Covishield: ಕೋವಿಶೀಲ್ಡ್ ಲಸಿಕೆನ ನಿಜವಾಗಲೂ ಹೃದಯಾಘಾತಕ್ಕೆ ಕಾರಣವಾಗುತ್ತಾ? : ಅಸಲಿಗೆ ವೈದ್ಯರು ಏನು ಹೇಳುತ್ತಾರೆ?
Covishield: ಕಳೆದ ಕೆಲ ದಿನಗಳಿಂದ ಕೋವಿಡ್ ಲಸಿಕೆ ಕುರಿತು ಅಂತರ್ಜಾಲದಲ್ಲಿ ಬಾರಿ ಚರ್ಚೆ ನಡೆಯುತ್ತಿದೆ. ಕೋವಿಡ್ ಶೀಲ್ಡ್ ಲಸಿಕೆ ತೆಗೆದುಕೊಂಡವರಿಗೆ ಹೃದಯಾಘಾತವಾಗುವ ಸಾಧ್ಯತೆ ಹೆಚ್ಚು ಎಂಬ ಮೀಮ್ಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. ಆದರೆ ಇದು ಎಷ್ಟರ ಮಟ್ಟಿಗೆ ಸತ್ಯ ಎಂಬುದರ ಕುರಿತು ಸಂಪೂರ್ಣ ವಿವರಗಳನ್ನು ಈಗ ತಿಳಿಯೋಣ.
ಕೋವಿಡ್ ಶೀಲ್ಡ್ ಲಸಿಕೆಯಿಂದ ಅಡ್ಡ ಪರಿಣಾಮಗಳಾಗುವ ಸಾಧ್ಯತೆ ಇದೆ ಎಂದು ಆಸ್ಟ್ರಾಜೆನೆಕಾ ಕಂಪನಿ ಇದೀಗ ನ್ಯಾಯಾಲಯದಲ್ಲಿ ಒಪ್ಪಿಕೊಂಡಿದೆ. ಈ ಸುದ್ದಿಯೊಂದಿಗೆ, ಕೋವಿಡ್ ಲಸಿಕೆ ಇದ್ದಕ್ಕಿದ್ದಂತೆ ಎಲ್ಲೆಡೆ ಹಾಟ್ ಟಾಪಿಕ್ ಆಗಿಬಿಟ್ಟಿದೆ. ಈ ಸುದ್ದಿಯಿಂದ ಕೋವಿಡ್ ಶೀಲ್ಡ್ ಹಾಕಿಸಿಕೊಂಡವರೆಲ್ಲ ಭಯಗೊಂಡಿದ್ದಾರೆ. ಆದರೆ ಇದು ನಿಜವಾಗಿಯೂ ಅಪಾಯಕಾರಿಯೇ? ವೈದ್ಯರು ಏನು ಹೇಳುತ್ತಾರೆ? ಬನ್ನಿ ತಿಳಿಯೋಣ.
ಇದನ್ನೂ ಓದಿ: Belagavi: ನನ್ನ ಸಿಡಿ ಕೇಸ್‌ನಲ್ಲಿಯೂ ಡಿಕೆಶಿ ಆಡಿಯೋ ಇದೆ; ಹಣದಲ್ಲಿ ಈ ಮಹಾನ್‌ ನಾಯಕ ಪ್ರಭಾವಿ ಇದ್ದಾರೆ-ರಮೇಶ್‌ ಜಾರಕಿಹೊಳಿ
ಪ್ರಪಂಚದಾದ್ಯಂತ ಲಕ್ಷಾಂತರ ಜನರು ಕೋವಿಶೀಲ್ಡ್ ವಿರುದ್ಧ ಲಸಿಕೆ ಹಾಕಿದ್ದಾರೆ. ನಮ್ಮ ದೇಶದಲ್ಲೂ ಈ ಲಸಿಕೆ ತೆಗೆದುಕೊಂಡವರು ಕೋಟಿಗಟ್ಟಲೆ ಜನ ಇದ್ದಾರೆ. ಆದರೆ ಇದರಿಂದ ನಿಜವಾಗಿಯೂ ಭಯಪಡುವ ಅಗತ್ಯವಿಲ್ಲ ಎನ್ನುತ್ತಾರೆ ವೈದ್ಯರು. ಕೋವಿಶೀಲ್ಡ್ ಲಸಿಕೆಯಿಂದ ಗಂಭೀರ ಅಡ್ಡ ಪರಿಣಾಮಗಳು ಉಂಟಾಗಬಹುದು ಎಂಬುದು ನಿಜವಾದರೂ, ವಿಶ್ವ ಆರೋಗ್ಯ ಸಂಸ್ಥೆಯು ಶೇಕಡಾವಾರು ತುಂಬಾ ಕಡಿಮೆ ಎಂದು ಹೇಳುತ್ತದೆ.
ನಿಖರವಾಗಿ ಹೇಳುವುದಾದರೆ, ಎರಡೂವರೆ ಮಿಲಿಯನ್ ಜನರಲ್ಲಿ ಒಬ್ಬರು ರಕ್ತ ಹೆಪ್ಪುಗಟ್ಟುವಿಕೆಯನ್ನು ಅನುಭವಿಸುತ್ತಾರೆ. ಆದರೆ ವ್ಯಾಕ್ಸಿನೇಷನ್ ಮಾಡಿದ ಮೂರು ತಿಂಗಳೊಳಗೆ ಇದು ಸಂಭವಿಸುತ್ತದೆ. ಅಸ್ಟ್ರಾಜಿನಕಾ ವಿರುದ್ಧ ಮೊಕದ್ದಮೆ ಹೂಡಿದ ವ್ಯಕ್ತಿ ಜೇಮೀ ಸ್ಕಾಟ್, ಲಸಿಕೆಯನ್ನು ಪಡೆದ ಕೆಲವು ದಿನಗಳ ನಂತರ ರಕ್ತ ಹೆಪ್ಪುಗಟ್ಟುವಿಕೆಯಿಂದ ಹೃದಯದ ಸಮಸ್ಯೆಗಳನ್ನು ಕಾಣಿಸಿಕೊಂಡ ನಂತರ ಏಪ್ರಿಲ್ 2021 ರಲ್ಲಿ ಲಸಿಕೆ ಕಂಪನಿಯ ವಿರುದ್ಧ ಕಾನೂನು ಕ್ರಮ ಕೈಗೊಂಡಿದ್ದರು. ಆ ಪ್ರಕರಣದ ಮೊಕದ್ದಮೆ ತೀರ್ಪು ಇದೀಗ ಹೊರಬಿದ್ದಿದೆ. ಹಾಗಾಗಿ ಎಲ್ಲರೂ ಈಗ ಲಸಿಕೆಗೆ ಹೆದರುತ್ತಿದ್ದಾರೆ.
WHO ಪ್ರಕಾರ :
ಒಂದು ವೇಳೆ ಸೈಡ್ ಎಫೆಕ್ಟ್ ಕಂಡುಬರುವುದಾದರೆ ಮೂರು ತಿಂಗಳೊಳಗೆ ಕಾಣಿಸಿಕೊಳ್ಳುತ್ತದೆ. ಹಾಗಾಗಿ 2021, 2022, 2023ರಲ್ಲಿ ಲಸಿಕೆ ಹಾಕಿಸಿಕೊಂಡವರು ಈಗ ಭಯಪಡಬೇಕಾಗಿಲ್ಲ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ WHO ತಿಳಿಸಿದೆ. ಈ ನಡುವೆ ಕೋವಿಡ್ ಶೀಲ್ಡ್ ಲಸಿಕೆಯನ್ನು ಭಾರತದಲ್ಲಿಯೇ ತಯಾರಿಸಿರುವ ಸೆರಮ್’ ಕಂಪನಿಯು ಅಸ್ಸ್ಟ್ರಾಜೆನೆಕಾದ ಮಾದರಿಯನ್ನೇ ತೆಗೆದುಕೊಂಡಿದ್ದೇವೆ ಹಾಗಾಗಿ ಇಲ್ಲಿನ ಲಸಿಕೆಯಿಂದ ಅಂತಹ ಅಪಾಯವಿಲ್ಲ ಎನ್ನುತ್ತಿದೆ.
