Lucky Moles On Body: ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ದೇಹದಲ್ಲಿನ ಮಚ್ಚೆಗಳಿಂದ (Birth Marks) ಕೂಡ ವ್ಯಕ್ತಿಯ ಬಗ್ಗೆ ಮಾಹಿತಿ ತಿಳಿಯಬಹುದು ಎನ್ನಲಾಗಿದೆ. ಮಾನವ ದೇಹದ ಮೇಲೆ ಕಂಡು ಬರುವ ಈ ವಿಶಿಷ್ಟ ಗುರುತಿನ ಗುರುತುಗಳು ವ್ಯಕ್ತಿಯ ವ್ಯಕ್ತಿತ್ವ ಮತ್ತು ಅವರ ಭವಿಷ್ಯದ ಬಗ್ಗೆ ಒಳನೋಟವನ್ನು ನೀಡುತ್ತವೆ. ಮಚ್ಚೆಗಳು (Moles) ಸಾಮಾನ್ಯವಾಗಿ ಚರ್ಮದ ಮೇಲೆ ಕಾಣುವ ಕಂದು (Brown) ಮತ್ತು ಕಪ್ಪು (Black) ಬಣ್ಣದ ಸಣ್ಣ ಕಲೆಗಳಾಗಿದ್ದು, ಮಚ್ಚೆಯ ಆಕಾರ, ಗಾತ್ರ ಮತ್ತು ಬಣ್ಣವನ್ನು ಆಧರಿಸಿ ವ್ಯಕ್ತಿಯ ಅದೃಷ್ಟದ ಬಗ್ಗೆ ತಿಳಿದುಕೊಳ್ಳಬಹುದು. ಅದರಲ್ಲಿಯೂ ದೇಹದ ಕೆಲ ಭಾಗದಲ್ಲಿ (Lucky Moles On Body) ಮಚ್ಚೆ ಇದ್ದರೆ ಖ್ಯಾತಿ, ಗೌರವ ಹುಡುಕಿಕೊಂಡು ಬರುತ್ತದೆ ಎಂದು ಹೇಳಲಾಗಿದೆ.
ತುಟಿಗಳ ಮೇಲೆ ಮಚ್ಚೆ: ಮಹಿಳೆಯರ ತುಟಿಗಳ ಮೇಲ್ಭಾಗದಲ್ಲಿ ಅಥವಾ ಮೂಗಿನ ಬಳಿ ಮಚ್ಚೆ ಇದ್ದರೆ ಶುಭವೆಂದು ಪರಿಗಣಿಸಲಾಗುತ್ತದೆ. ಇದರಿಂದ ಮಹಿಳೆಯರ ಸೌಂದರ್ಯ ಹೆಚ್ಚುವುದಲ್ಲದೆ, ಅದೃಷ್ಟವೂ ಒದಗುತ್ತದೆ. ಮಹಿಳೆ ಅಥವಾ ಪುರುಷನ ತುಟಿಯ ಮೇಲಿನ ಬಲಭಾಗದಲ್ಲಿ ಮಚ್ಚೆ ಇದ್ದರೆ ಅಂಥವರ ದಾಂಪತ್ಯ ಜೀವನ ಸುಖವಾಗಿರುತ್ತದೆ.
ಮೂಗಿನ ಮೇಲೆ ಮಚ್ಚೆ: ಮಹಿಳೆಯ ಮೂಗಿನ ಮೇಲೆ ಮಚ್ಚೆ ಇರುವುದು ಅದೃಷ್ಟದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಸಮುದ್ರಶಾಸ್ತ್ರ, ಮಹಿಳೆಗೆ ಹಣದ ಕೊರತೆಯಾಗುವುದಿಲ್ಲ ಎಂದು ಹೇಳುತ್ತದೆ. ಮಹಿಳೆ ಮದುವೆಯ ಬಳಿಕ ಪತಿಗೆ ಅದೃಷ್ಟವನ್ನು ತರುತ್ತಾಳೆ. ಹಾಗೂ ತುಂಬಾ ಪ್ರತಿಭಾವಂತಳಾಗಿರುತ್ತಾಳೆ.
ಕಿವಿಯ ಮೇಲೆ ಮಚ್ಚೆ: ಸಮುದ್ರ ಶಾಸ್ತ್ರದ ಪ್ರಕಾರ ಬಲ ಕಿವಿಯ ಮೇಲೆ ಮಚ್ಚೆಯು ಅದೃಷ್ಟದ ಸಂಕೇತವಾಗಿದೆ. ಈ ಜನರು ತುಂಬಾ ಕೋಪಗೊಳ್ಳುತ್ತಾರೆ. ಜ್ಯೋತಿಷ್ಯದಲ್ಲಿ, ಎಡ ಕಿವಿಯ ಮೇಲೆ ಮಚ್ಚೆ ಇರುವ ವ್ಯಕ್ತಿಯನ್ನು ಬುದ್ಧಿವಂತ ಎಂದು ಪರಿಗಣಿಸಲಾಗುತ್ತದೆ. ಹೆಚ್ಚಿನ ಸ್ವಾಭಿಮಾನವನ್ನು ಹೊಂದಿದ್ದಾರೆಂದು ಹೇಳಲಾಗುತ್ತದೆ.
ಕಣ್ಣಿನ ಮೇಲೆ ಮಚ್ಚೆ: ಕಣ್ಣಿನ ಮೇಲೆ ಮಚ್ಚೆ ಇರುವ ಪುರುಷರು ಮತ್ತು ಮಹಿಳೆಯರಿಗೆ ವಿಭಿನ್ನ ಅರ್ಥಗಳನ್ನು ಹೊಂದಿದೆ. ಒಬ್ಬ ಮನುಷ್ಯನಿಗೆ ಬಲಗಣ್ಣಿನ ಮೇಲೆ ಮಚ್ಚೆ ಇದ್ದರೆ, ಅವನು ತನ್ನ ಸಂಗಾತಿಯೊಂದಿಗೆ ಉತ್ತಮ ಸಂಬಂಧವನ್ನು ಹೊಂದಿರುತ್ತಾನೆ.
ಬಲ ಕೆನ್ನೆಯ ಮೇಲಿನ ಮಚ್ಚೆ: ಬಲ ಕೆನ್ನೆಯ ಮೇಲೆ ಮಚ್ಚೆ ಇದ್ದರೆ ಅದು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಇವರ ಆರ್ಥಿಕ ಸ್ಥಿತಿ ಉತ್ತಮವಾಗಿರುತ್ತದೆ. ಇವರ ಮೇಲೆ ಮಹಾಲಕ್ಷ್ಮೀ ಕೃಪೆ ಇರುತ್ತದೆ. ಇವರು ತಮ್ಮ ಸಂಗಾತಿಯ ಬಗ್ಗೆ ಪ್ರಾಮಾಣಿಕವಾಗಿರುತ್ತಾರೆ.
ಹುಬ್ಬುಗಳ ಮೇಲೆ ಮಚ್ಚೆ: ಮಹಿಳೆಯ ಹುಬ್ಬುಗಳ ಮೇಲೆ ಮಚ್ಚೆಗಳಿದ್ದರೆ ಅದು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗಿದೆ. ಆ ಸ್ತ್ರೀಯರು ಬುದ್ದಿವಂತರು ಮತ್ತು ಜೀವನದಲ್ಲಿ ಖಂಡಿತ ಶ್ರೀಮಂತರಾಗುತ್ತಾರೆ. ಹುಬ್ಬುಗಳ ಮಧ್ಯದಲ್ಲಿರುವ ಮಚ್ಚೆಯು ನಾಯಕತ್ವದ ಗುಣಗಳನ್ನು ಹೇಳುತ್ತದೆ. ಇಂಥವರು ಖ್ಯಾತಿಯನ್ನು ಪಡೆಯುವುದಲ್ಲದೇ ಆರ್ಥಿಕ ಸಮೃದ್ಧಿಯನ್ನು ಹೊಂದಿರುತ್ತಾರೆ. ಹುಬ್ಬಿನ ಬಲಭಾಗದಲ್ಲಿರುವ ಮಚ್ಚೆಯು ಸಂತೋಷ ಮತ್ತು ಸುಖ ವೈವಾಹಿಕ ಜೀವನ ಹಾಗೂ ಆರೋಗ್ಯವಂತ ಮಕ್ಕಳನ್ನು ಸೂಚಿಸುತ್ತದೆ.
ಇದನ್ನು ಓದಿ: Difference of Restroom, Bathroom and Washroom: ಬಾತ್ ರೂಮ್, ರೆಸ್ಟ್ ರೂಮ್ ಮತ್ತು ವಾಶ್ ರೂಮ್ ಇವುಗಳ ವ್ಯತ್ಯಾಸ ಗೊತ್ತಾ?
