ದೀಪಾವಳಿ ಹಬ್ಬ ಸನಿಹವಾಗುತ್ತಿದ್ದಂತೆ , ಜನರ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ದೀಪಾವಳಿ ಮತ್ತು ಛತ್ ಹಬ್ಬಗಳಿಗೆ ಮುಂಚಿತವಾಗಿ ಕೆಲವು ಮಾರ್ಗಸೂಚಿಗಳನ್ನು ಹೊರಡಿಸಿದ್ದಾರೆ .
ಉನ್ನತ ಅಧಿಕಾರಿಗಳೊಂದಿಗೆ ಭಾನುವಾರ ತಡರಾತ್ರಿ ಸಭೆ ನಡೆಸಿರುವ ಮುಖ್ಯಮಂತ್ರಿಗಳು, ಎಲ್ಲಾ ಪಟಾಕಿ ಅಂಗಡಿಗಳು ಮತ್ತು ಅವುಗಳ ಗೋದಾಮುಗಳನ್ನು ಜನನಿಬಿಡ ಪ್ರದೇಶಗಳಿಂದ ದೂರದಲ್ಲಿ ಸ್ಥಾಪಿಸಬೇಕು ಮತ್ತು ಎಲ್ಲೆಡೆ ಅಗ್ನಿಶಾಮಕ ಟೆಂಡರ್ಗಳಿಗೆ ಸಾಕಷ್ಟು ವ್ಯವಸ್ಥೆ ಮಾಡಬೇಕು ಎಂದು ಯೋಗಿ ಆದಿತ್ಯನಾಥ್ ಸೂಚನೆ ನೀಡಿದ್ದಾರೆ.
ಮುಂಬರುವ ದಿನಗಳಲ್ಲಿ, ದೀಪಾವಳಿ, ಗೋವರ್ಧನ ಪೂಜೆ, ಭಾಯಿ-ದೂಜ್, ದೇವೋತ್ಥಾನ ಏಕಾದಶಿ, ಅಯೋಧ್ಯೆ ದೀಪೋತ್ಸವ, ವಾರಣಾಸಿ ದೇವ್ ದೀಪಾವಳಿ ಮತ್ತು ಛಾತ್ ಮಹಾಪರ್ವದಂತಹ ಹಬ್ಬಗಳನ್ನು ಆಚರಿಸಲು ನಿರ್ಧರಿಸಲಾಗಿದೆ.
ಇದಲ್ಲದೆ, ಬಲ್ಲಿಯಾದ ದಾದ್ರಿ ಜಾತ್ರೆ, ಅಯೋಧ್ಯೆಯ ಪಂಚಕೋಸಿ, 84 ಕೋಸಿ ಪರಿಕ್ರಮ, ಪ್ರಯಾಗರಾಜ್ನ ಕಾರ್ತಿಕ ಪೂರ್ಣಿಮಾ ಸ್ನಾನ, ಹಾಪುರದ ಗರ್ಮುಕ್ತೇಶ್ವರ ಜಾತ್ರೆಯಂತಹ ಜಾತ್ರೆಗಳು ಸಹ ಈ ಅವಧಿಯಲ್ಲಿ ನಡೆಯಲಿವೆ.
ಹಾಗಾಗಿ, ದೀಪಾವಳಿ ಹಬ್ಬದ ಸಮಯದಲ್ಲಿ ಪಟಾಕಿ ಅಂಗಡಿಗಳು ತೆರೆದ ಸ್ಥಳಗಳಲ್ಲಿ ಕಾರ್ಯನಿರ್ವಹಿಸಬೇಕಾಗಿದ್ದು, ಪರವಾನಗಿಗಳು / ಎನ್ಒಸಿಗಳನ್ನು ಸಕಾಲದಲ್ಲಿ ನೀಡಲೂ ಅದೇಶಿಸಿದ್ದು, ನಮ್ಮೆಲ್ಲರ ಪರಿಸರ ಮತ್ತು ಆರೋಗ್ಯದ ದೃಷ್ಟಿಯಿಂದ, ಅತ್ಯಂತ ಸೂಕ್ಷ್ಮ ಪಟಾಕಿಗಳ ಖರೀದಿ ಮತ್ತು ಮಾರಾಟವನ್ನು ಪ್ರೋತ್ಸಾಹಿಸಬಾರದು ಎಂದಿದ್ದಾರೆ.
ಉತ್ಸವಗಳನ್ನು ಶಾಂತಿ ಮತ್ತು ಸೌಹಾರ್ದತೆಯಿಂದ ನಡೆಸಲು ಸಾಧ್ಯವಾಗುವಂತೆ ನಿರಂತರ ಸಂವಾದವನ್ನು ಕಾಪಾಡಿಕೊಳ್ಳಲು ಮತ್ತು ವಿವಿಧ ಸಮುದಾಯಗಳ ಎಲ್ಲಾ ಸದಸ್ಯರಿಂದ ಸಹಕಾರವನ್ನು ಪಡೆಯುವಂತೆ ಅವರು ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.
ಕಾನೂನು ಮತ್ತು ಸುವ್ಯವಸ್ಥೆಯ ದೃಷ್ಟಿಯಿಂದ ಸಮಯವು ಸೂಕ್ಷ್ಮವಾಗಿದ್ದು ಮತ್ತು ಪೊಲೀಸರು ಜಾಗರೂಕರಾಗಿರಲು ಕಿವಿ ಮಾತು ನೀಡಿದ್ದಾರೆ.
