ಶಿಯೋಮಿ ಚೈನೀಸ್ ಕಂಪನಿಯಾಗಿದ್ದು ಭಾರತದಲ್ಲಿ ಉತ್ತಮ ಮಾರುಕಟ್ಟೆ ಪಾಲನ್ನು ಹೊಂದಿದ್ದು, ಭಾರತೀಯ ಮಾರುಕಟ್ಟೆಯಲ್ಲಿ ಶಿಯೋಮಿ ಬ್ರಾಂಡ್ನ ಫೋನ್‌ಗಳಿಗೆ ಉತ್ತಮ ಬೇಡಿಕೆಯನ್ನು ಪಡೆದುಕೊಂಡಿದೆ. Xiaomi ಕಂಪನಿ Redmi ಸೀರಿಸ್ ಅನ್ನು ಪ್ರಾರಂಭಿಸಿ 8 ವರ್ಷಗಳನ್ನು ಪೂರೈಸಿದ ಹಿನ್ನಲೆಯಲ್ಲಿ ಈ ಸುಸಂದರ್ಭದಲ್ಲಿ ಕಂಪನಿಯು ಎರಡು ರೆಡ್ಮಿ ಸ್ಮಾರ್ಟ್ಫೋನ್ಗಳ ಬೆಲೆಯ ಮೇಲೆ ಆಫರ್ ನೀಡಲು ಅಣಿಯಾಗಿದೆ.
ರೆಡ್ಮಿ ಸ್ಮಾರ್ಟ್ಫೋನ್ಗಳು ಬಹಳಷ್ಟು ಫೀಚರ್ಸ್ ಅನ್ನು ಹೊಂದಿದ್ದು, Redmi Note 11, Redmi Note 11S ಸ್ಮಾರ್ಟ್ಫೋನ್ ಅನ್ನು ಗ್ರಾಹಕರು ಕೈಗೆ ಎಟಕುವ ದರದಲ್ಲಿ ಪಡೆದುಕೊಳ್ಳುವ ಸುವರ್ಣ ಅವಕಾಶ ಕಲ್ಪಿಸಲಾಗಿದೆ.
ರೆಡ್ಮಿ ಸ್ಮಾರ್ಟ್ಫೋನ್ಗಳು ಬಹಳಷ್ಟು ಫೀಚರ್ಸ್ ಅನ್ನು ಹೊಂದಿದ್ದು ಗ್ರಾಹಕರಿಗೆ ಕಡಿಮೆ ಬೆಲೆಯಲ್ಲಿ ಕಂಪನಿಯ ಮೊಬೈಲ್ ಮಾರುಕಟ್ಟೆಯಲ್ಲಿ ಲಭ್ಯವಿದ್ದು, ಈಗ ಬಳಕೆದಾರರು Redmi Note 11, Redmi Note 11S ಸ್ಮಾರ್ಟ್ಫೋನ್ ಅನ್ನು ಕಡಿಮೆ ಬೆಲೆಗೆ ಪಡೆಯಬಹುದಾಗಿದೆ.
ರೆಡ್ಮಿ ನೋಟ್ 11 ಎಸ್ ಮಾಡೆಲ್ ಬೇಸ್ ವೆರಿಯಂಟ್ 6ಜಿಬಿ + 64ಜಿಬಿ ಸ್ಟೋರೇಜ್ ಹೊಂದಿದ ಸ್ಮಾರ್ಟ್ಫೋನ್ನಲ್ಲಿ ಬೆಲೆಯನ್ನು ರೂ.500 ಕಡಿತ ಮಾಡಲಾಗಿದ್ದು, ಇದೀಗ, 15,999 ಗೆ ಲಭ್ಯವಿದೆ. ಈ ಮಾದರಿಯ 6GB+128GB ಸ್ಟೋರೇಜ್ನ ಬೆಲೆ ರೂ.1500 ಕಡಿಮೆಯಾಗಿದ್ದು, ಸದ್ಯ ಈಗ ರೂ.15,999ಕ್ಕೆ ಲಭ್ಯವಿದೆ. ಈ ಮಾದರಿಯ 8GB+128GB ಸ್ಟೋರೇಜ್ನ ಸ್ಮಾರ್ಟ್ಫೋನ್ 16,999 ರೂಪಾಯಿಗಳಲ್ಲಿ ಲಭ್ಯವಿದ್ದು, ಇದರ ಬೆಲೆಯಲ್ಲಿ 1500 ರೂಪಾಯಿ ಇಳಿಕೆ ಮಾಡಲಾಗಿದೆ.
ಈ ಸ್ಮಾರ್ಟ್ಫೋನ್ 5,000 mAh ಬ್ಯಾಟರಿಯನ್ನು ಹೊಂದಿದ್ದು, ಈ ಫೋನ್ 108MP ಮುಖ್ಯ ಕ್ಯಾಮೆರಾ, 8MP ಅಲ್ಟ್ರಾ-ವೈಡ್ ಕ್ಯಾಮೆರಾ, 2MP ಡೆಪ್ತ್, 2MP ಮ್ಯಾಕ್ರೋ ಕ್ಯಾಮೆರಾ ಜೊತೆಗೆ f/1.9 ಅಪರ್ಚರ್ ಜೊತೆಗೆ ಹಿಂದಿನ ಕ್ವಾಡ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಸೆಲ್ಫಿಗಾಗಿ ಮುಂಭಾಗದಲ್ಲಿ 16MP ಕ್ಯಾಮೆರಾವನ್ನು ಹೊಂದಿವೆ. ಈ ರೆಡ್ಮಿ ನೋಟ್ 11 ಎಸ್ ಸ್ಮಾರ್ಟ್ಫೋನ್ ಇದು 1080×2400 ಪಿಕ್ಸೆಲ್‌ಗಳ ರೆಸಲ್ಯೂಶನ್‌ನೊಂದಿಗೆ 6.43-ಇಂಚಿನ ಪೂರ್ಣ HD ಡಿಸ್ಪ್ಲೇಯನ್ನು ಹೊಂದಿದೆ. ಇದು ಮೀಡಿಯಾ ಟೆಕ್ ಹೆಲಿಯೊ ಜಿ96 ಆಕ್ಟಾ-ಕೋರ್ ಚಿಪ್‌ಸೆಟ್‌ನಲ್ಲಿ ಕೆಲಸ ನಿರ್ವಹಿಸಲಿದೆ.
ರೆಡ್ಮಿ ನೋಟ್ 11 ಸ್ಮಾರ್ಟ್ಫೋನ್ ಅನ್ನು ರೂ 13,499 ಕ್ಕೆ ಬಿಡುಗಡೆ ಮಾಡಲಾಯಿತು ಮತ್ತು ಪ್ರಸ್ತುತ ಇದು ಮಾರುಕಟ್ಟೆಯಲ್ಲಿ 12, 999ರೂ.ಗೆ ದೊರೆಯಲಿದೆ. ಇದೇ ರೀತಿ, ರೆಡ್ಮಿ ನೋಟ್ 11 ಎಸ್ ಸ್ಮಾರ್ಟ್ಫೋನ್ ಅನ್ನು ರೂ 16,499 ಕ್ಕೆ ಬಿಡುಗಡೆ ಮಾಡಲಾಗಿತ್ತು ಪ್ರಸ್ತುತ ರೂ 15,999 ನಲ್ಲಿ ಲಭ್ಯವಿದೆ. Redmi Note 11 ಮತ್ತು Redmi Note 11S ಸ್ಮಾರ್ಟ್ಫೋನ್ಗಳು ಮೂರು ವಿಧಗಳಲ್ಲಿ ದೊರೆಯಲಿವೆ.
ರೆಡ್ಮಿ ನೋಟ್ 11 ಸ್ಮಾರ್ಟ್ಫೋನ್ 6.43-ಇಂಚಿನ ಪೂರ್ಣ HD+ ಡಿಸ್ಪ್ಲೇ ಯನ್ನು ಹೊಂದಿದೆ. ಇದು Qualcomm Snapdragon 680 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು 5,000mAh ಬ್ಯಾಟರಿಯನ್ನು ಹೊಂದಿದ್ದು 33W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಸ್ಮಾರ್ಟ್ಫೋನ್ ಹಿಂಭಾಗದಲ್ಲಿ 50MP ಕ್ವಾಡ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದ್ದು, ಸೆಲ್ಫಿಗಾಗಿ ಮುಂಭಾಗದಲ್ಲಿ 13MP ಕ್ಯಾಮೆರಾ ಒಳಗೊಂಡಿದೆ. ಈ ಸ್ಮಾರ್ಟ್ಫೋನ್ ಹರೈಸನ್ ಬ್ಲೂ, ಸ್ಪೇಸ್ ಬ್ಲ್ಯಾಕ್ ಮತ್ತು ಸ್ಟಾರ್‌ಬರ್ಸ್ಟ್ ವೈಟ್ ಎಂಬ ಮೂರು ಬಣ್ಣದ ಆಯ್ಕೆಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿವೆ.
ರೆಡ್ಮಿ ನೋಟ್ 11 ಸ್ಮಾರ್ಟ್ಫೋನ್ನ 4GB+64GB ಸ್ಟೋರೇಜ್ ಹೊಂದಿದ ಮೊಬೈಲ್ನ ಬೆಲೆ ರೂ.500 ಕಡಿಮೆ ಮಾಡಲಾಗಿದ್ದು, ಇದು ಪ್ರಸ್ತುತ ರೂ 12,999 ಗೆ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಈ ಮಾದರಿಯ 6GB+64GB ರೂಪಾಂತರದ ಬೆಲೆಯೂ ರೂ.500 ಕಡಿಮೆಯಾಗಿದೆ. ಈ ಮಾದರಿಯನ್ನು ಈಗ ರೂ.13,499ಕ್ಕೆ ಪಡೆಯಬಹುದಾಗಿದೆ.
6GB+128GB ಈ ಸ್ಮಾರ್ಟ್ಫೋನ್ನ ಪ್ರೀಮಿಯಂ ರೂಪಾಂತರದ ಮೇಲೆ ಕಂಪನಿಯು ರೂ.500 ಬೆಲೆ ಕಡಿಮೆ ಮಾಡಿರುವುದಾಗಿ ಘೋಷಿಸಿದೆ. ಈಗ ಈ ಫೋನ್ ರೂ.14,499ಕ್ಕೆ ಮಾರುಕಟ್ಟೆಯಲ್ಲಿ ದೊರೆಯಲಿವೆ.
