Doctors Bath: 5 ವರ್ಷದಿಂದ ಸ್ನಾನ ಮಾಡಿಲ್ಲ ಈ ವೈದ್ಯ; ಸ್ನಾನ ಮಾಡದಿರಲು ವೈಜ್ಞಾನಿಕ ಕಾರಣ ತಿಳಿದರೆ ಶಾಕ್‌ ಆಗುತ್ತೀರಿ!

Doctors Bath: ಸ್ನಾನವನ್ನು ಶುಚಿತ್ವ ಮತ್ತು ಆರೋಗ್ಯದ ಸಂಕೇತವೆಂದು ಪರಿಗಣಿಸಲಾಗುತ್ತದೆ, ಆದರೆ ಇದು ನಿಜವಾಗಿಯೂ ಅಗತ್ಯವಿದೆಯೇ? ಈ ನಂಬಿಕೆಯನ್ನು ಪ್ರಶ್ನೆ ಮಾಡಿದ ವೈದ್ಯರು ಐದು ವರ್ಷಗಳ ಕಾಲ ಸ್ನಾನ ಮಾಡದಿರಲು ನಿರ್ಧಾರ ಮಾಡಿದ್ದಾರೆ. ಡಾ. ಜೇಮ್ಸ್ ಹ್ಯಾಂಬ್ಲಿನ್ ಎಂಬುವವರು ನಮ್ಮ ಚರ್ಮಕ್ಕೆ ನಿಜವಾಗಿ ಎಷ್ಟು ಶುದ್ಧೀಕರಣದ ಅಗತ್ಯವಿದೆ ಎಂಬುದನ್ನು ಕಂಡುಹಿಡಿಯಲು ಐದು ವರ್ಷಗಳ ಕಾಲ ಸ್ನಾನ ಮಾಡಲಿಲ್ಲ.

ಈ ಕುರಿತ ತಮ್ಮ ಅನುಭವವನ್ನು 2020 ರಲ್ಲಿ ಪ್ರಕಟಿಸಿದ ಕ್ಲೀನ್: ದಿ ನ್ಯೂ ಸೈನ್ಸ್ ಆಫ್ ಸ್ಕಿನ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಸ್ನಾನ ಮಾಡದೆ ದೇಹ ವಾಸನೆ ಬರುವುದಿಲ್ಲವೇ ಎಂಬ ಬಹುದೊಡ್ಡ ಪ್ರಶ್ನೆ ಜನರ ಮನಸ್ಸಿನಲ್ಲಿತ್ತು. ಡಾ. ಜೇಮ್ಸ್ ಹ್ಯಾಂಬ್ಲಿನ್ ಅವರ ಪ್ರತಿಕ್ರಿಯೆ ನೀಡಿರುವ ಪ್ರಕಾರ ಅವರು ನಿಯಮಿತವಾಗಿ ಸಾಬೂನಿನಿಂದ ಕೈಗಳನ್ನು ತೊಳೆದುಕೊಳ್ಳುತ್ತಾರೆ, ಅಗತ್ಯವಿದ್ದಾಗ ಕೂದಲನ್ನು ಒದ್ದೆ ಮಾಡುತ್ತಾರೆ ಮತ್ತು ದೇಹದ ಮೇಲೆ ಕೊಳಕು ಕಂಡಾಗ ನೀರಿನಿಂದ ಸ್ವಚ್ಛಗೊಳಿಸುತ್ತಾರೆ.

ಡಾ. ಹ್ಯಾಂಬ್ಲಿನ್ ಪ್ರಕಾರ, ನಾವು ಸ್ನಾನ ಮಾಡುವಾಗ, ವಿಶೇಷವಾಗಿ ಬಿಸಿನೀರು ಮತ್ತು ಸಾಬೂನು ಬಳಸಿ, ಅದು ನಮ್ಮ ಚರ್ಮದ ನೈಸರ್ಗಿಕ ತೈಲಗಳು ಮತ್ತು ಸೂಕ್ಷ್ಮಜೀವಿಗಳನ್ನು ತೆಗೆದುಹಾಕುತ್ತದೆ. ಚರ್ಮದ ಮೇಲೆ ಇರುವ ಈ ಸೂಕ್ಷ್ಮಜೀವಿಗಳು ದೇಹದ ಆಂತರಿಕ ಮತ್ತು ಬಾಹ್ಯ ಸಮತೋಲನಕ್ಕೆ ಸಹಾಯ ಮಾಡುತ್ತವೆ. ಅತಿಯಾದ ಸ್ನಾನವು ಚರ್ಮವನ್ನು ಒಣಗಿಸುತ್ತದೆ ಮತ್ತು ದೇಹದ ನೈಸರ್ಗಿಕ ರಕ್ಷಣಾ ವ್ಯವಸ್ಥೆಯನ್ನು ದುರ್ಬಲಗೊಳಿಸುತ್ತದೆ.

ನೈರ್ಮಲ್ಯ ಮತ್ತು ಸ್ನಾನ ಒಂದೇ ವಿಷಯವಲ್ಲ ಎಂದು ಡಾಕ್ಟರ್‌ ಹೇಳಿದ್ದಾರೆ. ನೈರ್ಮಲ್ಯವು ಕೈ ತೊಳೆಯುವುದು ಮತ್ತು ಶುಚಿತ್ವವನ್ನು ಕಾಪಾಡಿಕೊಳ್ಳುವುದು ಮುಂತಾದ ರೋಗಗಳನ್ನು ತಡೆಗಟ್ಟಲು ಸಂಬಂಧಿಸಿದೆ. ಆದರೆ ಸ್ನಾನವು ತಾಜಾತನ ಮತ್ತು ಸೌಂದರ್ಯಕ್ಕೆ ಸಂಬಂಧಿಸಿದೆ. ಸಮಾಜದ ಪ್ರಭಾವದಿಂದ ದಿನನಿತ್ಯ ಸ್ನಾನ ಮಾಡುವುದನ್ನು ರೂಢಿ ಮಾಡಿಕೊಂಡಿದ್ದೇವೆ ಆದರೆ ಆರೋಗ್ಯಕ್ಕೆ ಇದು ಅನಿವಾರ್ಯವಲ್ಲ.

ಸಂಶೋಧಕರ ಪ್ರಕಾರ, ಚರ್ಮದ ಸೂಕ್ಷ್ಮಜೀವಿ ನಮ್ಮ ಆರೋಗ್ಯದಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಇದನ್ನು ಸಾಬೂನು ಮತ್ತು ಶವರ್ ಜೆಲ್‌ನಿಂದ ಆಗಾಗ್ಗೆ ಸ್ವಚ್ಛಗೊಳಿಸುವುದರಿಂದ ಪ್ರಯೋಜನಕಾರಿ ಬ್ಯಾಕ್ಟೀರಿಯಾ ಹೋಗುತ್ತದೆ. ಇದು ಚರ್ಮದ ಸಮಸ್ಯೆಗಳು ಮತ್ತು ಇತರ ಆರೋಗ್ಯ ಅಪಾಯಗಳಿಗೆ ಕಾರಣವಾಗಬಹುದು. ಡಾ. ಹ್ಯಾಂಬ್ಲಿನ್ ಅವರ ಈ ಅಧ್ಯಯನವು ನಾವು ನಿಜವಾಗಿಯೂ ಪ್ರತಿದಿನ ಸ್ನಾನ ಮಾಡಬೇಕೇ ಅಥವಾ ಅದು ಕೇವಲ ಅಭ್ಯಾಸವೇ ಎಂಬ ಪ್ರಶ್ನೆಯನ್ನು ಹುಟ್ಟುಹಾಕುತ್ತದೆ. ಕೆಲವರಿಗೆ ಸ್ನಾನ ಮಾಡದೆ ನೆಮ್ಮದಿಯೆನಿಸಿದರೆ, ಇನ್ನು ಕೆಲವರಿಗೆ ಅದು ಅಗತ್ಯ ಎನಿಸಬಹುದು. ನಿಮ್ಮ ದೇಹದ ಅಗತ್ಯಗಳನ್ನು ಅರ್ಥಮಾಡಿಕೊಳ್ಳುವುದು ಮತ್ತು ಅದಕ್ಕೆ ಅನುಗುಣವಾಗಿ ಶುದ್ಧೀಕರಣ ವಿಧಾನವನ್ನು ಅಳವಡಿಸಿಕೊಳ್ಳುವುದು ಅತ್ಯಂತ ಮುಖ್ಯವಾದ ವಿಷಯವಾಗಿದೆ.