Visa Granting Temples: ಶೀಘ್ರವಾಗಿ ವೀಸಾ ಕೊಡಿಸುತ್ತವೆ ಭಾರತದ ಈ ದೇವಾಲಯಗಳು! ಇಲ್ಲಿ ಭೇಟಿ ನೀಡಿ ಪ್ರಾರ್ಥಿಸಿದ್ರೆ ನಿಮ್ಮ ವೀಸಾ ಅರ್ಜಿ ಪಾಸಾಯಿತೆಂದೇ ಲೆಕ್ಕ!

Visa Granting temples :ಸದ್ಯದ ದಿನಗಳಲ್ಲಿ ವಿದೇಶ( Foriegn) ಕ್ಕೆ ಹೋಗುವ ಸಲುವಾಗಿ ವೀಸಾ(Visa) ಪಡೆಯಲು ಏನೆಲ್ಲಾ ಕಸರತ್ತು ಮಾಡಬೇಕೆಂಬುದು ಅದಕ್ಕಾಗಿ ಅಲೆದಾಡಿದವರಿಗೇ ಗೊತ್ತು. ಅದರಷ್ಟು ತ್ರಾಸದಾಯಕ ಕೆಲಸ ಬೇರೊಂದಿಲ್ಲ. ಇದೆಲ್ಲಾ ನೋಡಿದರೆ ವಿದೇಶಕ್ಕೆ ಹೋಗುವುದಕ್ಕಿಂತ, ವೀಸಾ ಪಡೆಯುವುದೇ ತುಂಬಾ ಕಷ್ಟವೆನಿಸುತ್ತದೆ. ಆದ್ರೆ ಅಧಿಕಾರಿಗಳು, ಕಛೇರಿಗಳು ಮಾಡೋ ಈ ಕೆಲಸವನ್ನು ಭಾಲತದ ಕೆಲವು ದೇವರುಗಳು ಮಾಡಿಕೊಡುತ್ತವೆ ಅಂದ್ರೆ ನಂಬ್ತೀರಾ? ನಿಮಗೇನಾದರೂ ವೀಸಾ ಬೇಕೆಂದ್ರೆ ಈ ದೇವಾಲಯ(visa granting Tempels) ಗಳಿಗೆ ಭೇಟಿ ಕೊಟ್ರೆ ಸಾಕು, ಸುಲಭವಾಗಿ ವೀಸಾ ನಿಮ್ಮ ಕೈ ಸೇರುತ್ತಂತೆ.

ಹೌದು, ಏನೇ ಕಸರತ್ತು ನಡೆಸಿದರೂ ವೀಸಾ ಕೈಸೇರುತ್ತಿಲ್ಲ ಎಂದು ನೀವು ಪರದಾಡುತ್ತಿದ್ದರೆ ಆ ಚಿಂತೆ ಬಿಡಿ. ಯಾಕಂದ್ರೆ ವೀಸಾ ಕೊಡಿಸಲೆಂದೇ ನಮ್ಮ ದೇಶದಲ್ಲಿ ವಿಶೇಷ ದೇವರಿದ್ದಾರೆ. ಈ ದೇವರುಗಳು ವಿಶೇಷವಾಗಿ ವೀಸಾ ಕೊಡಿಸುವ ಸಲುವಾಗಿಯೇ ಭಾರೀ ಫೇಮಸ್ ಆಗಿವೆ. ಅದರಲ್ಲೂ ಕೂಡ ಸುಮಾರು 6 ದೇವಾಲಯಗಳು ಈ ರೀತಿಯ ಜನಪ್ರಿಯತೆ ಗಳಿಸಿವೆ. ಇಲ್ಲಿ ಭೇಟಿ ನೀಡಿ ಪ್ರಾರ್ಥಿಸಿದರೆ ನಿಮ್ಮ ವೀಸಾ ಅರ್ಜಿ ಪಾಸಾಯಿತೆಂದೇ ಲೆಕ್ಕ. ಹಾಗಿದ್ರೆ ಆ ದೇವಾಲಯಗಳು ಯಾವುವು ಎಂಬ ಮಾಹಿತಿ ಇಲ್ಲಿದೆ ನೋಡಿ.

ಜಲಂಧರ್ ನ ಗುರುದ್ವಾರ: ಜಲಂಧರ್‌ನ(Jalandhar) ತಲ್ಹಾನ್‌ನಲ್ಲಿರುವ ಈ 150 ವರ್ಷಗಳಷ್ಟು ಹಳೆಯದಾದ ಗುರುದ್ವಾರವು(Gurudhwara) ವಿದ್ಯಾರ್ಥಿಗಳು, ಉದ್ಯೋಗಿ ವೃತ್ತಿಪರರು ಮತ್ತು ಭಾರತೀಯ ಗಡಿಯನ್ನು ದಾಟಲು ಬಯಸುವ ಉತ್ಸಾಹಿ ಕುಟುಂಬಗಳಿಗೆ ಆಶಾಕಿರಣವಾಗಿದೆ. ಈ ಪೂಜಾ ಸ್ಥಳದ ಮೇಲ್ಭಾಗದಲ್ಲಿ ದೊಡ್ಡ ಮಾದರಿಯ ವಿಮಾನವೊಂದು ನಿಂತಿದೆ. ಇಲ್ಲಿಗೆ ವಿಮಾನದ ಆಟಿಕೆಗಳನ್ನು ಕೊಟ್ಟು ತಮ್ಮ ವಿದೇಶದ ಬೇಡಿಕೆಯನ್ನು ಭಕ್ತರು ದೇವರಲ್ಲಿ ಇಡುತ್ತಾರೆ. ಹಾಗಾಗಿ, ಶಹೀದ್ ಬಾಬಾ ನಿಹಾಲ್ ಸಿಂಗ್ ಗುರುದ್ವಾರವು ಆಟಿಕೆ ವಿಮಾನಗಳಿಂದ ತುಂಬಿದೆ. ಈ ದೇವಾಲಯಕ್ಕೆ ಭೇಟಿ ನೀಡಿ ಹರಕೆ ಹೊತ್ತರೆ ನಿಮ್ಮ ವಿದೇಶ ಪ್ರವಾಸದ ಕನಸು ಆದಷ್ಟು ಬೇಗ ಈಡೇರುತ್ತದೆ.

ದೆಹಲಿಯ ವಾಲೆ ಹನುಮಾನ್ ಮಂದಿರ :
ದೆಹಲಿಯ ನೆಬ್ ಸರೈನ IGNOU ರಸ್ತೆಯಲ್ಲಿರುವ ಈ ದೇವಾಲಯವು ಹನುಮಾನ್‌ಗೆ ಸಮರ್ಪಿತವಾಗಿದ್ದು ಚಮತ್ಕಾರಿ ವೀಸಾ ವಾಲೆ ಹನುಮ ಮಂದಿರ ಎಂದೇ ಪ್ರಸಿದ್ದಿ ಪಡೆದಿದೆ. 2007ರಲ್ಲಿ ಸ್ಥಾಪಿತವಾದ ಈ ಮಂದಿರವು ಶೀಘ್ರದಲ್ಲೇ ವಿದೇಶಕ್ಕೆ ಪ್ರಯಾಣಿಸಲು ಬಯಸುವ ಜನರಿಗೆ ನೆಚ್ಚಿನ ತಾಣವಾಗಿದೆ. ಇಲ್ಲಿಗೆ ದೇಶದೆಲ್ಲೆಡೆಯಿಂದ ಬರುವ ಪ್ರವಾಸಿಗರು ತಮ್ಮ ಇಚ್ಛೆಯನ್ನು ಕೆಂಪು ಶಾಯಿ ಬಳಸಿ ಕಾಗದದ ಮೇಲೆ ಬರೆಯುತ್ತಾರೆ ಮತ್ತು ಅದನ್ನು ಹನುಮಂತನ ಮುಂದೆ ಸಲ್ಲಿಸುತ್ತಾರೆ. ನಂತರ ತಮ್ಮ ವಿಮಾನ ಏರುವ ಕನಸು ನನಸಾದ ಬಳಿಕ ಮರಳಿ ದೇವಾಲಯಕ್ಕೆ ಬಂದು, ವಿಶೇಷವಾಗಿ ಸಿದ್ಧಪಡಿಸಿರುವ ರಿಜಿಸ್ಟರ್‌ನಲ್ಲಿ ಧನ್ಯವಾದಗಳನ್ನು ಬರವಣಿಗೆಯ ರೂಪದಲ್ಲಿ ಬರೆದು ಹನುಮನಿಗೆ ಸಮರ್ಪಿಸುತ್ತಾರೆ.

ಹೈದರಾಬಾದ್ ಚಿಲ್ಕುರ್ ಬಾಲಾಜಿ ದೇವಸ್ಥಾನ:
ತೆಲಂಗಾಣದ ಒಸ್ಮಾನ್ ಸಾಗರ್ ಸರೋವರದ ದಡದಲ್ಲಿ ನೆಲೆಗೊಂಡಿರುವ 17ನೇ ಶತಮಾನದ ಈ ದೇವಾಲಯವನ್ನು ಪ್ರೀತಿಯಿಂದ ‘ವೀಸಾ ಬಾಲಾಜಿ ದೇವಾಲಯ’ ಎಂದೇ ಕರೆಯಲಾಗುತ್ತದೆ. 1980ರ ದಶಕದಲ್ಲಿ, ಸಾಫ್ಟ್‌ವೇರ್ ಇಂಜಿನಿಯರ್‌ಗಳ ಗುಂಪು ಈ ದೇವಸ್ಥಾನಕ್ಕೆ ಭೇಟಿ ನೀಡಿದ ನಂತರ ಅವರ ಯುಎಸ್ ವೀಸಾ ಅರ್ಜಿಗಳು ಶೀಘ್ರವಾಗಿ ಬಂದವಂತೆ. ಅಂದಿನಿಂದ, ದೇವಾಲಯವು ವೀಸಾ ಅನುಮೋದನೆಗಳೊಂದಿಗೆ ಗಮನಾರ್ಹ ಯಶಸ್ಸಿನ ಪ್ರಮಾಣಕ್ಕೆ ಖ್ಯಾತಿಯನ್ನು ಗಳಿಸಿದೆ. ವಾರಾಂತ್ಯದಲ್ಲಿ ನಿರ್ದಿಷ್ಟ ರಶ್ ಇರುತ್ತದೆ.

ಶ್ರೀ ಲಕ್ಷ್ಮೀ ವಿಸಾ ಗಣಪತಿ ದೇವಸ್ಥಾನ, ಚೆನ್ನೈ:
ಗಣೇಶನನ್ನು ಪ್ರಯಾಣಕ್ಕೆ ಹೊರಡುವ ಮೊದಲು ಪ್ರಯಾಣಿಕರು ನೆನೆಯುವುದಿದೆ. ರಾಜ್ಯದ US ರಾಯಭಾರ ಕಚೇರಿಯಿಂದ 10km ದೂರದಲ್ಲಿರುವ ಚೆನ್ನೈನ ಪಜವಂತಂಗಲ್‌ನಲ್ಲಿರುವ ಶ್ರೀ ಲಕ್ಷ್ಮೀ ವೀಸಾ ಗಣಪತಿ ದೇವಸ್ಥಾನವು ದೇಶದಾದ್ಯಂತದ ಆತಂಕದ ವೀಸಾ-ಅನ್ವೇಷಕರನ್ನು ಸೆಳೆಯುತ್ತದೆ.

ಪ್ರಾಚೀನ್ ಹನುಮಾನ್ ಮಂದಿರ, ದೆಹಲಿ
ಕನ್ನಾಟ್ ಪ್ಲೇಸ್‌ನಲ್ಲಿರುವ ಬಾಬಾ ಖರಕ್ ಸಿಂಗ್ ಮಾರ್ಗದಲ್ಲಿ ಮತ್ತೊಂದು ‘ವೀಸಾ ಮಂದಿರ’ವಿದೆ. ವಿಸ್ತಾರವಾದ ಪ್ರಾಚೀನ್ ಹನುಮಾನ್ ಮಂದಿರವು ನಗರದ ಅತ್ಯಂತ ಹಳೆಯ ಮತ್ತು ಅತ್ಯಂತ ಪ್ರಭಾವಶಾಲಿ ದೇವಾಲಯಗಳಲ್ಲಿ ಒಂದಾಗಿದೆ. ಅಂತೆಯೇ, ಇದು ಹೆಚ್ಚಿನ ಸಂಖ್ಯೆಯ ಭಕ್ತರನ್ನು ಆಕರ್ಷಿಸುತ್ತದೆ, ಅದರಲ್ಲಿ ವೀಸಾ ಪಡೆಯಲು ಯಶಸ್ಸನ್ನು ಬಯಸುವವರ ಸಂಖ್ಯೆ ಹೆಚ್ಚಿದೆ.

ಚಮತ್ಕಾರಿಕ್ ಶ್ರೀ ಹನುಮಾನ್‌ಜಿ ಮಂದಿರ, ಅಹಮದಾಬಾದ್: ಅಹಮದಾಬಾದ್‌ನ ಖಾಡಿಯಾದಲ್ಲಿರುವ ಈ ಹನುಮಾನ್ ದೇವಾಲಯವು ಪ್ರತಿದಿನ ನೂರಾರು ಮಂದಿ ವೀಸಾ ನಿರೀಕ್ಷಕರನ್ನು ನೋಡುತ್ತದೆ. ಸಾಮಾನ್ಯವಾಗಿ ‘ವೀಸಾ ಹನುಮಾನ್’ ಎಂದು ಕರೆಯಲ್ಪಡುವ ಈ ದೇವಾಲಯದ ದೇವರು ಭಕ್ತರ ವೀಸಾ ಅರ್ಜಿ ಪಾಸಾಗುವಂತೆ ನೋಡಿಕೊಳ್ಳುತ್ತಾನೆ. ದೇವಾಲಯದ ಅರ್ಚಕರು ವೀಸಾ ಆಕಾಂಕ್ಷಿಗಳ ಪ್ರಯೋಜನಕ್ಕಾಗಿ ನಿರ್ದಿಷ್ಟ ಆಚರಣೆಗಳನ್ನು ನಡೆಸುತ್ತಾರೆ.