ಭಾರತದಲ್ಲಿ ನಿವೃತ್ತಿ ವಯಸ್ಸನ್ನು ಹೆಚ್ಚಿಸುವ ಬಗ್ಗೆ ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ಪ್ರಸ್ತಾಪಿಸಿದೆ ಎಂದು ವರದಿಯಾಗಿದೆ. ಪಿಂಚಣಿದಾರರ ಜೀವಿತಾವಧಿಯನ್ನು ದೃಷ್ಟಿಯಲ್ಲಿಟ್ಟುಕೊಂಡು ನಿವೃತ್ತಿ ವಯಸ್ಸನ್ನು ಹೆಚ್ಚಿಸಬೇಕು ಎಂದು ಸಂಸ್ಥೆ ಹೇಳುತ್ತದೆ.
ಉದ್ಯೋಗಿಗಳ ಭವಿಷ್ಯ ನಿಧಿ ಕಾಯಿದೆ 1952ರ ಪ್ರಕಾರ, ಈ ಹಿಂದೆ ಭಾರತೀಯರ ಸರಾಸರಿ ಜೀವಿತಾವಧಿ 40 ವರ್ಷಗಳು. ಸಮಯದ ಅವಧಿಯೊಂದಿಗೆ, ಉತ್ತಮ ಜೀವನ ಪರಿಸ್ಥಿತಿಗಳು ಮತ್ತು ಆರೋಗ್ಯ ಸೌಲಭ್ಯಗಳ ವ್ಯವಸ್ಥೆಯೊಂದಿಗೆ ಜೀವಿತಾವಧಿ ಇದೀಗ 70 ವರ್ಷಗಳಾಗಿದ್ದು, ಈ ಕಾರಣದಿಂದಾಗಿ ಮುಂದಿನ ಕೆಲವು ವರ್ಷಗಳಲ್ಲಿ ಸರಾಸರಿ ಭಾರತೀಯರು 80 ವರ್ಷಗಳನ್ನು ಮುಟ್ಟುವ ಸಾಧ್ಯತೆಯಿದೆ.
ಭಾರತ ದೇಶದಲ್ಲಿ ಉದ್ಯೋಗಿಯ ನಿವೃತ್ತಿ ವಯಸ್ಸು 58 ರಿಂದ 65 ವರ್ಷಗಳು. ಆದರೆ ಖಾಸಗಿ ವಲಯದ ಉದ್ಯೋಗಿಗಳಿಗೆ 58 ವರ್ಷಗಳು ಮತ್ತು ಸಾರ್ವಜನಿಕ ವಲಯದ ಉದ್ಯೋಗಿಗಳಿಗೆ 65 ವರ್ಷಗಳಾಗಿದೆ.
ಯುರೋಪಿಯನ್ ಒಕ್ಕೂಟದಲ್ಲಿ ನಿವೃತ್ತಿಯ ಸರಾಸರಿ ವಯಸ್ಸು 65 ವರ್ಷಗಳು ಮತ್ತು ಯುರೋಪ್‌ನ ಡೆನ್ಮಾರ್ಕ್, ಇಟಲಿ ಮತ್ತು ಗ್ರೀಸ್‌ನಲ್ಲಿ 67 ವರ್ಷಗಳು. ಹಾಗೆನೇ, ಅಮೆರಿಕದಲ್ಲಿ 66 ವರ್ಷ ಎಂದು ನಿಗದಿ ಮಾಡಲಾಗಿದೆ.
ಮಾಧ್ಯಮ ವರದಿಗಳ ಪ್ರಕಾರ, ಉದ್ಯೋಗಿಗಳು ಸಾಕಷ್ಟು ನಿವೃತ್ತಿ ಪ್ರಯೋಜನಗಳನ್ನು ಪಡೆಯುತ್ತಾರೆ ಎಂದು EPFO ಖಚಿತಪಡಿಸುತ್ತದೆ. ನಿವೃತ್ತಿ ವಯಸ್ಸನ್ನು ಹೆಚ್ಚಳ ಮಾಡಿದರೆ, ಸದಸ್ಯರು ಹೆಚ್ಚು ಉಳಿತಾಯ ಮಾಡಲು ಸಾಧ್ಯವಾಗುತ್ತದೆ. ಜೊತೆಗೆ ಹೆಚ್ಚಿನ ಪಿಂಚಣಿ ಪಡೆಯಲು ಸಾಧ್ಯವಾಗುತ್ತದೆ.
59 ವರ್ಷಗಳಲ್ಲಿ ಪಿಂಚಣಿ 4% ದಷ್ಟು ಹೆಚ್ಚಾಗಿದೆ. ಒಬ್ಬ ಉದ್ಯೋಗಿ 60 ವರ್ಷ ವಯಸ್ಸಿಗೆ ನಿವೃತ್ತಿ ಆಯ್ಕೆ ಮಾಡಿದರೆ, ಉದ್ಯೋಗಿಯು 8% ದಷ್ಟು ಹೆಚ್ಚಿನ ಪಿಂಚಣಿಗೆ ಅರ್ಹನಾಗಿರುತ್ತಾರೆ.
ಪಿಂಚಣಿ ನಿಧಿಯ ಗಾತ್ರವನ್ನು ಹೆಚ್ಚಿಸಿದರೆ ನಂತರ ಅದನ್ನು ಆರ್ಥಿಕತೆಯಲ್ಲಿ ಕೊಡುಗೆ ನೀಡಲು ಬಳಸ ಬಹುದಾಗಿದೆ ಎಂದು ತಿಳಿಸಿದ್ದಾರೆ. ನಿವೃತ್ತಿಯ ನಂತರವೂ, ಸದಸ್ಯರು 65 ವರ್ಷ ವಯಸ್ಸಿನವರೆಗೆ ಇಪಿಎಫ್‌ಒಗೆ ಕೊಡುಗೆ ನೀಡಬಹುದು. ಆದರೆ ನಿವೃತ್ತಿಯ ನಂತರ ಕೊಡುಗೆಗಳ ಮೇಲೆ ಯಾವುದೇ ಪ್ರಯೋಜನಗಳಿಲ್ಲ.
ಹಣದುಬ್ಬರ ಸರಿದೂಗಿಸಲು ಸಹಕಾರಿ ಕೆಲವೊಂದು ವರದಿಗಳ ಪ್ರಕಾರ, 2047 ರ ವೇಳೆಗೆ, ಭಾರತದಲ್ಲಿ ಇದೀಗ 60 ವರ್ಷಗಳಾಗಿರುವ 140 ಮಿಲಿಯನ್‌ಗಿಂತಲೂ ಹೆಚ್ಚು ನಿವೃತ್ತ ಜನರಿರುತ್ತಾರೆ. ಎಂದಾಗಿದೆ. ಹೀಗಾಗಿ ಪಿಂಚಣಿ ನಿಧಿಯ ಮೇಲಿನ ಒತ್ತಡವು ಗಮನಾರ್ಹವಾಗಿ ಹೆಚ್ಚಾಗುತ್ತದೆ ಎಂದಾಗಿದೆ.
ನಿವೃತ್ತಿ ವಯಸ್ಸನ್ನು ಹೆಚ್ಚಿಸುವುದರಿಂದ ಇಪಿಎಫ್‌ಒ ಮತ್ತು ಇತರ ಪಿಂಚಣಿ ನಿಧಿಗಳೊಂದಿಗೆ ಹೆಚ್ಚಿನ ಅವಧಿಗೆ ಹೆಚ್ಚಿನ ಪಿಂಚಣಿ ಪರಿಮಾಣದ ಠೇವಣಿ ಮತ್ತು ಹಣದುಬ್ಬರವನ್ನು ಸರಿದೂಗಿಸಲು ಸಹಾಯ ಮಾಡುತ್ತದೆ ಎಂದು ಹಿರಿಯ ಸರಕಾರಿ ಅಧಿಕಾರಿ ತಿಳಿಸಿದ್ದಾರೆ.
EPFO ವಿಷನ್ ಡಾಕ್ಯುಮೆಂಟ್ ಅನ್ನು ರಾಜ್ಯಗಳೊಂದಿಗೆ ಹಂಚಿಕೊಳ್ಳಲಾಗಿದೆ ಮತ್ತು ಉದ್ಯೋಗಿಗಳು ಮತ್ತು ಉದ್ಯೋಗದಾತರು ಸೇರಿದಂತೆ ಇತರ ಮಧ್ಯಸ್ಥಗಾರರೊಂದಿಗೆ ಚರ್ಚೆಗಳು ಶೀಘ್ರದಲ್ಲೇ ಪ್ರಾರಂಭಗೊಳ್ಳಲಿದೆ ಎಂದು ವರದಿಯಾಗಿದೆ.
