ಅಡುಗೆ ಅಂದರೆ ಒಂದು ಅದ್ಭುತವಾದ ಪ್ರಾವಿನ್ಯತೆ ಆಗಿದೆ. ಅಡುಗೆ ಬಲ್ಲವರು ಎಲ್ಲರ ಮನಸ್ಸನ್ನು ಕೂಡ ಗೆಲ್ಲಬಹುದು. ಯಾಕೆಂದರೆ ಅಡುಗೆ ಮಾಡುವವರಿಗೆ ಅಷ್ಟೇ ತಾಳ್ಮೆ ಇದ್ದರೆ ಮಾತ್ರ ಉತ್ತಮ ಅಡುಗೆ ಮಾಡಬಹುದು. ಆಹಾರ ನಮ್ಮ ಜೀವನದಲ್ಲಿ ಅತೀ ಪ್ರಮುಖ. ಗಾಳಿ, ಬೆಳಕು, ನೀರು, ಆಹಾರ ಇವುಗಳು ಇಲ್ಲದೆ ಬದುಕಲು ಸಾಧ್ಯವಿಲ್ಲ. ಹಾಗಾಗಿ ತುಂಬಾ ನಿಧಾನವಾಗಿ, ಹಂತ ಹಂತವಾಗಿ ಅಡುಗೆಯನ್ನು ಮಾಡಬೇಕು ಇಲ್ಲವಾದಲ್ಲಿ ಎಡವಟ್ಟಾಗುವುದು ಖಂಡಿತ. ಕೆಲವೊಮ್ಮೆ ಇದೆಲ್ಲಾ ತಿಳಿದಿದ್ದರೂ ಆಹಾರ ತಯಾರಿಸುವಾಗ ತೊಂದರೆಯುಂಟಾಗುತ್ತದೆ. ಗಡಿಬಿಡಿಯ ಆಹಾರ ತಯಾರಿಕೆಯಲ್ಲಿ ಪಾತ್ರ ತಳ ಹಿಡಿದು ಬಿಡುತ್ತದೆ. ಆಹಾರ ಸೀದು ಹೋಗುತ್ತದೆ. ಹೀಗಾದಾಗ ತಕ್ಷಣಕ್ಕೇ ನಿರಾಶೆಯಾಗೋದು ಖಂಡಿತ. ಮತ್ತೆ ಅಡುಗೆ ಮಾಡಬೇಕು ಅನ್ನೋ ಚಿಂತೆ ಕಾಡಬಹುದು. ಗಡಿಬಿಡಿಯಲ್ಲಿ ಅಡುಗೆ ಮಾಡಿದರೆ ಹೆಚ್ಚು ಬೇಯುವುದು, ಬೇಯದೇ ಇರುವುದು, ಆಹಾರ ಸೀದು ಹೋಗುವುದು ಮೊದಲಾದ ಸಮಸ್ಯೆ ಉಂಟಾಗುತ್ತದೆ.
ಸ್ವಲ್ಪ ಮಟ್ಟಿಗಾದರು ಅಡುಗೆ ಮಾಡುತ್ತಿರುವ ಯಾರಿಗಾದರೂ, ಪದಾರ್ಥಗಳನ್ನು ಹೇಗೆ ಬಳಸುವುದು, ಎಷ್ಟು ಮಸಾಲಾವನ್ನು ಸೇರಿಸಬೇಕು ಮತ್ತು ಮುಖ್ಯ ವಿಷಯಗಳನ್ನು ಅಳತೆ ಮಾಡದೆಯೇ ಪಾಕ ಸಿದ್ದಪಡಿಸಬಹುದು . ಆದರೆ ಅದು ಯಾವಾಗಲೂ ಹಾಗಾಗುವುದಿಲ್ಲ. ಅಡುಗೆಗೆ ಸಾಕಷ್ಟು ಅಭ್ಯಾಸ ಮತ್ತು ತಾಳ್ಮೆ ಅಗತ್ಯವಿರುತ್ತದೆ. ಯಾವ ಖಾದ್ಯಕ್ಕೆ ಯಾವ ಪದಾರ್ಥವನ್ನು ಎಷ್ಟು ಪ್ರಮಾಣದಲ್ಲಿ ಹಾಕಬೇಕು ಎಂಬುದನ್ನು ಮುಖ್ಯವಾಗಿ ತಿಳಿದುಕೊಳ್ಳಲೇ ಬೇಕು.
ನಾವು ಬೇಯಿಸಿಟ್ಟ ಆಹಾರ ಸೀದು ಹೋಗುವ ಸಮಸ್ಯೆ ಸಾಮಾನ್ಯ ಎಲ್ಲರ ಅಡುಗೆ ಮನೆಯಲ್ಲೂ ಆಗುತ್ತದೆ. ಬೇಯಿಸಲಿಟ್ಟಾಗ ನೀರು ಕಡಿಮೆ ಹಾಕುವುದರಿಂದ, ಎಣ್ಣೆ ಕಡಿಮೆ ಬಳಸುವುದರಿಂದ ಇಂಥಾ ಸಮಸ್ಯೆಗಳು ಉಂಟಾಗುತ್ತದೆ.
ನಾವು ಮಾಡಿದ ಅಡುಗೆಯ ಸುಟ್ಟ ವಾಸನೆ ಮತ್ತು ಈ ಸಮಸ್ಯೆಗೆ ಸಲಹೆಗಳು ಇವೆ.
ಸುಟ್ಟ ಆಹಾರವನ್ನು ತೆಗೆದು ಹಾಕಿ:
ಅಡುಗೆಯ ಸಮಯದಲ್ಲಿ ಮಾಂಸ, ತರಕಾರಿ ಅಥವಾ ಯಾವುದೇ ಆಹಾರವನ್ನು ಸುಟ್ಟರೆ, ಆ ಭಾಗದ ಆಹಾರ ತೆಗೆದು ಹಾಕಿ. ಹಾಗೆ ಮಾಡುವುದರಿಂದ, ಆಹಾರ ಹಾಳು ಮಾಡುವುದನ್ನು ತಪ್ಪಿಸಬಹುದು.
ಅಡುಗೆ ಪಾತ್ರೆಯನ್ನು ಬದಲಾಯಿಸಿ:
ಆಹಾರದಲ್ಲಿ ಕೆಳಭಾಗವು ಮಾತ್ರ ಸುಟ್ಟುಹೋದರೆ, ಪಾತ್ರೆಯನ್ನು ಬದಲಾಯಿಸಿ ಮತ್ತು ಸುಟ್ಟ ಆಹಾರವನ್ನು ಕೆರೆದು ಮಿಶ್ರಣ ಮಾಡುವುದನ್ನು ತಪ್ಪಿಸುವುದು ಸುಲಭವಾದ ಉಪಾಯವಾಗಿದೆ.
ಆಲೂಗಡ್ಡೆ ಬಳಸಿ:
ಯಾವುದೇ ಆಹಾರ ಸುಟ್ಟಾಗ ಅದನ್ನು ಉಳಿಸಿಕೊಳ್ಳಲು ಆಲೂಗಡ್ಡೆ ಸೇರಿಸಿ . ಕೆಲವು ಆಲೂಗಡ್ಡೆಗಳನ್ನು ಸಣ್ಣಗೆ ಕತ್ತರಿಸಿ ಆಹಾರ ಸೀದು ಹೋಗಿರುವ ಪಾತ್ರೆಗೆ ಸೇರಿಸಿ. ಸ್ವಲ್ಪ ಸಮಯದವರೆಗೆ ಆಹಾರವನ್ನು ನಿಧಾನವಾಗಿ ಮಿಶ್ರಣ ಮಾಡುತ್ತಿರಿ. ನಂತರ ಆಲೂಗಡ್ಡೆಯನ್ನು ತೆಗೆದು ಹಾಕಿ. ಈಗ ಪಾತ್ರೆಯಲ್ಲಿರುವ ಸುಟ್ಟ ವಾಸನೆ ಸಹ ಇಲ್ಲವಾಗುತ್ತದೆ.
ಈರುಳ್ಳಿಯ ಬಳಕೆ:
ಈರುಳ್ಳಿ ಕೆಲವೊಮ್ಮೆ ಇದು ತುಂಬಾ ವೇಗವಾಗಿ ಬೇಯುತ್ತದೆ, ಮತ್ತು ಕೆಲವೊಮ್ಮೆ ಇದು ಸಮಯ ತೆಗೆದುಕೊಳ್ಳುತ್ತದೆ.ಅಡುಗೆ ಮಾಡುವಾಗ ಈರುಳ್ಳಿ ಸುಟ್ಟುಹೋದರೆ, ಗ್ಯಾಸ್ ಸ್ಟವ್ ಆಫ್ ಮಾಡಿ. ಈರುಳ್ಳಿ ತೆಗೆದು ಪ್ಯಾನ್‌ಗೆ ಸ್ವಲ್ಪ ಎಣ್ಣೆಯನ್ನು ಸೇರಿಸಿ. ಅದನ್ನು ಸ್ವಲ್ಪ ಬಿಸಿ ಮಾಡಿ ಮತ್ತು ಈರುಳ್ಳಿಯನ್ನು ಮತ್ತೆ ಬಿಸಿ ಮಾಡಿಕೊಳ್ಳಿ. ಈಗ ಸ್ವಲ್ಪ ಸಮಯ ಕಾಯಿರಿ ಮತ್ತು ಅವುಗಳನ್ನು ಹುರಿದುಕೊಳ್ಳಿ. ಫ್ರೈ ಮಾಡಿದ ಈರುಳ್ಳಿ ನಿಮ್ಮ ಆಹಾರಗಳಿಗೆ ಆಳ ಮತ್ತು ಪರಿಮಳ ನೀಡುತ್ತದೆ.
ಹುಳಿ ಒಗರು ಅಂಶವನ್ನು ಸೇರಿಸಿ:
ಆಹಾರವು ಸ್ವಲ್ಪ ಸುಟ್ಟಿದ್ದರೆ, ಆಮ್ಲೀಯ ಪದಾರ್ಥಗಳನ್ನು ಸೇರಿಸಿ ಮತ್ತು ಪರಿಮಳವನ್ನು ಸಮತೋಲನಗೊಳಿಸಿ. ಆಹಾರವನ್ನು ಅವಲಂಬಿಸಿ ನೀವು ನಿಂಬೆ ರಸ ಅಥವಾ ವಿನೆಗರ್, ಬಿಳಿ ವೈನ್, ಕೆಂಪು ವೈನ್ ಅಥವಾ ಟೊಮೆಟೊಗಳನ್ನು ಇವುಗಳಲ್ಲಿ ಯಾವುದನ್ನೂ ಬೇಕಾದರು ಆಯ್ಕೆ ಮಾಡಬಹುದು.
ಸಾಸ್ ಸೇರಿಸಿ:
ಬೇಯಿಸಿದ ಆಹಾರವನ್ನು ಸುಟ್ಟುಹೋದಾಗ, ರುಚಿಯನ್ನು ಸಮಾನ ಮಾಡಲು ಸಾಸ್‌ಗಳನ್ನು ಸೇರಿಸಿ. ಕ್ರ್ಯಾನ್‌ಬೆರಿ ಮತ್ತು ನೆಲ್ಲಿಕಾಯಿಯಂತಹ ಸಾಸ್‌ಗಳ ಪರಿಮಳ ಸುಟ್ಟ ವಾಸನೆಯನ್ನು ಮರೆಮಾಚುತ್ತದೆ ಮತ್ತು ಆಹಾರವನ್ನು ಸೇವಿಸಲು ಹೆಚ್ಚು ರುಚಿಯಾಗಿರುತ್ತದೆ.
ದಾಲ್ಚಿನ್ನಿ ಬಳಸಿ:
ಮಸಾಲೆಯುಕ್ತ ಅಥವಾ ಸಿಹಿ ಹಾಲಿನ ಆಹಾರಗಳ ಪ್ರಕಾರವನ್ನು ಆಧಾರಿಸಿ ಸುಟ್ಟ ಆಹಾರವನ್ನು ಸರಿಪಡಿಸಲು ನೀವು ದಾಲ್ಚಿನ್ನಿ ಬಳಸಬಹುದು.
ಕೆನೆ ಉತ್ಪನ್ನಗಳನ್ನು ಬಳಸಿ:
ಆಹಾರವು ಸ್ವಲ್ಪ ಸುಟ್ಟಿದ್ದರೆ, ನೀವು ಕೆನೆ, ಬೆಣ್ಣೆ, ಹಾಲು ಅಥವಾ ಮೊಸರು ಮುಂತಾದ ಡೈರಿ ಉತ್ಪನ್ನಗಳನ್ನು ಸೇರಿಸಬಹುದು. ಈ ಸಲಹೆಯನ್ನು ಪದಾರ್ಥ ಮತ್ತು ಗ್ರೇವಿಗಳಿಗೆ ಮಾತ್ರ ಬಳಸಲಾಗುತ್ತದೆ.
ನೀವು ಮಾಡಿದ ಆಹಾರ ಸುಟ್ಟು ಹೋದಲ್ಲಿ ಅಥವಾ ತಳ ಹಿಡಿದಲ್ಲಿ ಈ ಮೇಲಿನ ಟಿಪ್ಸ್ ಫಾಲೋ ಮಾಡಿ ಅಡುಗೆಯನ್ನು ಸರಿಪಡಿಸಿಕೊಳ್ಳಬಹುದು.
