ಅಪಘಾತದ ಸಂದರ್ಭದಲ್ಲಿ ಕಾರಿನಲ್ಲಿರುವ ಏರ್‌ಬ್ಯಾಗ್‌ಗಳು ತೆರೆದುಕೊಳ್ಳದಿದ್ದರೆ, ಅದರಲ್ಲಿ ಕುಳಿತಿರುವವರ ಜೀವಕ್ಕೆ ಅಪಾಯವಿದೆ. ಅಪಘಾತದ ಸಂದರ್ಭದಲ್ಲಿ, ಪ್ರಯಾಣಿಕರ ಜೀವ ಉಳಿಸುವಲ್ಲಿ ಏರ್ ಬ್ಯಾಗ್ ಪ್ರಮುಖ ಪಾತ್ರ ವಹಿಸುತ್ತದೆ. ಅದಕ್ಕಾಗಿಯೇ, ಯಾವುದೇ ಕಾರಿನಲ್ಲಿ ಕನಿಷ್ಠ 2 ಏರ್‌ಬ್ಯಾಗ್‌ಗಳನ್ನು ಹೊಂದಿರಬೇಕು ಎಂದು ಸರ್ಕಾರವು ಈಗಾಗಲೇ ಕಡ್ಡಾಯಗೊಳಿಸಿದೆ. ಪ್ರಯಾಣಿಕರ ಸುರಕ್ಷತೆಯ ದೃಷ್ಟಿಯಿಂದ ಕಾರಿನ ಏರ್‌ಬ್ಯಾಗ್‌ಗಳನ್ನು ಪ್ರಧಾನ ಸುರಕ್ಷತಾ ವೈಶಿಷ್ಟ್ಯಗಳಾಗಿ ಪರಿಗಣಿಸಲಾಗುತ್ತದೆ. ಇದೀಗ ಟೊಯೋಟಾ ಕಂಪನಿ ವತಿಯಿಂದ ಗ್ರಾಹಕರಿಗೆ ಮುನ್ಸೂಚನೆ ನೀಡಲಾಗಿದೆ. ಹೌದು 8 ಡಿಸೆಂಬರ್ 2022 ಮತ್ತು 12 ಜನವರಿ 2023 ರ ನಡುವೆ ತಯಾರಿಸಲಾದ ಹೈರೈಡರ್ ಮತ್ತು ಗ್ಲಾನ್ಜಾ ಘಟಕಗಳನ್ನು ಹಿಂಪಡೆದಿದೆ. ಈ ಮಾದರಿಗಳ ಘಟಕಗಳಲ್ಲಿ ದೋಷವಿರಬಹುದು, ಅದನ್ನು ತಕ್ಷಣವೇ ಸರಿಪಡಿಸಬೇಕಾಗಿದೆ ಎಂದು ಮಾಹಿತಿ ನೀಡಿದೆ.
ಹೈರೈಡರ್ ಮತ್ತು ಗ್ಲ್ಯಾನ್ಜಾ ಘಟಕಗಳನ್ನು ಹಿಂಪಡೆದಿದ್ದು ಈ ಮಾದರಿಗಳ 1,390 ಘಟಕಗಳಲ್ಲಿ ದೋಷವಿರಬಹುದು, ಅದನ್ನು ತಕ್ಷಣವೇ ಸರಿಪಡಿಸಬೇಕಾಗಿದೆ. ಈ ಕಾರುಗಳ ಏರ್‌ಬ್ಯಾಗ್ ನಿಯಂತ್ರಕ ದೋಷಯುಕ್ತವಾಗಿರಬಹುದು. ಈ ಪರಿಸ್ಥಿತಿಯಲ್ಲಿ, ಅಪಘಾತ ಸಂಭವಿಸಿದಲ್ಲಿ, ಏರ್‌ಬ್ಯಾಗ್‌ಗಳು ತೆರೆಯುವುದಿಲ್ಲ. ಆದರೆ ಅಂತಹ ಯಾವುದೇ ಘಟನೆ ಬೆಳಕಿಗೆ ಬಂದಿಲ್ಲ. ಆದರೆ, ಮುನ್ನೆಚ್ಚರಿಕೆಯಾಗಿ ಟೊಯೊಟಾ ವಾಹನಗಳನ್ನು ವಾಪಸ್ ಪಡೆದಿದೆ.
ತಪಾಸಣೆಯ ನಂತರ ಯಾವುದೇ ಭಾಗವು ದೋಷಯುಕ್ತವೆಂದು ಕಂಡುಬಂದರೆ, ಗ್ರಾಹಕರಿಗೆ ಯಾವುದೇ ವೆಚ್ಚವಿಲ್ಲದೆ ಉಚಿತವಾಗಿ ಆ ವಾಹನವನ್ನು ಬದಲಾಯಿಸಲಾಗುತ್ತದೆ. ಸಂಭಾವ್ಯ ದೋಷಪೂರಿತ ಭಾಗವು ಪ್ರಯಾಣಿಕರ ಸುರಕ್ಷತೆಗೆ ನೇರವಾಗಿ ಸಂಬಂಧಿಸಿರುವುದರಿಂದ, ಹಿಂಪಡೆಯಲಾದ ಕಾರುಗಳ (ಗ್ಲಾನ್ಜಾ ಮತ್ತು ಹೈರೈಡರ್) ಮಾಲೀಕರಿಗೆ ತನಿಖೆ ನಡೆಯುವವರೆಗೆ ತಮ್ಮ ಕಾರುಗಳನ್ನು ಮಿತವಾಗಿ ಬಳಸುವಂತೆ ಕಾರು ತಯಾರಕರು ವಿನಂತಿಸಿದ್ದಾರೆ.
ಈ ಕುರಿತಂತೆ ಸಂಬಂಧಪಟ್ಟ ಟೊಯೋಟಾ ಡೀಲರ್ ಖರೀದಿದಾರರನ್ನು ಸಂಪರ್ಕಿಸುತ್ತಾರೆ ಅಥವಾ ಗ್ರಾಹಕರು ಸ್ವತಃ ಡೀಲರ್ ಅನ್ನು ಸಂಪರ್ಕಿಸಬಹುದು ಎಂದು ಕಂಪನಿ ಕಡೆಯಿಂದ ಮಾಹಿತಿ ತಿಳಿಸಲಾಗಿದೆ.
