ಕೇಂದ್ರ ಸರ್ಕಾರವು ಅಖಿಲ ಭಾರತ ಸೇವಾ (AIS) ಅಧಿಕಾರಿಗಳಿಗೆ ಸ್ವಯಂ ನಿವೃತ್ತಿ ಪ್ರಕ್ರಿಯೆಯನ್ನು ಸರಳೀಕರಿಸುತ್ತಿದೆ. ಅಖಿಲ ಭಾರತ ಸೇವೆಗಳ (ಮರಣ-ನಿವೃತ್ತಿ ಪ್ರಯೋಜನಗಳು) ನಿಯಮಗಳು, 1958 ರ ಅಡಿಯಲ್ಲಿ ಡಿಒಪಿಟಿ ಸದರಿ ಮಾರ್ಗಸೂಚಿಗಳನ್ನು ಹೊರಡಿಸಿದೆ. ಡಿಒಪಿಟಿ ಸ್ವಯಂ ನಿವೃತ್ತಿಗೆ ಸಂಬಂಧಪಟ್ಟ ರಾಜ್ಯ ಸರ್ಕಾರಕ್ಕೆ ಕನಿಷ್ಠ 90 ದಿನಗಳ ಮುಂಚಿತವಾಗಿ ಲಿಖಿತ ಸಂವಹನ ನೀಡಬೇಕು ಹಾಗೂ ಇತರ ಎಲ್ಲಾ ಷರತ್ತುಗಳನ್ನ ಪೂರೈಸಿದರೆ, ಅಧಿಕಾರಿಯು ಮೂರು ತಿಂಗಳ ನೋಟಿಸ್’ನ ಕೊನೆಯ ದಿನಾಂಕದಿಂದ ನಿವೃತ್ತರಾಗಬಹುದು ಎಂದು ತಿಳಿಸಿದೆ.
ಅಖಿಲ ಭಾರತ ಸೇವಾ ಅಧಿಕಾರಿ ಸ್ವಯಂ ನಿವೃತ್ತಿ ಪಡೆಯಲು ಬಯಸಿದರೆ, ಆ ಸಂದರ್ಭದಲ್ಲಿ ಹೊಸ ನಿಯಮಗಳು ಅನ್ವಯವಾಗುತ್ತವೆ. ನಿವೃತ್ತಿ ಪಡೆಯಲು, ಆಸಕ್ತ ಅಧಿಕಾರಿ ಕನಿಷ್ಠ ಮೂರು ತಿಂಗಳ ಕಾಲ ಸಂಬಂಧಪಟ್ಟ ರಾಜ್ಯ ಸರ್ಕಾರಕ್ಕೆ ಅರ್ಜಿ ಸಲ್ಲಿಸಬೇಕಾಗುತ್ತದೆ. ಅವರ ಸೇವೆ ಮೂವತ್ತು ವರ್ಷಗಳಾಗಿರಬೇಕು. ಐವತ್ತು ವರ್ಷ ವಯಸ್ಸಿನ ನಂತರ ಸ್ವಯಂ ನಿವೃತ್ತಿಯ ಸೂಚನೆಯನ್ನು ನೀಡಬಹುದಾಗಿದೆ. ಈ ಸಮಯದಲ್ಲಿ, ಯಾವುದೇ ಸಂದರ್ಭದಲ್ಲಿ ಯಾರನ್ನಾದರೂ ಅಮಾನತುಗೊಳಿಸಿದರೆ, ಅದಕ್ಕಾಗಿ ಕೇಂದ್ರ ಸರ್ಕಾರದ ಅನುಮತಿಯನ್ನು ಪಡೆಯಬೇಕಾಗುತ್ತದೆ.
ಡಿಒಪಿಟಿಯ ನಿಯಮ ಸಂಖ್ಯೆ 16 (2ಎ) (2ಎ) ಪ್ರಕಾರ, ಸ್ವಯಂ ನಿವೃತ್ತಿಗಾಗಿ ರಾಜ್ಯ ಸರ್ಕಾರಕ್ಕೆ ಮೂರು ತಿಂಗಳ ಮುಂಚಿತವಾಗಿ ಲಿಖಿತ ನೋಟಿಸ್ ನೀಡಿದ ನಂತರ ಸದಸ್ಯರು ನಿವೃತ್ತಿಯ ಮೇಲೆ ಹೋಗಬಹುದು. ಆ ಸಮಯದಲ್ಲಿ, ಸಂಬಂಧಪಟ್ಟ ಅಧಿಕಾರಿಯ ಅರ್ಹತಾ ಸೇವೆಯು ಇಪ್ಪತ್ತು ವರ್ಷಗಳಾಗಿರಬೇಕು. ಅಂತಹ ಸಂದರ್ಭದಲ್ಲಿ ಕೇಂದ್ರ ಸರ್ಕಾರದ ಅನುಮೋದನೆಯ ಅಗತ್ಯವಿದೆ.
ಕಂಪನಿಯು ಸರ್ಕಾರದಿಂದ ನಿಯಂತ್ರಿಸಲ್ಪಡುತ್ತದೆ ಅಥವಾ ಸರ್ಕಾರದಿಂದ ಹಣಕಾಸು ಪಡೆಯುತ್ತದೆ. ಅಂತಹ ಸಂದರ್ಭದಲ್ಲಿ ಒಬ್ಬ ಅಧಿಕಾರಿಯು ಸ್ವಯಂ ನಿವೃತ್ತಿಯನ್ನ ಬಯಸಿದ್ರೆ, ಈ ನಿಯಮಗಳು ಆತನಿಗೆ ಅನ್ವಯಿಸುವುದಿಲ್ಲ. ಅಸ್ಸಾಂ-ಮೇಘಾಲಯ ಕೇಡರ್ನ ನಿಯಮಗಳು ಇಲ್ಲಿ ಅನ್ವಯವಾಗುತ್ತವೆ. ಮಣಿಪುರ-ತ್ರಿಪುರಾ, ನಾಗಾಲ್ಯಾಂಡ್ ಮತ್ತು ಸಿಕ್ಕಿಂ ಕೇಡರ್ಗಳು ಅರ್ಜಿದಾರರು 15 ವರ್ಷಗಳ ಸೇವಾವಧಿಯನ್ನ ಪೂರ್ಣಗೊಳಿಸಿದ ದಿನಾಂಕದಿಂದ ನಿವೃತ್ತಿ ಪಡೆಯಬಹುದು.
ಸಂಬಂಧಪಟ್ಟ ಅಧಿಕಾರಿ ಸ್ವಯಂ ನಿವೃತ್ತಿಯ ಬಗ್ಗೆ ತಮ್ಮ ನಿರ್ಧಾರವನ್ನು ಬದಲಾಯಿಸುವ ಅಂದರೆ ನೋಟಿಸ್ ಹಿಂಪಡೆಯುವ ಅವಕಾಶವಿದೆ. ಇದಕ್ಕಾಗಿ, ಅವನು ಸಂಬಂಧಪಟ್ಟ ಸಕ್ಷಮ ಪ್ರಾಧಿಕಾರದ ಅನುಮೋದನೆಯನ್ನು ಪಡೆಯಬೇಕು. ಸ್ವಯಂ ನಿವೃತ್ತಿಯನ್ನು ಹಿಂತೆಗೆದುಕೊಳ್ಳುವ ಅರ್ಜಿಯನ್ನು, ನೋಟಿಸ್ ಅವಧಿ ಮುಗಿಯುವ ಮೊದಲು ಸಲ್ಲಿಸಬೇಕು. ಒಂದು ವೇಳೆ ಈ ಷರತ್ತನ್ನ ಪೂರೈಸದಿದ್ದರೆ, ಫೈಲ್ ಮುಂದೆ ಚಲಿಸುವುದಿಲ್ಲ.
ಯಾವುದೇ ಅಧಿಕಾರಿಯ ವಿರುದ್ಧ ದಂಡ ವಿಧಿಸುವ ಪ್ರಕ್ರಿಯೆ ನಡೆಯುತ್ತಿದ್ದರೆ, ಆ ಅಧಿಕಾರಿಯ ಸ್ವಯಂ ನಿವೃತ್ತಿಯ ಅರ್ಜಿಯನ್ನು ಸ್ವೀಕರಿಸಲಾಗುವುದಿಲ್ಲ. ಅಧಿಕಾರಿಯು ವೈಯಕ್ತಿಕ ಕಾರಣಗಳಿಗಾಗಿ ಅಥವಾ ವೈದ್ಯರ ಸಲಹೆಯ ಮೇರೆಗೆ ರಜೆಯಲ್ಲಿದ್ದರೆ, ಆತ ಈ ಮಧ್ಯೆ ಸ್ವಯಂ ನಿವೃತ್ತಿಯ ಸೂಚನೆಯನ್ನ ನೀಡುತ್ತಾನೆ, ಆಗ ನೋಟಿಸ್ ಮತ್ತು ರಜೆಯ ಅವಧಿಯನ್ನು ಏಕಕಾಲದಲ್ಲಿ ಪರಿಗಣಿಸಲಾಗುವುದಿಲ್ಲ. ಯಾವುದೇ ಅಧಿಕಾರಿಯ ನಿವೃತ್ತಿಯು ಅವನು ನೀಡಿದ ಮೂರು ತಿಂಗಳ ನೋಟಿಸ್’ನ ಮುಕ್ತಾಯದ ನಂತರವೇ ಜಾರಿಗೆ ಬರುತ್ತದೆ.
ಸ್ವಯಂ ನಿವೃತ್ತಿಗಾಗಿ ಸೂಚನೆಯನ್ನು ನೀಡಿದ ಯಾವುದೇ ಸದಸ್ಯನು, ನಿಗದಿತ ಮೂರು ತಿಂಗಳ ಅವಧಿಯ ಮುಕ್ತಾಯದ ವೇಳೆಗೆ ಸೇವೆಯಿಂದ ನಿವೃತ್ತಿ ಹೊಂದತಕ್ಕದ್ದು. ನೋಟಿಸ್ ನೀಡಿದ ನಂತರ ಅವರನ್ನು ಅಮಾನತುಗೊಳಿಸಿದರೂ ಸಹ, ಅಂತಹ ಪ್ರಕರಣದಲ್ಲಿ ಅಧಿಕಾರಿಯನ್ನು ಅಮಾನತುಗೊಳಿಸಿದ ದಿನಾಂಕದಿಂದ ಪಿಂಚಣಿದಾರನ ವಿರುದ್ಧ ಇಲಾಖಾ ವಿಚಾರಣೆಗಳು ಸಹ ಪ್ರಾರಂಭವಾಗುತ್ತವೆ.
ಸ್ವಯಂ ನಿವೃತ್ತಿಯ ಸೂಚನೆಯನ್ನು ನೀಡಿದ ನಂತರವೂ ಅಮಾನತಿನಲ್ಲಿ ಉಳಿಯುವ ಒಬ್ಬ ಅಧಿಕಾರಿಗೆ, ನಿಯಮ 6 (1)ರ ಖಂಡ (ಬಿ) (2) ರಲ್ಲಿ ಒಳಗೊಂಡಿರುವ ಮಿತಿಯ ಪ್ರಯೋಜನವನ್ನು ಆತನಿಗೆ ಒದಗಿಸಲಾಗುವುದಿಲ್ಲ ಎಂದು ಉಪಬಂಧಿಸಲಾಗಿದೆ. ಅಂತಹ ಅಧಿಕಾರಿಯ ನಿವೃತ್ತಿಯ ನಂತರವೂ ಅವರ ವಿರುದ್ಧ ಕ್ರಮ ತೆಗೆದುಕೊಳ್ಳಬಹುದು.
