Vitla: ಕಾರು ಮತ್ತು ದ್ವಿಚಕ್ರ ವಾಹನಗಳ ನಡುವೆ ಭೀಕರ ಅಪಘಾತ ಸಂಭವಿಸಿದ್ದು, ಎರಡು ವಾಹನಗಳಲ್ಲಿದ್ದ ಒಟ್ಟು ಆರು ಮಂದಿ ಕೂಡಾ ಗಾಯಗೊಂಡ ಘಟನೆಯೊಂದು ಮಾಣಿ-ಕೊಡಾಜೆ ಗಡಿಭಾಗದಲ್ಲಿ ನಡೆದಿರುವ ಕುರಿತು ವರದಿಯಾಗಿದೆ.
ಮದುವೆ ಕಾರ್ಯಕ್ಕೆಂದು ಬಟ್ಟೆ ಖರೀದಿ ಮಾಡಲೆಂದು ಹೋಗಿದ್ದ ಸುಳ್ಯದ ಕುಟುಂಬವು ಮನೆಗೆ ವಾಪಸ್ಸು ಬರುವ ಸಂದರ್ಭದಲ್ಲಿ ಈ ಅವಘಢ ಸಂಭವಿಸಿದೆ. ಮಂಗಳೂರಿನಿಂದ ಸುಳ್ಯ ಕಡೆ ಹೋಗುತ್ತಿದ್ದ ಕಾರು ಎದುರು ಕಡೆಯಿಂದ ಬರುತ್ತಿದ್ದ ಆಕ್ಟೀವಾ ವಾಹನಕ್ಕೆ ಡಿಕ್ಕಿ ಹೊಡೆದಿದ್ದು, ಈ ಘಟನೆಯಲ್ಲಿ ಆಕ್ಟೀವಾ ವಾಹನ ಸಂಪೂರ್ಣವಾಗಿ ಜಖಂ ಗೊಂಡಿದೆ.
ವಿದ್ಯಾ (20), ಚೈತ್ರಾ (23) ಹಾಗೂ ಮತ್ತೋರ್ವ ಮಹಿಳೆ ಗಾಯಗೊಂಡವರು ಎಂದು ವರದಿಯಾಗಿದೆ. ಕಾರಿನ ಚಾಲಕನಿಗೂ ಗಾಯವಾಗಿದೆ. ಆಕ್ಟೀವಾದಲ್ಲಿ ಇದ್ದ ಇಬ್ಬರಿಗೂ ಗಾಯವಾಗಿರುವ ಕುರಿತು ವರದಿಯಾಗಿದೆ. ಗಾಯಗೊಂಡವರನ್ನು ಮಂಗಳೂರು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.
