Old flush Toilet: ಚೀನಾದಲ್ಲಿ ಪತ್ತೆಯಾಯ್ತು 2,400 ವರ್ಷ ಹಿಂದಿನ ಫ್ಲಶ್ ಟಾಯ್ಲೆಟ್! ರೋಚಕ ಮಾಹಿತಿಗಳನ್ನ ಬಿಚ್ಚಿಟ್ಟ ತಜ್ಞರ ತಂಡ!
Old flush Toilet: ಕಳೆದ ಬೇಸಿಗೆಯಲ್ಲಿ ಬೀಜಿಂಗ್(Beejing) ಶಾಂಕ್ಸಿ(Shaksiya)ಯಾದ ರಾಜಧಾನಿ ಕ್ಸಿಯಾನ್(Kiyans) ಪ್ರಾಂತ್ಯದ ಯುಯೆಯಾಂಗ್ ಪುರಾತತ್ತ್ವ ಶಾಸ್ತ್ರದ ಸಹಕರದೊಂದಿಗೆ ಬಾಗಿದ ಪೈಪ್ ಸೇರಿದಂತೆ ಶೌಚಾಲಯದ ಕೆಲವೊಂದು ಮುರಿದ ಭಾಗಗಳನ್ನು ಕಂಡುಹಿಡಿಯಲಾಯಿತು. ಮತ್ತು ಸಂಶೋಧಕರೆಲ್ಲರೂ ಸೇರಿ ತಿಂಗಳುಗಳ ಕಾಲ ಅದನ್ನು ಮರು ಜೋಡಣೆ ಮಾಡಿದಾಗ ಪತ್ತೆಯಾದದ್ದು ಪುರಾತನ ಕಾಲದ ಪ್ಲಶ್ ಟಾಯ್ಲೆಟ್(Old Flush Toilet)
ಇಂದಿನ ದಿನಗಳಲ್ಲಿ ಎಲ್ಲರ ಮನೆಗಳಲ್ಲೂ ಲಗ್ಗೆ ಇಟ್ಟಿರುವ ಫ್ಲಶ್ ಟಾಯ್ಲೆಟ್ ಪರಿಕಲ್ಪನೆ ಇತ್ತೀಚಿನದ್ದು ಎಂದು ಬಹುಮಂದಿ ಅಂದುಕೊಂಡಿದ್ದಾರೆ. ಆದರೆ ಈ ಕಲ್ಪನೆ ಸುಮಾರು 2,400 ವರ್ಷಕ್ಕಿಂತ ಹಳೆಯದು ಎಂದರೆ ನೀವು ನಂಬುತ್ತೀರಾ? ನಂಬಲೇ ಬೇಕು ಬಿಡಿ. ಯಾಕಂದ್ರೆ ಪ್ರಾಚೀನ ಕಾಲದಲ್ಲೇ ಅದರ ಬಳಕೆ ಇತ್ತು ಎಂಬುದನ್ನು ಚೀನಾದ ಪುರಾತತ್ವ ಶಾಸ್ತ್ರಜ್ಞರು ಸಾಬೀತು ಪಡಿಸಿದ್ದು, ವಿಶ್ವದ ಅತ್ಯಂತ ಹಳೆಯ ಅಂದರೆ 2,400 ವರ್ಷಗಳ ಹಿಂದಿನ ಫ್ಲಶ್ ಟಾಯ್ಲೆಟ್ ಪತ್ತೆ ಹಚ್ಚಿದ್ದಾರೆ.
ಹೌದು, ಶಾಂಕ್ಸಿಯ ರಾಜಧಾನಿ ಕ್ಸಿಯಾನ್‌ನ ಯೂಯಾಂಗ್‌(Youyang) ಸಿಟಿ ರೂಯಿನ್ಸ್‌ನಲ್ಲಿದ್ದ ಅರಮನೆಯ ಅವಶೇಷಗಳಲ್ಲಿ ಈ ಫ್ಲಶ್ ಟಾಯ್ಲೆಟ್ ಪತ್ತೆಯಾಗಿದೆ. ಪುರಾತನ ಯುಯೆಯಾಂಗ್ ನಗರದಲ್ಲಿನ ಅರಮನೆಯ ಅವಶೇಷಗಳ ನಡುವೆ ಪತ್ತೆಯಾದ ಈ ಶೌಚಾಲಯವನ್ನು ಕಿನ್ ಕ್ಸಿಯಾಗೊಂಗ್ ( ಕ್ರಿ. ಪೂ 381-338 ) ಅಥವಾ ಅವರ ತಂದೆ ಕ್ವಿನ್ ಕ್ಸಿಯಾನ್’ಗಾಂಗ್ ( ಕ್ರಿ. ಪೂ 424-362 ) ಯುದ್ಧದ ಸಮಯದಲ್ಲಿ ಕಿನ್ ಸಾಮ್ರಾಜ್ಯದ ಬಳಸಿದ್ದಾರೆಂದು ನಂಬಲಾಗಿದೆ. 2,400 ವರ್ಷಗಳ ಹಿಂದಿನ ಈ ಶೌಚಾಲಯವು ಪುರಾತತ್ತ್ವ ಶಾಸ್ತ್ರಜ್ಞರ ಆಸಕ್ತಿಯನ್ನು ಕೆರಳಿಸಿದೆ, ಅವರು ಅದರಿಂದ ಸಂಗ್ರಹಿಸಲಾದ ಮಣ್ಣಿನ ಮಾದರಿಗಳನ್ನು ವಿಶ್ಲೇಷಿಸುವ ಮೂಲಕ ಆ ಸಮಯದಲ್ಲಿ ಜನರು ಏನು ತಿನ್ನುತ್ತಿದ್ದರು ಎಂಬುದನ್ನು ಕಂಡುಹಿಡಿಯಲು ಪ್ರಯತ್ನಿಸುತ್ತಿದ್ದಾರೆ.
ಈ ಉತ್ಖನನ ತಂಡದಲ್ಲಿ ಒಬ್ಬರಾದ ಚೈನೀಸ್ ಅಕಾಡೆಮಿ ಆಫ್ ಸೋಶಿಯಲ್ ಸೈನ್ಸಸ್‌ನ ಇನ್‌ಸ್ಟಿಟ್ಯೂಟ್ ಆಫ್ ಆರ್ಕಿಯಾಲಜಿಯ ಸಂಶೋಧಕ ಲಿಯು ರುಯಿ(Liyu Rui) ಅವರ ಪ್ರಕಾರ, ಫ್ಲಶ್ ಟಾಯ್ಲೆಟ್‌ನಂತಹ “ಐಷಾರಾಮಿ ವಸ್ತು” ಅನ್ನು ಆ ಸಮಯದಲ್ಲಿ ಸಮಾಜದ ಅತ್ಯಂತ ಉನ್ನತ ಶ್ರೇಣಿಯ ಸದಸ್ಯರು ಮಾತ್ರ ಬಳಸುತ್ತಿದ್ದಿರಬಹುದು. ಅಲ್ಲದೆ ಚೀನಾದಲ್ಲಿ ಇದುವರೆಗೆ ಪತ್ತೆಯಾದ ಮೊದಲ ಮತ್ತು ಏಕೈಕ ಫ್ಲಶ್ ಶೌಚಾಲಯವಾಗಿದೆ. ಸೈಟ್‌ನಲ್ಲಿದ್ದ ಪ್ರತಿಯೊಬ್ಬರೂ ಇದನ್ನು ಕಂಡು ಆಶ್ಚರ್ಯಚಕಿತರಾದರು ಮತ್ತು ನಂತರ ನಾವೆಲ್ಲರೂ ನಗೆಗಡಲಲ್ಲಿ ಮುಳುಗಿದ್ದೇವೆ’ ಎಂದು ಅವರು ಹೇಳಿದರು.
ನಂತರ ಈ ಫ್ಲಶ್ ಟಾಯ್ಲೆಟ್ ವಿನ್ಯಾಸದ ಕುರಿತು ಮಾಹಿತಿ ನೀಡಿದ ಅವರು ‘ಪೈಪ್ ಹೊರಾಂಗಣ ಪಿಟ್ಗೆ ಕಾರಣವಾಗುತ್ತದೆ ಎಂದು ಟಾಯ್ಲೆಟ್ ಬೌಲ್ ಅನ್ನು ಮನೆಯೊಳಗೆ ಇರಿಸಲಾಗಿದೆ. ಪ್ರಮುಖರು ಅದನ್ನು ಬಳಸಿದ ಬಳಿಕ ಸೇವಕರು ಶೌಚಾಲಯಕ್ಕೆ ನೀರನ್ನು ಸುರಿಯುತ್ತಿದ್ದಿರ ಬಹುದು. ಅಲ್ಲದೆ ಉತ್ಖನನದ ಸಮಯದಲ್ಲಿ ಫ್ಲಶ್ ಶೌಚಾಲಯದ ಮೇಲಿನ ಅರ್ಧವು ಕಂಡುಬಂದಿಲ್ಲ. ಹೀಗಾಗಿ ಅದರ ಬಳಕೆದಾರರು ಅದರ ಮೇಲೆ ಹೇಗೆ ಕುಳಿತುಕೊಳ್ಳುತ್ತಿದ್ದರು ಎಂಬುದನ್ನು ಖಚಿತಪಡಿಸಲು ಸಾಧ್ಯವಿಲ್ಲ. ಆದಾಗ್ಯೂ, ಪಾಶ್ಚಿಮಾತ್ಯ ಹಾನ್ ರಾಜವಂಶದ (206 ಕ್ರಿ ಪೂ-24 ಕ್ರಿ. ಶ) ಸಮಯದಲ್ಲಿ ರಾಜಮನೆತನದ ಸದಸ್ಯರ ಸಮಾಧಿಗಳ ಮೇಲೆ ಕಲ್ಲಿನ ಕೆತ್ತನೆಗಳಂತಹ ಶೌಚಾಲಯಗಳಿದ್ದು, ಅದರ ಆಧಾರದ ಮೇಲೆ, ಅವರು ಬಹುಶಃ ಅದರ ಮೇಲೆ ಕುಳಿತುಕೊಳ್ಳುತ್ತಿದ್ದಿರಬಹುದು ಎಂದು ತಿಳಿಯಬಹುದು ಎಂದು ಲಿಯು ಹೇಳಿದರು.
ಬಳಿಕ ಮಾತನಾಡಿ ‘ಪ್ರಾಚೀನ ಚೀನಿಯರು ನೈರ್ಮಲ್ಯಕ್ಕೆ ಎಷ್ಟು ಗಮನ ನೀಡುತ್ತಿದ್ದರು ಎಂಬುದಕ್ಕೆ ಈ ಕಾಂಕ್ರೀಟ್ ಫ್ಲಶ್ ಶೌಚಾಲಯವು ಪುರಾವೆಯಾಗಿದೆ. ಪ್ರಾಚೀನ ಕಾಲದಲ್ಲಿ ಒಳಾಂಗಣ ಶೌಚಾಲಯಗಳ ಕೆಲವು ದಾಖಲೆಗಳಿವೆ. ಈ ಎಲ್ಲಾ ಲಿಖಿತ ದಾಖಲೆಗಳ ಜೊತೆಗೆ, ಪ್ರಾಚೀನ ಅರಮನೆಗಳನ್ನು ಆಳವಾಗಿ ಅಗೆಯುವ ಮೂಲಕ ನಾವು ಸಾಮಾಜಿಕ ಸುಧಾರಣೆಗಳು ಮತ್ತು ಸಾಮ್ರಾಜ್ಯದ ವ್ಯವಸ್ಥೆಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಬಹುದು. ಭಾಗಶಃ ಪುನಃಸ್ಥಾಪನೆಗೊಂಡ ಶೌಚಾಲಯವು ಈಗ ಯುಯೆಯಾಂಗ್‌ನಲ್ಲಿ ಹೆಚ್ಚಿನ ಪುರಾತತ್ತ್ವ ಶಾಸ್ತ್ರದ ಸಂಶೋಧನೆಗೆ ಪ್ರಮುಖ ವಸ್ತುವಾಗಿದೆ’ ಎಂದು ಲಿಯು ಹೇಳಿದರು
ಯುಯೆಯಾಂಗ್ ಸುಮಾರು 35 ವರ್ಷಗಳ ಕಾಲ ಕಿನ್ ಸಾಮ್ರಾಜ್ಯದ ರಾಜಧಾನಿಯಾಗಿತ್ತು ಮತ್ತು ಹಾನ್ ರಾಜವಂಶದ ಮೊದಲ ರಾಜಧಾನಿಯಾಗಿತ್ತು, ಈ ಸಮಯದಲ್ಲಿ ಅರಮನೆಗಳನ್ನು ಕೃಷಿಭೂಮಿಗಳಿಗೆ ದಾರಿ ಮಾಡಿಕೊಡಲು ಕೆಡವಲಾಯಿತು. ಸದ್ಯ 2012 ರಿಂದ, ಪುರಾತತ್ತ್ವಜ್ಞರು ಯುಯೆಯಾಂಗ್‌ನಲ್ಲಿ ದೊಡ್ಡ ಪ್ರಮಾಣದ ಉತ್ಖನನಗಳನ್ನು ನಡೆಸುತ್ತಿದ್ದಾರೆ. ತಜ್ಞರು, ಮಾನವನ ಮಲದ ಕುರುಹುಗಳನ್ನು ಹುಡುಕಲು ಮತ್ತು ಪ್ರಾಚೀನ ಜನರ ಆಹಾರ ಪದ್ಧತಿಯ ಬಗ್ಗೆ ತಿಳಿದುಕೊಳ್ಳಲು ಆಶಿಸುತ್ತಾ, ಒಳಗಿನ ಮಣ್ಣನ್ನು ವಿಶ್ಲೇಷಿಸುತ್ತಿದ್ದಾರೆ. ಇಲ್ಲಿಯವರೆಗೆ, ಮಣ್ಣಿನ ಮಾದರಿಗಳು ಹಾನ್ ರಾಜವಂಶದ ಅವಧಿಯಲ್ಲಿ ರೈತರು ಬಳಸಿದ ರಸಗೊಬ್ಬರಗಳ ಕುರುಹುಗಳನ್ನು ಮಾತ್ರ ನೀಡಿವೆ. ಇನ್ನೂ ಹೆಚ್ಚಿನ ಉತ್ಖನನಗಳು ನಡೆಯ ಬೇಕಿದೆ.
