Pan card : ಪ್ಯಾನ್ ಕಾರ್ಡ್(Pan Card) ಹಾಗೂ ಆಧಾರ್ ಕಾರ್ಡ್(Adhar Card) ಕುರಿತಂತೆ ಇತ್ತೀಚಿನ ದಿನಗಳಲ್ಲಿ ಹಲವಾರು ವಿಚಾರಗಳು ಕೇಳಿಬರುತತಿವೆ. ಪಾನ್ ಹಾಗೂ ಆಧಾರ್ ಲಿಂಕ್ ಮಾಡಲು ಈ ತಿಂಗಳೇ ಕೊನೆಯ ಗಡುವಾಗಿದೆ. ಅಂದರೆ ಮಾರ್ಚ್ 31ರ ಒಳಗೆ ನೀವು ಅವಶ್ಯವಾಗಿ ಇವುಗಳನ್ನು ಲಿಂಕ್ ಮಾಡಿಸಬೇಕು. ಇದರೊಂದಿಗೆ ಸದ್ಯ ಪಾನ್ ಕಾರ್ಡ್ ಕುರಿತಂತೆ ಮತ್ತೊಂದು ಮಾಹಿತಿ ಲಭ್ಯವಾಗಿದೆ.
ನೀವು ಒಂದಕ್ಕಿಂತ ಹೆಚ್ಚು ಪ್ಯಾನ್ ಕಾರ್ಡ್‌ಗಳನ್ನು ಹೊಂದಿದ್ದೀರಾ? ಹಾಗಿದ್ರೆ ಇಲ್ಲಿ ಗಮನಿಸಿ. ಹಾಗೇನಾದರೂ ನೀವು ಎರಡು ಪಾನ್ ಕಾರ್ಡ್ ಹೊಂದಿದ್ದರೆ ಅವುಗಳನ್ನು ಸರೆಂಡರ್ ಮಾಡುವುದು ಉತ್ತಮ. ಇದನ್ನು ಮಾಡಲು ಸಂಪೂರ್ಣ ಕಾರ್ಯವಿಧಾನವೂ ಲಭ್ಯವಿದೆ. ಇದನ್ನು ಆನ್‌ಲೈನ್ ಮತ್ತು ಆಫ್‌ಲೈನ್ ಎರಡರಲ್ಲೂ ಮಾಡಬಹುದು.(ಸಾಂಕೇತಿಕ ಚಿತ್ರ)
ಹೌದು, ಆದಾಯ ತೆರಿಗೆ ಇಲಾಖೆ(Income tax office) ಪ್ರಕಾರ, ಒಬ್ಬ ವ್ಯಕ್ತಿ ಒಂದಕ್ಕಿಂತ ಹೆಚ್ಚು ಪ್ಯಾನ್ ಕಾರ್ಡ್ ಹೊಂದಿದ್ದರೆ, ಕನಿಷ್ಠ 6 ತಿಂಗಳ ಜೈಲು ಶಿಕ್ಷೆ ಮತ್ತು ಕನಿಷ್ಠ 10,000 ರೂಪಾಯಿ ದಂಡ ವಿಧಿಸಲಾಗುತ್ತದೆ. ಶಿಕ್ಷೆ ಮತ್ತು ದಂಡ ಎರಡೂ ಹೆಚ್ಚಾಗಬಹುದು. ಒಂದಕ್ಕಿಂತ ಹೆಚ್ಚು PAN ಕಾರ್ಡ್ ಹೊಂದಿರುವುದು ಅಕ್ರಮ, ವಂಚನೆ ಎಂದು ಪರಿಗಣಿಸಲಾಗಿದೆ.
PAN ಕಾರ್ಡ್ ಅನ್ನು ಮುಖ್ಯವಾಗಿ ಆದಾಯ ತೆರಿಗೆ ಇಲಾಖೆಯಿಂದ ನೀಡಲಾಗುತ್ತದೆ. ಪ್ರತಿ ಪ್ಯಾನ್ ಕಾರ್ಡ್‌ಗೆ ಒಂದು ವಾರ್ಡ್ ಇರುತ್ತದೆ. ಆದಾಯ ತೆರಿಗೆ ಇಲಾಖೆಯ ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ ಈ ವಾರ್ಡ್‌ನ ವಿಳಾಸವನ್ನು ನೀವು ತಿಳಿದುಕೊಳ್ಳಬಹುದು. ವಾರ್ಡ್ ಅನ್ನು ಗುರುತಿಸಿದ ನಂತರ, ನೀವು ಅರ್ಜಿ ಸಲ್ಲಿಸಬೇಕು.
100 ಬಾಂಡ್ ಪೇಪರ್ ನೀಡಬೇಕು. ವಾರ್ಡ್ ಅಧಿಕಾರಿ ನಿಮ್ಮ ಪ್ಯಾನ್ ಕಾರ್ಡ್ ಅನ್ನು ಆನ್‌ಲೈನ್‌ನಲ್ಲಿ ಪರಿಶೀಲಿಸುತ್ತಾರೆ ಮತ್ತು ನಿಮಗೆ ರಶೀದಿಯನ್ನು ನೀಡುತ್ತಾರೆ. ನೀವು ನಿಮ್ಮ ಮೂಲ ಮತ್ತು ಇತರ ಪ್ಯಾನ್ ಕಾರ್ಡ್‌ಗಳನ್ನು ಅರ್ಜಿಯೊಂದಿಗೆ ಸಲ್ಲಿಸಬೇಕು. ಈ PAN ಕಾರ್ಡ್ ಸರೆಂಡರ್ ಪ್ರಕ್ರಿಯೆಯು ಕೆಲವೊಮ್ಮೆ 30 ದಿನಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ.
ಪ್ಯಾನ್ ಕಾರ್ಡ್ ಸ್ಟೇಟಸ್ ಇರುವ ಆದಾಯ ತೆರಿಗೆ ಇಲಾಖೆಯ ಸೈಟ್‌ಗೆ ಭೇಟಿ ನೀಡುವ ಮೂಲಕ, ನಿಮ್ಮ ಪ್ಯಾನ್ ಕಾರ್ಡ್ ಸ್ಥಿತಿಯನ್ನು ನೀವು ತಿಳಿದುಕೊಳ್ಳಬೇಕು. ಈ ಸಂಪೂರ್ಣ ಪ್ರಕ್ರಿಯೆಯು ಪ್ರಸ್ತುತ ಸುತ್ತಿನಲ್ಲಿ ಆನ್‌ಲೈನ್‌ನಲ್ಲಿದ್ದರೂ, ಪ್ಯಾನ್ ಕಾರ್ಡ್ ಅನ್ನು ಸರೆಂಡರ್ ಮಾಡಲು, ನೀವು ಆದಾಯ ತೆರಿಗೆ ಇಲಾಖೆ ಅಥವಾ ಪ್ಯಾನ್ ಕಾರ್ಡ್ ವಾರ್ಡ್ ಕಚೇರಿಗೆ ಭೇಟಿ ನೀಡಬೇಕಾಗುತ್ತದೆ.
ಇನ್ನು ಈ ತಿಂಗಳ 31ರ ಒಳಗೆ ನೀವು ಆಧಾರ್ ಮತ್ತು ಪಾನ್ ಲಿಂಕ್ ಮಾಡಿಸಿಕೊಳ್ಳದಿದ್ದಲ್ಲಿ ಕೂಡ ಭಾರೀ ಮೊತ್ತದ ದಂಡವನ್ನು ಪಾವತಿಸಬೇಕಾಗತ್ತೆ. ಹೌದು, ಸುಮಾರು 10 ಸಾವಿರದಷ್ಟು ದಂಡವನ್ನು ನೀವು ತೆರಬೇಕಾಗುತ್ತದೆ. ನಂತರ ಲಿಂಕ್ ಆಗದ ಪಾನ್ ಕಾರ್ಡ್ ಗಳನ್ನು ರದ್ಧುಪಡಿಸಲಾಗುವುದು. ಇದು ನಿಮ್ಮೆಲ್ಲ ಕೆಲಸಗಳಿಗೆ ಅಡ್ಡಿಯಾಗುತ್ತದೆ.
