ಕಾಲ ಬದಲಾದಂತೆ ಆಹಾರ ಪದ್ಧತಿಯೂ ಬದಲಾಗಿದೆ ಅಂದ್ರೆ ತಪ್ಪಾಗಲಾರದು. ಯಾಕಂದ್ರೆ ಹಿಂದಿನ ಕಾಲಕ್ಕೂ ಇಂದಿನ ಆಹಾರ ಪದ್ಧತಿಗೂ ಅನೇಕ ವ್ಯತ್ಯಾಸಗಳಿದೆ. ಮೊದಲೆಲ್ಲ ಹೊಟ್ಟೆ ಹಸಿವಿಗಾಗಿ ಪೌಷ್ಟಿಕಾಂಶಯುಕ್ತ ಆಹಾರ ಸೇವಿಸಿದ್ರೆ ಈಗ ಎಲ್ಲಾ ಫಾಸ್ಟ್ ಫುಡ್ ತಿಂದು ಹೊಟ್ಟೆ ಹಾಳು ಮಾಡಿಕೊಳ್ಳುವಂತೆ ಆಗಿದೆ.
ಹೌದು. ಇಂದಿನ ಆಹಾರ ಪದ್ಧತಿಯಿಂದ ಆರೋಗ್ಯವೇ ಹದಗೆಟ್ಟಿದೆ. ಇದರಿಂದಾಗಿ ಫುಡ್ ಪಾಯಿಸನ್ ಎಂಬ ದೊಡ್ಡ ಕಾಯಿಲೆ ಎದುರಾಗುತ್ತದೆ. ಇದರಿಂದಾಗಿ, ಅತಿಸಾರ, ಹೊಟ್ಟೆ ನೋವು, ಮಾತು ಅಥವಾ ದೃಷ್ಟಿ ಭಾಗಶಃ ನಷ್ಟ, ಮಾನಸಿಕ ಗೊಂದಲ, ಒಣ ಬಾಯಿ, ಬೆವರು, ವಾಂತಿ, ತಲೆತಿರುಗುವಿಕೆ, ಕಿಬ್ಬೊಟ್ಟೆಯ ಸೆಳೆತ, ಜ್ವರ, ಆಹಾರವನ್ನು ನುಂಗಲು ತೊಂದರೆ ಮತ್ತು ಅತಿಯಾದ ಜೊಲ್ಲು ಸುರಿಸುವುದು ಹೀಗೆ ಅನೇಕ ರೋಗಗಳು ಎದುರಿಸಬೇಕಾಗುತ್ತದೆ.
ಇಂತಹ ಕಾಯಿಲೆಯಿಂದ ದೂರ ಇರಲು ಮನೆಯ ಅಡುಗೆ ಮನೆಯಲ್ಲಿನ ಕೆಲ ಮನೆಮದ್ದುಗಳನ್ನು ಮಾಡಿ ನೈಸರ್ಗಿಕವಾಗಿ ಚಿಕಿತ್ಸೆ ನೀಡಬಹುದು. ಇದು ಯಾವುದೇ ರೀತಿಯ ಅಡ್ಡಪರಿಣಾಮಗಳಿಲ್ಲದೆ ಸಮಸ್ಯೆ ಗುಣಪಡಿಸುವುದರ ಜೊತೆಗೆ ಆರೋಗ್ಯಕ್ಕೆ ಹಲವು ರೀತಿಯ ಲಾಭಗಳನ್ನೂ ತಂದು ಕೊಡುತ್ತದೆ. ಹಾಗಿದ್ರೆ, ಬನ್ನಿ ಆ ಸುಲಭ ಮನೆಮದ್ದಿನ ಬಗ್ಗೆ ತಿಳಿದುಕೊಳ್ಳೋಣ..
ಬಾಳೆಹಣ್ಣು ಮತ್ತು ಮೊಸರು:
ಬಾಳೆಹಣ್ಣು ಹೊಟ್ಟೆಗೆ ಹಿತ ಮತ್ತು ಮೊಸರು ಆರೋಗ್ಯಕರ ಬ್ಯಾಕ್ಟೀರಿಯಾದಿಂದ ತುಂಬಿರುತ್ತವೆ. ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ಬಾಳೆಹಣ್ಣುಗಳು ಪೊಟ್ಯಾಸಿಯಮ್‌ನ ಅತ್ಯುತ್ತಮ ಮೂಲವಾಗಿದೆ. ದೇಹದಲ್ಲಿ ಕಡಿಮೆಯಾದ ಪೊಟ್ಯಾಸಿಯಮ್ ಅನ್ನು ಪರಿಣಾಮಕಾರಿಯಾಗಿ ಬದಲಾಯಿಸುತ್ತದೆ. ಫುಡ್ ಪಾಯಿಸನ್ ಆದಾಗ ವಾಂತಿ ಮತ್ತು ಅತಿಸಾರದಿಂದ ದೇಹವು ಹದಗೆಡುತ್ತದೆ. ಬಾಳೆಹಣ್ಣು ಮತ್ತು ಮೊಸರನ್ನು ಸೇವಿಸುವುದರಿಂದ ಸ್ನಾಯು ದೌರ್ಬಲ್ಯ ನಿವಾರಿಸಿ ಶಕ್ತಿಯುತಗೊಳಿಸುತ್ತದೆ ಮತ್ತು ಹೈಡ್ರೇಟ್ ಮಾಡುತ್ತದೆ.
ಬೇಕಾಗುವ ಸಾಮಗ್ರಿಗಳು:
2 ಅಥವಾ 3 ಬಲಿಯದ ಬಾಳೆಹಣ್ಣು, 1 ಕಪ್ ಮೊಸರು.
ಮಾಡುವ ವಿಧಾನ:
ಬಾಳೆಹಣ್ಣಿನ ಸಿಪ್ಪೆ ತೆಗೆದು ಸಣ್ಣ ಹೋಳುಗಳಾಗಿಸಿ ಅದನ್ನು ಮೊಸರಿಗೆ ಸೇರಿಸಿ. ಫುಡ್ ಪಾಯಿಸನ್‌ನಿಂದ ಉಂಟಾಗುವ ಅತಿಸಾರವನ್ನು ತಡೆಗಟ್ಟಲು ಈ ಮಿಶ್ರಣವನ್ನು ಸೇವಿಸಿ. ಸಮಸ್ಯೆ ನಿವಾರಣೆಯಾಗುವವರೆಗೆ ದಿನಕ್ಕೆ 1 ಅಥವಾ 2 ಬಾರಿ ಇದನ್ನು ಸೇವಿಸಿ. ಮಾಗಿದ ಬಾಳೆಹಣ್ಣನ್ನು ತಿನ್ನುವುದರ ಹೊರತಾಗಿ, ಆರೋಗ್ಯಕರ ಮತ್ತು ಟೇಸ್ಟಿ ಬಾಳೆಹಣ್ಣಿನ ಶೇಕ್ ಮಾಡಿ ಕುಡಿಯಿರಿ. ಇದನ್ನು ದಿನಕ್ಕೆ 2 ರಿಂದ 3 ಬಾರಿ ಸೇವಿಸಿ.
- ಶುಂಠಿ(Ginger):
ಶುಂಠಿಯಲ್ಲಿ ಆರೋಗ್ಯದ ಗುಟ್ಟು ಅಡಗಿದೆ ಎಂದು ಹಿರಿಯರು ಹೇಳಿರುವುದನ್ನು ಕೇಳಿದ್ದೇವೆ. ಇದು ಅನೇಕ ಜೀರ್ಣಕಾರಿ ಸಮಸ್ಯೆಗಳಿಗೆ ಸಹಾಯ ಮಾಡುತ್ತದೆ. ಶುಂಠಿಯು ಜಿಂಜರಾಲ್(Gingerol) ಎಂಬ ಸಂಯುಕ್ತವನ್ನು ಹೊಂದಿದ್ದು, ಆಂಟಿಮೈಕ್ರೊಬಿಯಲ್(Anti Microbial) ಪರಿಣಾಮಗಳನ್ನು ಬೀರುತ್ತದೆ ಮತ್ತು ಆಹಾರದಿಂದ ಹರಡುವ ರೋಗಕಾರಕಗಳನ್ನು ಎದುರಿಸಲು ಸಹಾಯ ಮಾಡುತ್ತದೆ. ಜೊತೆಗೆ ಅಗತ್ಯ ಪೋಷಕಾಂಶಗಳ ಹೀರಿಕೊಳ್ಳುವಿಕೆಯನ್ನು ಸುಧಾರಿಸುತ್ತದೆ. ಆಹಾರದಿಂದ ಹರಡುವ ಕಾಯಿಲೆಗಳ ಸಾಮಾನ್ಯ ಲಕ್ಷಣಗಳಾದ ವಾಂತಿ ಮತ್ತು ವಾಕರಿಕೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಫುಡ್ ಪಾಯಿಸನ್ ಆದಾಗ ಶುಂಠಿ ಟೀ ಮಾಡಿ ಕುಡಿಯುರಿ
ಬೇಕಾಗುವ ಸಾಮಗ್ರಿಗಳು: ಒಂದು ಚಮಚ ತುರಿದ ಶುಂಠಿ, 2 ಲೋಟ ನೀರು, ಸಕ್ಕರೆ(Sugar) ಅಥವಾ ಜೇನುತುಪ್ಪ(Honey).
ಮಾಡುವ ವಿಧಾನ: ಒಂದು ಪಾತ್ರೆಯಲ್ಲಿ ನೀರು ಹಾಕಿ ಕಾಯಿಸಿಕೊಳ್ಳಿ. ಕುದಿಯಲು ಬರುತ್ತಿರುವಾಗ ಶುಂಠಿ ಹಾಕಿ ಮೂರು ನಿಮಿಷ ಚೆನ್ನಾಗಿ ಕುದಿಸಿ. ನೀರು ಸ್ವಲ್ಪ ಕಡಿಮೆಯಾದಾಗ ಸೋಸಿಕೊಳ್ಳಿ. ಇದಕ್ಕೆ ಜೇನುತುಪ್ಪ ಅಥವಾ ಸಕ್ಕರೆಯನ್ನು ಸೇರಿಸಿಕೊಳ್ಳಿ. ಈ ಶುಂಠಿ ಟೀ ಫುಡ್ ಪಾಯಿಸನ್ ಜೊತೆಗೆ ಎದೆಯುರಿ, ವಾಕರಿಕೆ ಮತ್ತು ಇತರೆ ರೋಗಲಕ್ಷಣಗಳನ್ನು ತಡೆಗಟ್ಟಲು ಊಟದ ನಂತರ ಅಥವಾ ರಾತ್ರಿ(Night) ಊಟದ ನಂತರ ಶುಂಠಿ ಟೀಯನ್ನು ಕುಡಿಯಿರಿ. ವೇಗವಾಗಿ ಜೀರ್ಣವಾಗಲು ಆಹಾರದಲ್ಲಿ ಶುಂಠಿ ಸೇರಿಸಿಕೊಳ್ಳಿ.
- ಜೀರಿಗೆ(Cummin):
ಜೀರಿಗೆಯು ಆಹಾರದಿಂದ ಹರಡುವ ಬ್ಯಾಕ್ಟೀರಿಯಾದ(Bacteria) ವಿರುದ್ಧ ಅದರ ಆಂಟಿಮೈಕ್ರೊಬಿಯಲ್ ಗುಣಲಕ್ಷಣಗಳಿಂದಾಗಿ ಹೊಟ್ಟೆಯ ಉರಿಯೂತಕ್ಕೆ ಸಹಾಯ ಮಾಡುತ್ತದೆ.
ಬೇಕಾಗುವ ವಿಧಾನಗಳು: ಒಂದು ಕಪ್ ಜೀರಿಗೆ, ಒಂದು ಕಪ್ ಕೊತ್ತಂಬರಿ ಸೊಪ್ಪು(Coriander Leaves), ಉಪ್ಪು.
ಮಾಡುವ ವಿಧಾನಗಳು: ಕೊತ್ತಂಬರಿ ಸೊಪ್ಪಿನಿಂದ 1 ಚಮಚದಷ್ಟು ರಸವನ್ನು ತೆಗೆಯಿರಿ. ಒಂದು ಪಾತ್ರೆಯಲ್ಲಿ ನೀರು ಮತ್ತು ಜೀರಿಗೆ ಪುಡಿ ಹಾಕು ಕುದಿಸಿ. ಕುದಿಸಿದ ನಂತರ ಸೋಸಿ ಅದಕ್ಕೆ ತಾಜಾ ಕೊತ್ತಂಬರಿ ರಸ ಮತ್ತು ಚಿಟಿಕೆ ಉಪ್ಪು ಸೇರಿಸಿ. ಕೆಲ ನಿಮಿಷ ಮಿಶ್ರಣವನ್ನು ತಣ್ಣಗಾಗಲು ಅನುಮತಿಸಿ. ಸಮಸ್ಯೆ ನಿವಾರಣೆಗೆ ದಿನಕ್ಕೆ 2 ರಿಂದ 3 ಬಾರಿ ಸೇವಿಸಿ.
ಜೀರಿಗೆ ಬೀಜಗಳು, ಅಸೆಫೆಟಿಡಾ(ಹಿಂಗ್) ಮತ್ತು ಉಪ್ಪಿನಿಂದ ಗಿಡಮೂಲಿಕೆ ಚಹಾವನ್ನು ತಯಾರಿಸುವುದು ಮತ್ತೊಂದು ಆಯ್ಕೆಯಾಗಿದೆ. ದಿನಕ್ಕೆ ಎರಡರಿಂದ ಮೂರು ಬಾರಿ ಈ ಚಹಾವನ್ನು ಕುಡಿಯಬೇಕು. ಇದು ದೇಹದ ವ್ಯವಸ್ಥೆಯನ್ನು ಶುದ್ಧೀಕರಿಸಲು ಮತ್ತು ರೋಗಲಕ್ಷಣಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ.
- ಮೆಂತ್ಯ ಕಾಳು ಮತ್ತು ಮೊಸರು(Fenugreek And Curd):
ಮೆಂತ್ಯ ಕಾಳು ಮತ್ತು ಮೊಸರು ಆಂಟಿಬ್ಯಾಕ್ಟೀರಿಯಲ್(Anti Bacterial) ಮತ್ತು ಆಂಟಿಮೈಕ್ರೊಬಿಯಲ್(Anti Microbial) ಗುಣಲಕ್ಷಣಗಳನ್ನು ಹೊಂದಿದೆ. ಇದು ದೇಹಕ್ಕೆ ಬೇಡದ ಹಾಗೂ ವಿಷಮಯ ಬ್ಯಾಕ್ಟೀರಿಯಾಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಮೆಂತ್ಯ ಕಾಳು ಹೊಟ್ಟೆಯ ಅಸ್ವಸ್ಥತೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ.
ಬೇಕಾಗುವ ಸಾಮಗ್ರಿಗಳು: ಒಂದು ಚಮಚ ಮೆಂತ್ಯ ಕಾಳು, ಒಂದು ಚಮಚ ಮೊಸರು.
ಮಾಡುವ ವಿಧಾನ: ಒಂದು ಚಮಚ ಮೆಂತ್ಯ ಬೀಜವನ್ನು ನೇರವಾಗಿ ಬಾಯಿಗೆ ಹಾಕಿಕೊಳ್ಳಿ ಆದರೆ ಅಗೆಯುವ ಅಗತ್ಯವಿಲ್ಲ. ನಂತರ ಒಂದು ಚಮಚ ಮೊಸರನ್ನು ಸೇವಿಸಿ ನುಂಗಿ. ಮೊಸರು ಮತ್ತು ಮೆಂತ್ಯ ಕಾಳುಗಳ ಸಂಯೋಜನೆಯ ಪರಿಣಾಮದಿಂದ ಹೊಟ್ಟೆ ನೋವು(Stomach Pain), ವಾಂತಿಯು ತಕ್ಷಣ ಪರಿಹಾರ ನೀಡುತ್ತದೆ.
