾರುಕಟ್ಟೆಯಲ್ಲಿ ಸ್ಯಾಮ್​ಸಂಗ್​ ಸ್ಮಾರ್ಟ್​​ಫೋನ್​ಗಳಿಗೆ ಬಹಳಷ್ಟು ಪೈಫೋಟಿ ನೀಡಲಿದೆ ಎನ್ನಲಾಗುತ್ತಿದೆ.

ಫೈಂಡ್​ ಎನ್​2ನ 12GB + 256GB ಸ್ಟೋರೇಜ್​ ಹೊಂದಿರುವ ಮೊಬೈಲ್​ಗೆ ಬೆಲೆಯನ್ನು CNY 7,999 ಅಂದರೆ ಭಾರತದಲ್ಲಿ ಸುಮಾರು 95,000 ರೂಪಾಯಿಯಲ್ಲಿ ಖರೀದಿಸಬಹುದಾಗಿದೆ 16GB + 512GB ಸ್ಠೋರೇಜ್​ ಹೊಂದಿರುವ ಸ್ಮಾರ್ಟ್​ಫೊನ್ ಅನ್ವಯ CNY 8,999 ಅಂದರೆ ಭಾರತದಲ್ಲಿ ಸುಮಾರು ರೂ 1,06,800 ನಲ್ಲಿ ಪಡೆಯಬಹುದಾಗಿದೆ. ಈ ಫೋನ್ ಅನ್ನು ಕ್ಲೌಡ್ ವೈಟ್, ಪಿಂಕ್ ಗ್ರೀನ್ ಮತ್ತು ಪ್ಲೇನ್ ಬ್ಲ್ಯಾಕ್ ಬಣ್ಣದ ಆಯ್ಕೆಗಳಲ್ಲಿ ಪರಿಚಯಿಸಲಾಗಿದೆ.

ಒಪ್ಪೋ ಫೈಂಡ್​ ಎನ್​2 ಸ್ಮಾರ್ಟ್​​ಫೋನ್​ನ ಫೀಚರ್ಸ್

ಒಪ್ಪೋ ಫೈಂಡ್​ ಎನ್​2 ಸ್ಮಾರ್ಟ್‌ಫೋನ್‌ ಆಂಡ್ರಾಯ್ಡ್​ 13 ಆಧಾರಿತ ColorOS 13.0 ನಲ್ಲಿ ಕಾರ್ಯನಿರ್ವಹಿಸಲಿದೆ. 7.6-ಇಂಚಿನ 1,792 x 1,920 ಪಿಕ್ಸೆಲ್‌ಗಳನ್ನು ಹೊಂದಿದರುವ ಅಮೋಲ್​ಡ್​ ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ ಆಕ್ಟಾ-ಕೋರ್ ಸ್ನಾಪ್‌ಡ್ರಾಗನ್ 8+ Gen 1 ಪ್ರೊಸೆಸರ್ ಸಾಮರ್ಥ್ಯವನ್ನು ಹೊಂದಿದೆ. ಜೊತೆಗೆ 120Hz ರಿಫ್ರೆಶ್ ರೇಟ್​, 5.54-ಇಂಚಿನ ಪೂರ್ಣ-HD + 1,020 × 2080 ಎಎಮ್ ಡಿಸ್ಪ್ಲೇ ಸ್ಕ್ರೀನ್​ ಅನ್ನು ಒಳಗೊಂಡಿದೆ.

ಇನ್ನು ಇದರ ಕ್ಕ್ಯಾಮೆರ ವೈಶಿಷ್ಟ್ಯತೆ ನೋಡಿದರೆ, 50MP ಪ್ರಾಥಮಿಕ ಕ್ಯಾಮೆರಾ, 32MP ಸೆಲ್ಫಿ ಕ್ಯಾಮೆರಾವನ್ನು ಹೊಂದಿದೆ. ಇನ್ನು ಇದರಲ್ಲಿ ಸೈಡ್ ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸಾರ್​ ಅನ್ನು ಹೊಂದಿದೆ.. 4,520mAh ಡ್ಯುಯಲ್ ಸೆಲ್ ಬ್ಯಾಟರಿ ಬ್ಯಾಕಪ್​ ಅನ್ನು ಇದು ಹೊಂದಿದೆ. 67W SuperVOOC 2.0 ಫಾಸ್ಟ್ ಚಾರ್ಜಿಂಗ್ ಬೆಂಬಲ ಕೂಡ ಇದರಲ್ಲಿ ಅಳವಡಿಸಲಾಗಿದೆ

ಒಪ್ಪೋ ಫೈಂಡ್​ ಎನ್​2 ಫ್ಲಿಪ್​:

ಒಪ್ಪೋ ಫೈಂಡ್​ ಎನ್​2 ಫ್ಲಿಪ್​ ಆಂಡ್ರಾಯ್ಡ್ 13 ಆಧಾರಿತ ColorOS 13.0 ನಲ್ಲಿ ಕಾರ್ಯನಿರ್ವಹಿಸಲಿದೆ. ಇನ್ನು ಇದು 6.8-ಇಂಚಿನ ಪ್ರಾಥಮಿಕ ಪೂರ್ಣ-HD + 1,080×2,520 ಪಿಕ್ಸೆಲ್‌ಗಳ ಜೊತೆ ಅಮೋಲ್​ಡ್​ ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಇದು ಆಕ್ಟಾ-ಕೋರ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 9000+ ಡಿಸ್‌ಪ್ಲೇ ಕೂಡ ಇದೆ.

ಇದರ ಕ್ಯಾಮೆರಾ ಸೆಟಪ್​ ಬಗ್ಗೆ ಮಾಹಿತಿ ಹೀಗಿದೆ: ಇದು ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದ್ದು, ಇದರಲ್ಲಿ 32MP ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದ್ದು, 4,300mAh ಬ್ಯಾಟರಿ ಮತ್ತು 44W SuperVOOC ಚಾರ್ಜಿಂಗ್ ಬೆಂಬಲವನ್ನು ಪ್ರಾಥಮಿಕ ಕ್ಯಾಮೆರಾವನ್ನು ನೀಡಲಾಗಿದೆ.

ಒಪ್ಪೋ ಫೈಂಡ್​ ಎನ್​2 ಫ್ಲಿಪ್ 8GB + 256GB ಸ್ಟೋರೇಜ್​ ಹೊಂದಿದ ಮೊಬೈಲ್​ CNY 5,999 ಅಂದರೆ ಸುಮಾರು 71,000 ರೂಪಾಯಿ ನಿಗದಿಪಡಿಸಲಾಗಿದೆ. 12GB + 256GB ಸ್ಟೋರೇಜ್​ ಹೊಂದಿದ ಮೊಬೈಲ್​ CNY 6,399 ಅಂದರೆ ಭಾರತದಲ್ಲಿ ಸರಿಸುಮಾರು 76,000 ರೂಪಾಯಿ ಇದೆ. ಈ ಸ್ಮಾರ್ಟ್​​ಫೋನ್​ ಅನ್ನು ಬ್ಲ್ಯಾಕ್​, ಗೋಲ್ಡ್​ ಬಣ್ಣಗಳಲ್ಲಿ ಪರಿಚಯಿಸಲಾಗಿದ್ದು, ಈ ಎರಡು ಫೋನ್‌ಗಳು ಮುಂಬರುವ ವಾರಗಳಲ್ಲಿ ಚೀನಾದಲ್ಲಿ ಮಾರಾಟಕ್ಕೆ ಲಭ್ಯವಾಗುತ್ತದೆ. ಇವುಗಳು ಪ್ರಸ್ತುತವಾಗಿ ಪ್ರೀ ಬುಕಿಂಗ್‌ಗೆ ಮಾತ್ರ ಲಭ್ಯವಿದೆ.