Earthquake: ಭಾರೀ ಭೂಕಂಪ, 1000ಕ್ಕೂ ಹೆಚ್ಚು ಮಂದಿ ಸಾವು!!

Earthquake in Afghanistan : ಪಶ್ಚಿಮ ಅಫ್ಘಾನಿಸ್ತಾನದಲ್ಲಿ ಭಾನುವಾರದಂದು 6.3 ತೀವ್ರತೆಯ ಭೂಕಂಪ ಸಂಭವಿಸಿದೆ ಎಂದು ಯುಎಸ್ ಜಿಯೋಲಾಜಿಕಲ್ ಸರ್ವೆ ವರದಿ ಮಾಡಿದೆ. ಇಡೀ ಹಳ್ಳಿಗಳು ನೆಲಸಮವಾಗಿದ್ದು ಮತ್ತು ಈ ತಿಂಗಳ ಸರಣಿ ಕಂಪನದಿಂದ 1,000 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿರುವ ಕುರಿತು ವರದಿಯಾಗಿದೆ.

ಅಕ್ಟೋಬರ್ 7 ರಂದು, ಮತ್ತೊಂದು ರಿಕ್ಟರ್ ಮಾಪಕದಲ್ಲಿ 6.3 ಭೂಕಂಪ ಮತ್ತು ಎಂಟು ಪ್ರಬಲವಾದ ನಂತರದ ಆಘಾತಗಳು ಹೆರಾತ್‌ನ ಅದೇ ಭಾಗದಲ್ಲಿ ಸಂಭವಿಸಿದ್ದವು. ಈ ಭೂಕಂಪ ಗ್ರಾಮೀಣ ಪ್ರದೇಶದಲ್ಲಿರುವ ಮನೆಗಳನ್ನು ಉರುಳಿಸಿದ್ದು, ಮತ್ತು 1,000 ಕ್ಕೂ ಹೆಚ್ಚು ಜನರು ಸಾಯುವಂತೆ ಮಾಡಿದೆ ಹಾಗೂ ನೂರಕ್ಕೂ ಹೆಚ್ಚು ಜನರು ಗಾಯಗೊಂಡಿರುವ ಘಟನೆ ನಡೆದಿದೆ.

ಭೂಕಂಪದಲ್ಲಿ ಸಾವನ್ನಪ್ಪಿದವರಲ್ಲಿ ಶೇಕಡ 90 ಕ್ಕಿಂತ ಹೆಚ್ಚು ಮಹಿಳೆಯರು ಮತ್ತು ಮಕ್ಕಳು ಎಂದು ಯುನಿಸೆಫ್ ಬುಧವಾರ ತಿಳಿಸಿದೆ. 12,000 ಕ್ಕೂ ಹೆಚ್ಚು ಜನರು ಭೂ ಕಂಪನದಿಂದ ತೀವ್ರವಾಗಿ ಬಳಲಿದ್ದಾರೆ ಎಂದು ವಿಶ್ವಸಂಸ್ಥೆ ತಿಳಿಸಿದೆ.